തിരക്കേറിയ വ്യാപാര മേഖലയിലുണ്ടായ ഒന്നിലധികം സ്‌ഫോടനങ്ങളില്‍ നിന്ന് ബംഗ്ലാദേശ് പ്രധാനമന്ത്രി ഷെയ്ഖ് ഹസീന തലനാരിഴയ്ക്ക് രക്ഷപ്പെട്ടു. ധാക്കയിലെ കര്‍വാന്‍ ബാസാര്‍ പരിസരത്തിലൂടെ ഹസീനയും പരിവാരങ്ങളും കടന്നുപോയി പത്തു മിനിറ്റ് വ്യത്യാസത്തിലാണ് ഏതാനും ക്രൂഡ് ബോംബുകള്‍ പൊട്ടിത്തെറിച്ചത്.
രാഷ്ട്രപിതാവ് ഷെയ്ഖ് മുജിബുര്‍ റഹ്മാന്‍ 1971ല്‍ നടത്തിയ ചരിത്രപ്രധാനമായ പ്രസംഗത്തിന്റെ വാര്‍ഷികത്തോടനുബന്ധിച്ച് ഭരണകക്ഷിയായ അവാമി ലീഗ് ധാക്കയിലെ സുഹ്രവാഡി ഉദ്യാനില്‍ സംഘടിപ്പിച്ച റാലി അഭിസംബോധന ചെയ്യുവാനായി പോകുയയായിരുന്നു ഹസീന.
സ്‌ഫോടനത്തില്‍ ഒരു പൊലീസ് ഉദ്യോഗസ്ഥന് പരിക്കേറ്റു.
പ്രതിപക്ഷ നേതാവ് ഖാലിദാ സിയയ്‌ക്കെതിരെ കോടതി അറസ്റ്റ് വാറണ്ട് പുറപ്പെടുവിച്ചതില്‍ പ്രതിഷേധിച്ച് പ്രതിപക്ഷ അനുകൂല പ്രവര്‍ത്തകര്‍ നടത്തിയ റോഡ് ഉപരോധത്തിലും പ്രതിഷേധ പ്രകടനങ്ങളിലും ശനിയാഴ്ച രാജ്യത്തുടനീളം ജനജീവിതം സ്തംഭിച്ചതിനിടെയാണ് പ്രധാനമന്ത്രിയെ ലക്ഷ്യംവെച്ച് ആക്രമണം ഉണ്ടായത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha