സിറിയയില്‍ ഐസിസ് കേന്ദ്രങ്ങളില്‍ യുഎസ് നടത്തിയ വ്യോമാക്രമണത്തില്‍ 30 പേര്‍ കൊല്ലപ്പെട്ടതായി റിപ്പോര്‍ട്ട്. സിറിയന്‍ അതിര്‍ത്തിയിലെ ഐഎസ് ഭീകരരുടെ നിയന്ത്രണത്തിലുള്ള എണ്ണ ശുദ്ധീകരണ ശാലയിലാണ് യുഎസിന്റെ നേതൃത്വത്തില്‍ വ്യോമാക്രമണം നടത്തിയത്. ആക്രമണത്തില്‍ ഭീകരരും തൊഴിലാളികളും കൊല്ലപ്പെട്ടിട്ടുണ്ട്.
സിറിയയും ഇറാഖും ഐഎസിന്റെ ശക്തി കേന്ദ്രങ്ങളാണ്. ഈ രാജ്യങ്ങളില്‍ നിന്നുള്ള എണ്ണ വ്യാപാരമാണ് ഐഎസിന്റെ പ്രധാന വരുമാന സ്രോതസ്സ്. ഇതിന്റെ ഭാഗമായാണ് എണ്ണ ശുദ്ധീകരണ ശാലകളെ കേന്ദ്രീകരിച്ച് യുഎസ് ആക്രമണം തുടങ്ങിയത്. യുഎസിന്റെ നിയന്ത്രണത്തിലുണ്ടായിരുന്ന പല എണ്ണശുദ്ധീകരണ ശാലകളും ഐസിസ് ഭീകരുടെ കയ്യിലാണിപ്പോള്‍. ഇത് തിരിച്ച് പിടിക്കാനാണ് അമേരിക്കയുടെ നീക്കം.
എണ്ണ ശുദ്ധീകരണ ശാലകള്‍ ഐസിസിന്റെ നേതൃത്വത്തില്‍ പിടിച്ചെടുത്ത് ലോകത്തിന്റെ വിവിധ രാജ്യങ്ങളിലേക്ക് കുറഞ്ഞ വിലയില്‍ എണ്ണകയറ്റി അയച്ചിരുന്നു. ഇതോടെ അന്താരാഷ്ട വിപണിയില്‍ എണ്ണയുടെ വില കുടിവെള്ളത്തേക്കാലും താഴ്ന്ന നിലയില്‍ ഇടിഞ്ഞിരുന്നു. അമേരിക്കയുള്‍പ്പെടുന്ന രാജ്യങ്ങളുടെ സാബത്തികാവസ്ഥ തന്നെ പരുങ്ങലിലായി. ഇതിനെ തുടര്‍ന്നാണ് അമേരിക്കയുടെ നേതൃത്വത്തില്‍ ഐസിസിനെതിരെ ശക്തമായ നടപടി സ്വീകരിക്കാന്‍ തയ്യാറായത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha