പുടിന്റെ അട്ടിമറിനീക്കം ചൈനയ്ക്കായി; ജി7 ഉച്ചകോടിയില് നിന്നും ചൈനയെ ഒഴിവാക്കിയ യുഎസ് നടപടിക്കെതിരെ എതിര്പ്പുമായി റഷ്യ
പുടിന്റെ അട്ടിമറിനീക്കം അതും ചൈനയ്ക്കായി, ഉഗ്രശത്രു ട്രംപിനോട്. അതും ഇന്ത്യയെ ക്ഷണിച്ച ട്രംപിനോട്. മാത്രവുമല്ല ജി 7 ഉച്ചകോടിയില് ഇന്ത്യ പങ്കെടുക്കുമെന്നും ട്രംപിന്റെ ക്ഷണം സ്വീകരിച്ചെന്നും ഇന്ത്യന് പ്രധാനമന്ത്രി നരേന്ദ്ര മോദി വ്യക്തമാക്കുകയും ചെയ്ത സമയത്ത് തന്നെ. അപ്പോള് പിന്നെ റഷ്യ എത്ര ഉറ്റചങ്കാണെന്ന് പറഞ്ഞാലും അതിന് ചുട്ടമറുപടിയുമായി മോദി ഉടന് വരാതിരിക്കില്ല. ആ പ്രസ്താവനയ്ക്കായി കാതോര്ക്കുകയാണ് ലോകം.
ജി7 ഉച്ചകോടിയില് നിന്നും ചൈനയെ ഒഴിവാക്കിയ യുഎസ് നടപടിക്കെതിരെ എതിര്പ്പുമായാണ് റഷ്യ ഇറങ്ങിയിരിക്കുന്നത്. അതും ഇന്ത്യ ചൈന അതിര്ത്തിയില് ചൈന നിരന്തരം സംഘര്ഷമുണ്ടാക്കുന്ന സാഹചര്യത്തില്. ജി7 വിപുലീകരിക്കാനുള്ള നടപടി ശരിയായ ദിശയിലേക്കുള്ള മുന്നേറ്റമാണെന്നും എന്നാല് യഥാര്ത്ഥ പ്രാതിനിധ്യം ഇത് ഉറപ്പാക്കുന്നില്ലെന്നും റഷ്യ പ്രതികരിച്ചു. ചൈനയെ ഒഴിവാക്കിക്കൊണ്ട് ആഗോള സംരംഭങ്ങള് നടപ്പാക്കുകയെന്നത് അസാധ്യമാണെന്നും റഷ്യ വ്യക്തമാക്കി. ജി 7 കാലഹരണപ്പെട്ടെന്നും ഇന്ത്യ, ഓസ്ട്രേലിയ, ദക്ഷിണ കൊറിയ, റഷ്യ എന്നിവയെ ഉള്പ്പെടുത്തി ജി10, അല്ലെങ്കില് ജി11 ആയി വികസിപ്പിക്കണമെന്നും ട്രംപ് പറഞ്ഞിരുന്നു. അതേസയം ചൈനയെ കൂടി ഉള്പ്പെടുത്തി ജി 12 ആക്കണമെന്നതാണ് റഷ്യയുടെ താത്പര്യം. നേരത്തേ ജി8 കൂട്ടായ്മായില് നിന്ന് റഷ്യ പുറത്ത് പോകുകയായിരുന്നു.
ഇതോടെയാണ് ജി7 ആയത്.യുഎസ്, ഇറ്റലി, ജപ്പാന്, കാനഡ, ഫ്രാന്സ്, ജര്മനി, യുകെ , യൂറോപ്യന് യൂണിയന് എന്നിവരാണ് ജി7 കൂട്ടായ്മയില് ഉള്ളത്. ഇത്തവണ അമേരിക്കയിലാണ് ജി7 ഉച്ചകോടി നടക്കുന്നത്. അതിലേക്ക് ഇന്ത്യയെ ഡൊണാള്ഡ് ട്രംപ് ക്ഷണിച്ചിരുന്നു. ജി7 കാലഹരണപ്പെട്ടെന്നും കൊവിഡാനന്തര ലോകക്രമത്തില് ഇന്ത്യയ്ക്ക് കൂടുതല് പ്രാധാന്യമുണ്ടെന്നും കഴിഞ്ഞ ദിവസം ട്രംപ് മോദിയുമായി നടത്തിയ ടെലിഫോണ് സംഭാഷണത്തില് പറഞ്ഞിരുന്നു. ട്രംപിന്റെ ക്ഷണം സ്വീകരിച്ച് ഉച്ചകോടിയില് പങ്കെടുക്കുമെന്ന് ഇന്ത്യ അറിയിച്ചിട്ടുണ്ട്. അതിനിടെ യുഎസിന് മറുപടിയുമായി ചൈന രംഗത്തെത്തി. തങ്ങളെ മാറ്റി നിര്ത്തി രൂപീകരിക്കാനൊരുങ്ങുന്ന ഏത് കൂട്ടായ്മയും പരാജയപ്പെടുമെന്ന് ചൈന പ്രതികരിച്ചു. എല്ലാ അന്താരാഷ്ട്ര സംഘടനകളും സമ്മേളനങ്ങളും രാജ്യങ്ങള് തമ്മിലുള്ള പരസ്പര വിശ്വാസത്തിനും ബഹുമുഖത്വം ഉയര്ത്തിപ്പിടിക്കുന്നതിനും ലോക സമാധാനവും വികസനവും പ്രോത്സാഹിപ്പിക്കുന്നതിനും സഹായകമാണെന്ന് ചൈന വിശ്വസിക്കുന്നതെന്ന് വിദേശകാര്യമാന്ത്രാലയ വക്താവ് ഴാവോ ലിജിയന് അറിയിച്ചു.ചൈനയെ ഒറ്റപ്പെടുത്താനുള്ള ഏതൊരു ശ്രമവും പരാജയപ്പെടും. അത്തരം കൂട്ടായ്മകള് ജനകീയമാകില്ലെന്നും ലിജിയന് പ്രതികരിച്ചു.
യുഎസും ചൈനയും തമ്മിലുള്ള ബന്ധം അടുത്ത നാളായി അത്ര സുഖകരമല്ല. കൊവിഡ്-19, ഹോങ്കോങ് തുടങ്ങിയ വിഷയങ്ങളില് അമേരിക്ക ചൈനയ്ക്കെതിരെ നിലപാട് കടുപ്പിച്ചിരിക്കുകയാണ്.വിഷയത്തില് യുഎസ് അനാവശ്യ ഇടപെടലുകളാണ് നടത്തുന്നതെന്നാണ് ചൈന കുറ്റപ്പെടുത്തുന്നത്. ഈ സാഹചര്യത്തിലാണ് ചൈനയെ മാറ്റി നിര്ത്താനുള്ള യുഎസ് നീക്കം എന്നതും ശ്രദ്ധേയമാണ്. അപ്പോള് റഷ്യയ്ക്ക് ഇനി കാര്യങ്ങളുടെ കിടപ്പ് കൃത്യമായി പിടികിട്ടും.
https://www.facebook.com/Malayalivartha