വിറങ്ങലിച്ച് ചൈന... കിഴക്കന് ലഡാക്കിലെ അതിര്ത്തിക്കുള്ളില് ഇന്ത്യ നടത്തുന്ന നിര്മ്മാണങ്ങളെ ചൊല്ലി ഇരു രാജ്യങ്ങളും യഥാര്ത്ഥ നിയന്ത്രണ രേഖയില് ഏറ്റുമുട്ടല് തുടരുന്നതിനിടെ, യുദ്ധസമാനമായ സാഹചര്യങ്ങളില് വിമാനങ്ങള്ക്ക് അടിയന്തര ലാന്ഡിംഗുകള് നടത്താവുന്ന വിധം റോഡുകള് വികസിപ്പിക്കാന് ഇന്ത്യ ആരംഭിച്ചു
അതിര്ത്തിയില് ചൈന നടത്തിക്കൊണ്ടിരിക്കുന്ന പ്രകോപനങ്ങള്ക്ക് പുല്ലു വില നല്കാതെ ആഭ്യന്തര നിര്മ്മാണ പ്രവര്ത്തനങ്ങള് വേഗത്തിലാക്കി ഇന്ത്യ. കിഴക്കന് ലഡാക്കിലെ അതിര്ത്തിക്കുള്ളില് ഇന്ത്യ നടത്തുന്ന നിര്മ്മാണങ്ങളെ ചൊല്ലി ഇരു രാജ്യങ്ങളും യഥാര്ത്ഥ നിയന്ത്രണ രേഖയില് (എല്എസി) ഏറ്റുമുട്ടല് തുടരുന്നതിനിടെ, യുദ്ധസമാനമായ സാഹചര്യങ്ങളില് വിമാനങ്ങള്ക്ക് അടിയന്തര ലാന്ഡിംഗുകള് നടത്താവുന്ന വിധം റോഡുകള് വികസിപ്പിക്കാന് ഇന്ത്യ ആരംഭിച്ചു. മാത്രമല്ല അന്താരാഷ്ട്ര നിയമങ്ങള് മറികടന്നുള്ള ചൈനയുടെ നീക്കങ്ങളെപ്പറ്റി രഹസ്യാ ന്വേഷണ വിഭാഗം കേന്ദ്രസര്ക്കാറിന് റിപ്പോര്ട്ട് സമര്പ്പിച്ചു. ലഡാക് മേഖലയില് ചൈന നടത്തിക്കൊണ്ടിരിക്കുന്ന അനധികൃത നിര്മ്മാണങ്ങളുടെ വിശദമായ വിവരങ്ങളാണ് റിപ്പോര്ട്ടിലുള്ളത്. കിഴക്കന് ലഡാക്കിലേക്ക് സൈനികരെ എത്തിക്കാനായി ചൈന നടത്തുന്ന നിര്മ്മാണ പ്രവര്ത്തനങ്ങളുടെ വിവരങ്ങള് റിപ്പോര്ട്ടില് ഉള്പ്പെട്ടിട്ടുണ്ട്.
ഇത് കൂടാതെ യുദ്ധാനുകൂല സംവിധാനങ്ങളുമായി ചൈന അതിര്ത്തിയില് 17 വന് പാതകള് ആണ് തയ്യാറാകുന്നത്. ആയുധ സംഭരണ അറകള്, ഇന്ധനം, ലാന്ഡിംഗ് ലൈറ്റുകള്, അഗ്നിശമന ഉപകരണങ്ങള് എന്നീ സജ്ജീകരങ്ങളോടെയാണ് ഈ റോഡുകള് നിര്മ്മിക്കപ്പെടുന്നത്. മൊത്തം 61 റോഡുകളാണ് ഇന്ത്യ ചൈന അതിര്ത്തിയില് നിര്മ്മാണം നടന്നു കൊണ്ടിരിക്കുന്നത്. അവയില് വിമാനമിറങ്ങാന് സൗകര്യമുള്ള 29 റോഡുകള് നിര്മ്മിക്കാന് ആണ് കേന്ദ്രം പദ്ധതി തയ്യാറാക്കിയിട്ടുള്ളത്.
എങ്കിലും, ഇവയില് 13 എണ്ണം മാത്രമേ ആദ്യഘട്ടത്തില് പൂര്ത്തീകരിക്കൂ. കൂടാതെ തെക്കന് കശ്മീരിലെ ദേശീയപാത 44 ഇല് 3.5 കിലോമീറ്റര് നീളമുള്ള എയര്സ്ട്രിപ്പ് നിര്മ്മിക്കാനുള്ള പ്രവര്ത്തനങ്ങള്ക്കാണ് ഗതാഗത മന്ത്രാലയം തുടക്കം കുറിച്ചിട്ടുള്ളത്. തെക്കന് കശ്മീരിലെ ബിജ്ബെഹാര പ്രദേശത്തെ ശ്രീനഗര്-ബനിഹാല് ഹൈവേയിലാണ് എയര്സ്ട്രിപ്പ് നിര്മ്മിക്കുന്നതെന്നാണ് റിപ്പോര്ട്ടുകള് ഉള്ളത്.
ലഡാക്കിലെ തന്ത്രപ്രധാനമായ ദോലത് ബെഗ് ഒല്ദി മേഖലയിലും പാന്ഗോംഗ് സോ മേഖലയിലുമാണ് ചൈനയുടെ അനധികൃതമായ കയ്യേറ്റവും നിര്മ്മാണവും നടക്കുന്നത്. നിയന്ത്രണരേഖാ പ്രദേശമായതിനാല് ഇരുകൂട്ടരും വിട്ടുനില്ക്കേണ്ട പ്രദേശത്തേക്ക് ചൈന കടന്നുകയറുകയാണെന്നും റിപ്പോര്ട്ടില് പറയുന്നു.
ജൂണ് 6ന് ഇരുഭാഗത്തേയും സൈനിക ഉദ്യോഗസ്ഥന്മാര് നടത്താനിരിക്കുന്ന യോഗത്തില് നിര്മ്മാണ പ്രവര്ത്തനങ്ങള് ചര്ച്ചയാകുമെന്നാണ് സൂചന. അനധികൃതമായി ചൈന മുന്നേറ്റം നടത്തിയിരിക്കുന്ന സ്ഥലങ്ങളില് നിന്നും തിരികെപോകണമെന്ന നിര്ദ്ദേശവും ഇന്ത്യ മുന്നോട്ട് വയ്ക്കുമെന്നാണ് സൂചന.
https://www.facebook.com/Malayalivartha