ഉ​ത്ത​ര കൊ​റി​യ​ൻ ഏ​കാ​ധി​പ​തിയായ കിം ​ജോം​ഗ് ഉ​ന്നിന് മ​സ്തി​ഷ്ക മ​ര​ണം സം​ഭ​വി​ച്ചെന്ന റിപ്പോർട്ടുകൾ തള്ളിക്കളഞ്ഞ് ദ​ക്ഷി​ണ കൊ​റി​യ. ദ​ക്ഷി​ണ കൊ​റി​യ​ൻ പ്ര​സി​ഡ​ന്‍റ് മൂ​ണ്‍​ജേ ഇ​ന്നി​ന്‍റെ സു​ര​ക്ഷ ഉ​പ​ദേ​ഷ്ടാ​വാ​ണ് കിം ​ജോം​ഗ് ഉ​ൻ ജീ​വ​നോ​ടെ​യു​ണ്ടെ​ന്ന് വ്യ​ക്ത​മാ​ക്കി​യ​ത്.

ഏ​പ്രി​ൽ 15ന് ​ന​ട​ന്ന മു​ത്ത​ച്ഛ​ന്‍റെ ജന്മ​ദി​ന വാ​ർ​ഷി​കാ​ഘോ​ഷ​ത്തി​ൽ​നി​ന്ന് ​വി​ട്ടു​നിന്നതോടെയാണ് കിം അസുഖ ബാധിതനാണെന്ന റിപ്പോർട്ടുകൾ പുറത്തുവന്നത് . എന്നാൽ കിം ​ജോം​ഗ് ഉ​ന്നി​നു യാ​തൊ​രു പ്ര​ശ്ന​വു​മി​ല്ലെ​ന്നും ഏ​പ്രി​ൽ 13 മു​ത​ൽ അ​ദ്ദേ​ഹം രാ​ജ്യ​ത്തെ റി​സോ​ർ​ട്ട് ടൗ​ണാ​യ വോ​ൻ​സാ​നി​ൽ ക​ഴി​യു​ക​യാ​ണെ​ന്നും ദ​ക്ഷി​ണ കൊ​റി​യ​ൻ സു​ര​ക്ഷ ഉ​പ​ദേ​ഷ്ടാ​വ് അ​റി​യി​ച്ചു.

കി​മ്മു​മാ​യി ബ​ന്ധ​പ്പെ​ട്ട് രാ​ജ്യ​ത്ത് ഇ​തു​വ​രെ അ​സാ​ധാ​ര​ണ നീ​ക്ക​മൊ​ന്നും ക​ണാ​നാ​യി​ട്ടി​ല്ലെ​ന്നും സു​ര​ക്ഷ ഉ​പ​ദേ​ഷ്ടാ​വ് കൂ​ട്ടി​ച്ചേ​ർ​ത്തു. ഹൃ​ദ​യ ശ​സ്ത്ര​ക്രി​യ​യെ​ത്തു​ട​ർ​ന്നു കി​മ്മി​ന്‍റെ നി​ല വ​ഷ​ളാ​യെ​ന്നും മ​സ്തി​ഷ്ക മ​ര​ണം സം​ഭ​വി​ച്ചെ​ന്നും റി​പ്പോ​ർ​ട്ടു​ക​ൾ പാടെ തള്ളിക്കളയുന്നതാണ് ദക്ഷിണ കൊറിയൻ സു​ര​ക്ഷ ഉ​പ​ദേ​ഷ്ടാ​വ് നൽകുന്ന വിവരങ്ങൾ