ഇന്ത്യ മികച്ചത്; മോദിയുടെ നേതൃപാടവം പ്രശംസനീയം; പധാനമന്ത്രിയെ അഭിനന്ദിച്ചുകൊണ്ട് ബില്‍ഗേറ്റ്‌സ്;
കൊവിഡ് പ്രതിരോധ മാര്‍ഗങ്ങള്‍ക്കായി പ്രധാനമന്ത്രി നരേന്ദ്ര മോദി സ്വീകരിച്ചുവരുന്ന പ്രവര്‍ത്തനങ്ങളെ പ്രകീര്‍ത്തിച്ച് മൈക്രോസോഫ്റ്റ് സ്ഥാപകനും ലോകസമ്പന്നനുമായ ബില്‍ഗേറ്റ്‌സ് രംഗത്ത്. തന്റെ അഭിനന്ദനം അറിയിച്ചുകൊണ്ട് ബില്‍ഗേറ്റ്‌സ് മോദിക്ക് കത്തെഴുതുകയായിരുന്നു. കൊവിഡ് പ്രതിരോധ പ്രവര്‍ത്തനങ്ങളിലെ മോദിയുടെ നേതൃപാടവം പ്രശംസനീയമാണെന്ന് ബില്‍ഗേറ്റ്‌സ് കുറിച്ചു. കൊവിഡ് വ്യാപനത്തിന്റെ നിരക്ക് കുറയ്ക്കാന്‍ സ്വീകരിച്ച നടപടികളെയും അഭിനന്ദിച്ചായിരുന്നു ബില് ഗേറ്റ്‌സിന്റെ കത്ത്.
ലോക്ക് ഡൗണ്‍ നടപ്പിലാക്കിയത്, ഹോട്ട്‌സ്‌പോട്ടുകള്‍ കണ്ടെത്തി ഐസൊലേഷന്‍ പ്രാവര്‍ത്തികമാക്കിയത്, രോഗം സ്ഥിരീകരിച്ചവരെ ക്വാറന്റൈന്‍ ചെയ്യാനുള്ള നടപടികള്‍ വേഗത്തിലാക്കിയത്, ആരോഗ്യ മേഖലയില്‍ കൂടുതല്‍ പണം മുടക്കിയത്, രോഗവ്യാപനം തടയാന്‍ ഡിജിറ്റല്‍ സംവിധാനങ്ങളെ ഉപയോഗപ്പെടുത്തിയത തുടങ്ങിയ കാര്യങ്ങള്‍ ചൂണ്ടിക്കാട്ടിയാണ് ബില്‍ഗേറ്റ്‌സിന്റെ അഭിനന്ദനം.
കോവിഡ് പ്രതിരോധത്തിനായി ഡിജിറ്റല്‍ കഴിവുകള്‍ പ്രയോജനപ്പെടുത്തിയതില്‍ സന്തോഷമുണ്ടെന്നും അദ്ദേഹം പറഞ്ഞു. ആരോഗ്യ സേതു ആപ്പിന്റെ കാര്യം പ്രത്യേകം എടുത്തുപറഞ്ഞാണ് ബില് ഗേറ്റ്‌സ് അഭിനന്ദന കത്ത് മോദിക്ക് അയച്ചത്
ഇന്ത്യയില്‍ കൊവിഡ് വിപത്തിനെ ഉന്മൂലനം ചെയ്യുന്നതിനായുള്ള പ്രവര്‍ത്തനങ്ങള്‍ക്കായി അങ്ങയും അങ്ങയുടെ ഗവണ്‍മെന്റും സ്വീകരിച്ചുവരുന്ന നടപടികള്‍ പ്രശംസനീയമാണ്. ഇതുമായി ബന്ധപ്പെട്ട് ഏര്‍പ്പെടുത്തിയ ലോക്ക്ഡൗണ്‍, ഐസൊലേഷന്‍, ക്വാറന്റൈന്‍ തുടങ്ങിയ മാര്‍ഗങ്ങള്‍, ആരോഗ്യമേഖലയില്‍ പ്രഖ്യാപിക്കപ്പെട്ട പദ്ധതികള്‍ തുടങ്ങിയവയെല്ലാം തന്നെ അഭിനന്ദനമര്‍ഹിക്കുന്നതാണെന്ന് കത്തില്‍ ബില്‍ഗേറ്റ്‌സ് സൂചിപ്പിക്കുന്നു.കൊവിഡ് പ്രതിരോധത്തിന് ഡിജിറ്രല്‍ പ്‌ളാറ്റ്‌ഫോമുകളെ ഉപയോഗപ്പെടുത്തുന്നതിലും ബില്‍ഗേറ്റസ് സന്തുഷ്ടി പ്രകടിപ്പിച്ചു. കേന്ദ്രസര്‍ക്കാര്‍ വികസിപ്പിച്ചെടുത്ത മൊബൈല്‍ ആപ്‌ളിക്കേനായ ആരോഗ്യസേതുവിന്റെ പേര് അദ്ദേഹം കത്തില്‍ പ്രത്യേകം എടുത്തു പറഞ്ഞിട്ടുമുണ്ട്.
https://www.facebook.com/Malayalivartha
