ചൈനീസ് ലാബില്‍ നിന്ന് പരീക്ഷണ ഘട്ടത്തില്‍ വൈറസ് പുറത്തുചാടിയതു കൊറോണ മഹാമാരിക്ക് വഴിയൊരുക്കിയതായി മുന്‍ എം16 മേധാവി സര്‍ റിച്ചാര്‍ഡ് ഡിയര്‍ലോവ് പറഞ്ഞതോടെ ചൈനയുടെ ആ കറുത്ത കൈകള്‍ വീണ്ടും പുറത്തുവരുന്നു. വൈറസ് സ്വാഭാവികമായി ഉണ്ടായതല്ലെന്നും മനുഷ്യ നിര്‍മിതമാണെന്ന് അവകാശപ്പെടുന്ന റിപ്പോര്‍ട്ട് താന്‍ കണ്ടതായും സര്‍ റിച്ചാര്‍ഡ് ഡിയര്‍ലോവ് പറയുന്നു.

അബദ്ധവശാല്‍ പുറത്തു ചാടിയ കൊറോണ വൈറസ് ചൈനീസ് ശാസ്ത്രജ്ഞരാണ് സൃഷ്ടിച്ചത്. മനുഷ്യരിലേക്കു പടരുന്നതിനു മുന്‍പ് മൃഗങ്ങളില്‍ - മിക്കവാറും വവ്വാലുകളിലോ ഈനാംപേച്ചികളിലോ വൈറസ് ബാധിച്ചുവെന്ന് രാജ്യാന്തര ശാസ്ത്രജ്ഞര്‍ വിശ്വസിക്കുന്നുണ്ട്. നോര്‍വീജിയന്‍-ബ്രിട്ടിഷ് ഗവേഷണ സംഘം ഈ ആഴ്ച പ്രസിദ്ധീകരിച്ച ശാസ്ത്രീയ പ്രബന്ധം കോവിഡ് -19 ന്റെ ജനിതക ശ്രേണികളിലെ പ്രധാന ഘടകങ്ങള്‍ 'മനുഷ്യ നിര്‍മ്മിതം' ആണെന്നും അത് സ്വാഭാവികമായി പരിണമിച്ചിരിക്കില്ലെന്നും ഉറപ്പിച്ചു പറയുന്നുണ്ട്. ഈ പ്രശ്‌നം ഗൗരവപരമായി ഉയര്‍ന്നു വരുമ്പോള്‍ ചൈന ഉത്തരവാദിത്തം ഏറ്റെടുക്കുകയാണെങ്കില്‍, അവര്‍ ലോകത്തിനു നഷ്ടപരിഹാരം നല്‍കുമോ? ലോകത്തെ എല്ലാ രാജ്യങ്ങളും ചൈനയുമായുള്ള ബന്ധത്തെ എങ്ങനെ ഭാവിയില്‍ കൈകാര്യം ചെയ്യുന്നുവെന്ന് ഇത്തരത്തില്‍ പുനര്‍വിചിന്തനം ചെയ്യുമെന്ന് കരുതുന്നതായും, ചൈന തെറ്റ് ചെയ്താല്‍ ഇത് അപകടകരമായ ബിസിനസ്സാണെന്നും അദ്ദേഹം കൂട്ടിച്ചേര്‍ത്തു.

കോവിഡ് -19 എങ്ങനെയെങ്കിലും ബയോസെക്യൂരിറ്റിയില്‍ നിന്ന് രക്ഷപ്പെടുന്ന സാഹചര്യം ഉണ്ടായത് ശാസ്ത്രജ്ഞര്‍ ബാറ്റ് കൊറോണ വൈറസുകളില്‍ രഹസ്യമായി ജീന്‍ തെളിക്കുന്ന പരീക്ഷണങ്ങള്‍ നടത്തിയിരിക്കുമ്പോഴാവും എന്നാണു സര്‍ റിച്ചാര്‍ഡിന്റെ അഭിപ്രായം. വൈറസിന്റെ ഡിഎന്‍എയില്‍ 'വ്യതിയാനങ്ങള്‍ സൃഷ്ടിച്ചുവെന്നും' അവകാശപ്പെടുന്നു. കൂടാതെ ഒരു വാക്‌സിന്‍ വികസിപ്പിക്കാനുള്ള നിലവിലെ ശ്രമങ്ങള്‍ ഉപയോഗപ്രദമല്ലെന്നും അദ്ദേഹം മുന്നറിയിപ്പ് നല്‍കുന്നുണ്ട്. കാരണം കൊറോണ വൈറസ് ശാസ്ത്ര ലോകത്തെയാകെ തെറ്റിദ്ധരിപ്പിച്ചിരിക്കുകയാണ്. കോവിഡ് -19 വൈറസ് 'എന്‍ജിനീയറിങ്' ഉല്‍പ്പന്നം ആണെന്നതിന് സംശയമില്ല. മെഡിക്കല്‍ ജേര്‍ണല്‍ എഴുത്തുകാരിലൊരാളായ ജോണ്‍ ഫ്രെഡ്രിക് മോക്‌സ്‌നെസ് ഗവേഷണത്തില്‍ നിന്ന് തന്റെ പേര് പിന്‍വലിക്കാന്‍ ആവശ്യപ്പെട്ടതു തന്നെ അതിന്റെ വിശ്വാസ്യതയെ സംശയത്തിലാക്കുന്നുണ്ട്. ലണ്ടന്‍ അക്കാദമിക്‌സും ഇത് ശരിവെക്കുന്നുണ്ട്.

പല എഴുത്തുകാരും അവകാശപ്പെടുന്നത് വൈറസിന് 'അദ്വിതീയ വിരലടയാളം' ഉണ്ടെന്നും അത് സ്വാഭാവികമായി വികസിക്കാന്‍ കഴിയില്ലെന്നും തന്നെയാണ്. ഒരു ശാസ്ത്ര ജേണലിലും പ്രസിദ്ധീകരിക്കുന്നതിനായി അനുബന്ധ പ്രബന്ധം ഇതുവരെ സ്വീകരിച്ചിട്ടില്ല.

കഴിഞ്ഞ വര്‍ഷം അവസാനത്തോടെ വുഹാന്‍ നഗരത്തിലെ 'വെറ്റ് മാര്‍ക്കറ്റില്‍' രോഗം പൊട്ടിപ്പുറപ്പെട്ടതാണെന്ന് ചൈനീസ് സര്‍ക്കാര്‍ എല്ലായ്‌പ്പോഴും ബോധവല്‍ക്കരിക്കുവാനും ധരിപ്പിക്കുവാനും കിണഞ്ഞു ശ്രമിച്ചുകൊണ്ടിരിക്കുകയാണ്. വുഹാനിലെ രണ്ട് ലബോറട്ടറികള്‍ ബാറ്റ് കൊറോണ വൈറസുകളെപ്പറ്റി പഠിക്കുന്നു - വുഹാന്‍ ഇന്‍സ്റ്റിറ്റ്യൂട്ട് ഓഫ് വൈറോളജി, വുഹാന്‍ സെന്റര്‍ ഫോര്‍ ഡിസീസ് കണ്‍ട്രോള്‍ - ഇവ രണ്ടുമാണ് ഈ മഹാമാരിയുടെ യഥാര്‍ഥ ഉറവിടങ്ങളത്രേ.