ദക്ഷിണാഫ്രിക്കയിൽ നി​ര​വ​ധി ത​വ​ണ പ​രി​വ​ര്‍​ത്ത​നം സം​ഭ​വി​ക്കാ​ന്‍ സാ​ധ്യ​ത​യു​ള്ള കോ​വി​ഡിന്റെ പു​തി​യ വ​ക​ഭേ​ദം ക​ണ്ടെ​ത്തി​യ​താ​യി ദ​ക്ഷി​ണാ​ഫ്രി​ക്ക​ന്‍ ശാ​സ്​​ത്ര​ജ്ഞ​ര്‍.

മാ​ര​ക​മാ​യ രീ​തി​യി​ല്‍ രോ​ഗ​വ്യാ​പ​ന​ത്തി​ന്​ കാ​ര​ണ​മാ​കു​ന്ന വ​ക​ഭേ​ദ​മാ​ണി​തെന്നാണ്​ വൈ​റോ​ള​ജി​സ്​​റ്റ്​ ടു​ലി​യോ ഡി ​ഒ​ലീ​വി​റ വ്യക്തമാക്കിയിരിക്കുന്നത്. ബി.1.1.529 ​എ​ന്നാ​ണ്​ പു​തി​യ വ​ക​ഭേ​ദ​ത്തിന്റെ ശാ​സ്​​ത്രീ​യ നാ​മം. പു​തി​യ വ​ക​ഭേ​ദം 22 പേ​രി​ലാ​ണ് ഇപ്പോൾ സ്ഥിതീകരിച്ചത്.

ദ​ക്ഷി​ണാ​ഫ്രി​ക്ക​യി​ല്‍​നി​ന്നു​ള്ള ബോ​ട്​​സ്വാ​ന, ഹോ​​ങ്കോ​ങ്​ യാ​ത്ര​ക്കാ​രി​ലും ഈ ​വ​ക​ഭേ​ദം സ്ഥി​രീ​ക​രി​ച്ചു. ആ​ശ​ങ്ക സൃ​ഷ്​​ടി​ക്കു​ന്ന വാ​ര്‍​ത്ത​യാ​ണി​തെ​ന്ന്​ ദ​ക്ഷി​ണാ​ഫ്രി​ക്ക​ന്‍ ആ​രോ​ഗ്യ​മ​ന്ത്രി ജോ ​ഫാ​ഹ്​​ല പ്ര​തി​ക​രി​ച്ചു.

ദ​ക്ഷി​ണാ​ഫ്രി​ക്ക​യി​ല്‍ ക​ഴി​ഞ്ഞ​വ​ര്‍​ഷം ബീ​റ്റ വ​ക​ഭേ​ദ​വും ക​ണ്ടെ​ത്തി​യതാണ്. ആ​ഫ്രി​ക്ക​ന്‍ രാ​ജ്യ​ങ്ങ​ളി​ല്‍ ഏ​റ്റ​വും കൂ​ടു​ത​ല്‍ രോ​ഗ​ബാ​ധി​ത​രു​ള്ള​ത്​ ദ​ക്ഷി​ണാ​ഫ്രി​ക്ക​യി​ലാ​ണ്. 29.5 ല​ക്ഷം പേ​രാ​ണ്​ ആ​കെ കോ​വി​ഡ്​ ബാ​ധി​ത​ര്‍. 89,657 ആ​ളു​ക​ള്‍ മ​രി​ക്കു​ക​യും ചെ​യ്​​തു. പു​തി​യ വ​ക​ഭേ​ദ​ത്തെ കു​റി​ച്ച്‌​ ച​ര്‍​ച്ച ചെ​യ്യാ​ന്‍ ലോ​കാ​രോ​ഗ്യ സം​ഘ​ട​ന യോ​ഗം ചേ​ര്‍​ന്നു.