കൊറോണ വൈറസിനെ തുരത്താനുള്ള പോരാട്ടത്തിനായി സാര്ക്ക് രാജ്യങ്ങള് വീഡിയോ കോണ്ഫറന്സ്; പ്രധാനമന്ത്രി നരേന്ദ്ര മോദിയുടെ അഭ്യര്ത്ഥന സ്വീകരിച്ച് പാകിസ്താന്
കൊറോണ വൈറസിനെ തുരത്താനുള്ള പോരാട്ടത്തിനായി സാര്ക്ക് രാജ്യങ്ങള് വീഡിയോ കോണ്ഫറന്സിലൂടെ ചര്ച്ച നടത്തും. എന്നാൽ ഇതിൽ പങ്കെടുക്കണമെന്ന പ്രധാനമന്ത്രി നരേന്ദ്ര മോദിയുടെ അഭ്യര്ത്ഥന സ്വീകരിച്ചിരിക്കുകയാണ് പാകിസ്താന്. ആഗോളതലത്തിലും പ്രാദേശിക തലത്തിലും ഏകോപനം വേണ്ടതിന്റെ ആവശ്യകത അംഗീകരിച്ച് സാര്ക്ക് രാജ്യങ്ങളുടെ വീഡിയോ കോണ്ഫറന്സില് പങ്കെടുക്കുമെന്നും പാകിസ്താന് അറിയിക്കുകയുണ്ടായി.
പാകിസ്താന് വിദേശകാര്യ മന്ത്രാലയ വക്താവ് ട്വിറ്ററിലൂടെയാണ് ഇക്കാര്യം പറഞ്ഞിരിക്കുന്നത്. നിര്ദ്ദിഷ്ട വീഡിയോ കോണ്ഫറന്സില് പങ്കെടുക്കുന്നതിനായി പാക് പ്രധാനമന്ത്രി ഇമ്രാന് ഖാന് പ്രത്യേക ആരോഗ്യ വകുപ്പ് ഉദ്യോഗസ്ഥനെ നിയോഗിച്ചിട്ടുണ്ടെന്നും വക്താവ് വ്യക്തമാക്കിയിരുന്നു. കൊറോണ വൈറസിനെതിരെയുള്ള പോരാട്ടത്തിന് ശക്തമായ തന്ത്രങ്ങള് ആവിഷ്ക്കരിക്കാന് സാര്ക്ക് രാജ്യങ്ങളോട് അഭ്യര്ഥിക്കുകയായിരുന്നു പ്രധാനമന്ത്രി നരേന്ദ്ര മോദി ചെയ്തത്. കഴിഞ്ഞ ദിവസമായിരുന്നു ഈ ട്വീറ്റ് അദ്ദേഹം ചെയ്തത്. ഈ തന്ത്രങ്ങള് വിഡിയോ കോണ്ഫറന്സിംഗിലൂടെ ചര്ച്ച ചെയ്യാമെന്നും സാര്ക്ക് രാജ്യങ്ങള് ഒന്നിച്ചു വരുന്നത് ലോകത്തിന് ഒരു മാതൃകയാണെന്നും മോദി വ്യക്തമാക്കി .
https://www.facebook.com/Malayalivartha