തുർക്കി പ്രധാന ഫോൾട്ട് ലൈനുകൾക്ക് മുകളിലാണ് സ്ഥിതി ചെയ്യുന്നത്, ഭൂകമ്പങ്ങൾ പതിവായി ഉണ്ടാകാറുണ്ട്. വീണ്ടും ഒരു ഭൂകമ്പം കൂടി റിപ്പോർട്ട് ചെയ്തിരിക്കുകയാണ് . പടിഞ്ഞാറൻ തുർക്കിയിൽ റിക്ടർ സ്കെയിലിൽ 6.1 തീവ്രത രേഖപ്പെടുത്തിയ ശക്തമായ ഭൂകമ്പമുണ്ടായി. ഇതിൽ നിരവധി കെട്ടിടങ്ങൾ തകർന്നു.ബാലികേസിർ പ്രവിശ്യയിലെ സിന്ഡിക് നഗരത്തിന്റെ മധ്യഭാഗത്ത് 5.99 കിലോമീറ്റർ താഴ്ചയിലാണ് ഭൂകമ്പം അനുഭവപ്പെട്ടത്.

റിക്ടർ സ്കെയിലിൽ 6.1 തീവ്രത രേഖപ്പെടുത്തിയ ഭൂകമ്പത്തിൽ കെട്ടിടങ്ങൾ കുലുങ്ങി. ഇസ്താംബുൾ, ബർസ, മാനിസ, ഇസ്മിർ എന്നിവയുൾപ്പെടെ വിവിധ പ്രവിശ്യകളിലും ഭൂകമ്പം അനുഭവപ്പെട്ടു. ഇതേത്തുടർന്ന് പൊതുജനങ്ങൾ വീടുകൾ വിട്ട് തെരുവുകളിൽ അഭയം തേടി.കഴിഞ്ഞ ഭൂകമ്പത്തിൽ ദുർബലമായിരുന്ന കെട്ടിടങ്ങൾ ഈ ഭൂകമ്പത്തിൽ തകർന്നുവീണു.ഇതേ വരെ ആളപായമൊന്നും റിപ്പോർട്ട് ചെയ്യപ്പെട്ടിട്ടില്ല.കഴിഞ്ഞ ഭൂകമ്പത്തിൽ ദുർബലമായ കെട്ടിടങ്ങളാണ് തകർന്നതെന്ന് ആഭ്യന്തര മന്ത്രി അലി യെർലികായ പറഞ്ഞു.

സിന്ദിർഗിയിലെ മൂന്ന് ഒഴിഞ്ഞ കെട്ടിടങ്ങളും ഒരു ഇരുനില ഡിപ്പാർട്ട്‌മെന്റ് സ്റ്റോറും തകർന്നതായി ആഭ്യന്തര മന്ത്രി അലി യെർലികായ പറഞ്ഞു. കഴിഞ്ഞ ഓഗസ്റ്റിൽ പ്രദേശത്ത് ഉണ്ടായ ശക്തമായ ഭൂചലനത്തിൽ ഈ കെട്ടിടങ്ങൾ ഇതിനകം തന്നെ ദുർബലമായതായി അധികൃതർ പറഞ്ഞു.
22 പേർക്ക് പരിക്കേറ്റതായി ബാലികേസിർ ഗവർണർ ഇസ്മായിൽ ഉസ്താവോഗ്ലു പറഞ്ഞു. ഭൂചലനമുണ്ടായപ്പോൾ ആളുകൾ വീടുകൾ ഒഴിഞ്ഞുപോയതിനാൽ വീഴ്ചയും ഭയവും മൂലമാണ് പരിക്കേറ്റത്.

2023-ൽ, 7.8 തീവ്രത രേഖപ്പെടുത്തിയ ഭൂകമ്പത്തിൽ തുർക്കിയിൽ 53,000 - ത്തിലധികം ആളുകൾ കൊല്ലപ്പെടുകയും 11 തെക്കൻ, തെക്കുകിഴക്കൻ പ്രവിശ്യകളിലായി ലക്ഷക്കണക്കിന് കെട്ടിടങ്ങൾ നശിക്കുകയോ കേടുപാടുകൾ സംഭവിക്കുകയോ ചെയ്തിരുന്നു .അയൽരാജ്യമായ സിറിയയുടെ വടക്കൻ ഭാഗങ്ങളിൽ 6,000 പേർ കൂടി കൊല്ലപ്പെട്ടു .