അമേരിക്കയില്‍ കുടിയേറാന്‍ ആഗ്രഹിക്കുന്നവര്‍ക്ക് ഗ്രീന്‍ കാര്‍ഡ് അനുവദിക്കുന്നത് 60 ദിവസത്തേക്ക് നിര്‍ത്തി വച്ചുകൊണ്ടുള്ള ഉത്തരവില്‍ പ്രസിഡന്റ് ഡോണള്‍ഡ് ട്രംപ് ഒപ്പുവച്ചു. പതിവ് വാര്‍ത്താ സമ്മേളനത്തിന് എത്തുന്നതിന് നിമിഷങ്ങള്‍ക്ക് മുന്‍പാണ് അദ്ദേഹം ഉത്തരവില്‍ ഒപ്പുവച്ചത്. ട്രംപ് തന്നെയാണ് ഇക്കാര്യം മാധ്യമങ്ങളെ അറിയിച്ചത്.

ഇതോടെ തൊഴില്‍രഹിതരായ അമേരിക്കക്കാര്‍ക്ക് എല്ലാ തൊഴിലിടങ്ങളിലും പ്രഥമ പരിഗണന ലഭിക്കുമെന്ന് ട്രംപ് ചൂണ്ടിക്കാട്ടി. 60 ദിവസത്തെ സമയം കഴിയുന്‌പോള്‍ അപ്പോഴത്തെ സാഹചര്യം വിലയിരുത്തി വിലക്ക് നീട്ടുകയോ ഒഴിവാക്കുകയോ ചെയ്യാമെന്നും ട്രംപ് പ്രതികരിച്ചു.