കോവിഡ് മഹാമാരിയെക്കുറിച്ച് രാജ്യാന്തര അന്വേഷണം വേണമെന്ന് ഓസ്ട്രേലിയ
കോവിഡ് മഹാമാരിയുടെ വൈറസിന്റെ ഉദ്ഭവം, വ്യാപനം എന്നിവ അന്വേഷിക്കണമെന്ന് ഓസ്ട്രേലിയ. 'ചൈന വിരോധം' പ്രചരിപ്പിക്കുന്ന യുഎസിനു കൂട്ടുനില്ക്കുകയാണ് ഓസ്ട്രേലിയ എന്നു ചൈന കുറ്റപ്പെടുത്തി. അന്വേഷണത്തിനു പറ്റിയ സമയമല്ലെന്ന് ഫ്രാന്സ് വ്യക്തമാക്കി.
ഇതേസമയം, കോവിഡിന്റെ യഥാര്ഥ വിവരങ്ങള് മൂടിവച്ച ചൈന, മുന്നറിയിപ്പു നല്കിയവരെ നിശ്ശബ്ദരാക്കിയെന്നും രോഗം പടരുന്നതു തടയാന് ഒന്നും ചെയ്തില്ലെന്നും ആരോപിച്ചുകൊണ്ട് ചൈനയ്ക്കെതിരെ നിയമനടപടി സ്വീകരിക്കാന് യുഎസ് സംസ്ഥാനമായ മിസോറി തീരുമാനിച്ചു.
ഇസ്രയേല് :ഗാസ മുനമ്പില് നിന്നുള്ള സാംപിളുകളുടെ പരിശോധന നടത്താനുള്ള സൈന്യത്തിന്റെ പദ്ധതി പ്രതിരോധ മന്ത്രി ഇടപെട്ടു റദ്ദാക്കി.
ഇയു : കൊറോണ വൈറസിനെ ചെറുക്കാന് യൂറോപ്യന് യൂണിയന് ഒരുമിച്ചുനില്ക്കണമെന്ന് ഫ്രാന്സിസ് മാര്പാപ്പയുടെ ആഹ്വാനം. സാമ്പത്തിക പ്രതിസന്ധി ചെയ്യാന് ഇന്നു യൂറോപ്യന് നേതാക്കളുടെ യോഗം
ചൈന : വിദേശത്തു നിന്നു തിരിച്ചെത്തിയ 23 പേര് അടക്കം ചൈനയില് പുതിയ രോഗികള് 30.
ദക്ഷിണ കൊറിയ : പുതിയ രോഗികള് 11. തുടര്ച്ചയായ നാലാം ദിവസമാണു രോഗികള് 15ല് താഴെയാകുന്നത്
യൂറോപ്പ് : ജര്മനിയില് ലോക്ഡൗണ് ഇളവുകള്. ബര്ലിനില് ചെറിയ കടകള് തുറന്നു. ഡെന്മാര്ക്കിലും ഓസ്ട്രിയയിലും ഇളവുകള്. ഫ്രാന്സില് തുറന്ന റസ്റ്ററന്റുകളില് നീണ്ട നിര.
ജപ്പാന് : നാഗസാക്കിയില് അറ്റകുറ്റപ്പണിക്കായി നങ്കൂരമിട്ട ഇറ്റാലിയന് വിനോദസഞ്ചാരക്കപ്പലിലെ 33 പേര്ക്കു രോഗം സ്ഥിരീകരിച്ചു. സാമൂഹിക അകലം പാലിക്കുന്നത് ഉറപ്പുവരുത്താന് ആയിരങ്ങളെത്തുന്ന പുഷ്പോത്സവം വേണ്ടെന്നു വച്ചു. പൂവിട്ട ഒരു ലക്ഷം ടുലിപ് ചെടികള് വെട്ടിനിരത്തി.
ലബനന് : പലസ്തീന് അഭയാര്ഥികള് തിങ്ങിപ്പാര്ക്കുന്ന ക്യാംപില് ആദ്യ കോവിഡ് സ്ഥിരീകരിച്ചതോടെ ലോക്ഡൗണ്.
യുഎസ് : 24 മണിക്കൂറിനിടെ 2700 മരണം. ന്യൂയോര്ക്കില് പ്രതിദിനം 40,000 പേര്ക്കു പരിശോധന നടത്തും. പകര്ച്ചപ്പനികളുടെ മഞ്ഞുകാലം വരാനിരിക്കെ, വൈറസ് രണ്ടാംഘട്ട വ്യാപനം സ്ഥിതി ഗുരുതരമാക്കുമെന്ന് ആരോഗ്യവകുപ്പിന്റെ മുന്നറിയിപ്പ്.
സ്പെയിന് : 24 മണിക്കൂറിനിടെ 435 പുതിയ രോഗികള്. ആകെ രോഗികള് 2 ലക്ഷം കവിഞ്ഞു. മേയ് രണ്ടാം വാരം ലോക്ഡൗണ് ഇളവുകള്.
ബ്രിട്ടന് : കോവിഡ് പ്രതിസന്ധിയിലെ സര്ക്കാര് നടപടികള് അന്വേഷിക്കണമെന്ന് പ്രതിപക്ഷ ആവശ്യം. പരിമിതമായ രോഗ പരിശോധന, ആശുപത്രികളിലെ രക്ഷാ ഉപകരണങ്ങളുടെ ക്ഷാമം, മരണസംഖ്യ മറച്ചുവയ്ക്കല് തുടങ്ങിയവയാണ് ആരോപണങ്ങള്.
റഷ്യ: 24 മണിക്കൂറിനിടെ 5000 ലേറെ പുതിയ രോഗികള്. ആകെ രോഗികള് 58,000. ആകെ മരണം 513
സിംഗപ്പൂര് : ഏറ്റവും രോഗബാധിതമായ തെക്കുകിഴക്കന് ഏഷ്യന് രാജ്യം. ഇന്നലെ മാത്രം 1,016 രോഗികള്. ആകെ രോഗികള് 10,000 കവിഞ്ഞു.
https://www.facebook.com/Malayalivartha