രണ്ടാം ലോക മഹായുദ്ധസമയത്ത് യു.എസിനു വേണ്ടി പ്രവര്‍ത്തിച്ച ചാരസുന്ദരി എലിസബത്ത് ബെറ്റി മെക്കിന്റോഷ് നൂറിന്റെ നിറവില്‍. ജപ്പാന്‍ സേനയെ അട്ടിമറിക്കാന്‍ വിവരങ്ങള്‍ പ്രചരിപ്പിക്കുന്നതില്‍ പ്രധാന പങ്കു വഹിച്ച അവര്‍ തന്റെ ചാരവൃത്തികള്‍ക്കായി 1943 ന് ഇന്ത്യയിലെത്തി ഏതാനും വര്‍ഷങ്ങള്‍ ഇവിടെ ചെലവഴിക്കുകയായിരുന്നു.

അക്കാലത്തെ ഒ.എസ്.എസ് ഓഫീസറായി ഇന്ത്യയിലുണ്ടായിരുന്ന സി.ഐ.എ മേധാവി ജോണ്‍ ബ്രന്നന്‍
സ്‌പൈ ഏജന്‍സിയുടെ ആസ്ഥാനത്ത് വച്ച്‌നടത്തിയ പിറന്നാള്‍ ആഘോഷങ്ങള്‍ക്ക് നേതൃത്വം വഹിച്ചു. ബെറ്റിയുടെ സേവനങ്ങളെ ഇന്നും ഏജന്‍സി മാനിക്കുന്നതായി വ്യക്തമാക്കിയ അദ്ദേഹം സ്ത്രീകള്‍ക്കും പ്രധാനമായും സി.ഐ.എയിലെ സ്ത്രീ ജീവനക്കാര്‍ക്കും പ്രചോദനമാണ് അവരുടെ ജീവിതമെന്ന് അഭിപ്രായപ്പെട്ടു.

ജപ്പാന്റെ പേള്‍ ഹാര്‍ബര്‍ ആക്രമണം ക്രിപ്‌സ് ഹോവാര്‍ഡ് ന്യൂസ് ഏജന്‍സിക്കുവേണ്ടി റിപ്പോര്‍ട്ട് ചെയ്തു കൊണ്ടായിരുന്നു വാഷിംഗ്ടണ്‍ ഡിസി സ്വദേശിയായിരുന്ന ബെറ്റിയുടെ തുടക്കം. തുടര്‍ന്ന് ജപ്പാനീസ് ഭാഷ അനായാസം കൈകാര്യം ചെയ്യാനുള്ള പാടവം കണക്കിലെടുത്താണ് ഒ.എസ്.എസിലേക്ക് നിയമിക്കപ്പെട്ടത്.

പരിശീലനത്തിനു ശേഷം ഇന്ത്യയിലേക്ക് അയയ്ക്കപ്പെട്ട ഇവര്‍ തെറ്റായ വാര്‍ത്തകള്‍ സൃഷ്ടിച്ചും, റേഡിയോ സന്ദേശങ്ങള്‍ നല്‍കിയും ജപ്പാന്റെ അടിത്തറ തുരന്നു. പിന്നീട് ജന്മനാട്ടില്‍ തിരിച്ചെത്തി 1958ല്‍ സി.ഐ.എയില്‍ ചേര്‍ന്ന ഇവര്‍ 1973ല്‍ വിരമിക്കുകയായിരുന്നു. തന്റെ ചാരവൃത്തിക്കാലത്തെ ജീവിതത്തെ ആസ്പദമാക്കി ഇവര്‍ രചിച്ചിട്ടുള്ള കൃതിയാണ് \'സിസ്റ്റര്‍ഹുഡ് ഒഫ് സ്‌പൈസ്: ദി വുമണ്‍ ഒഫ് ദി ഒ.എസ്.എസ്\' .

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha