ഉ​ത്ത​ര​കൊ​റി​യ​യു​ടെ മു​ന്‍​പ​ര​മോ​ന്ന​ത നേ​താ​വ് കിം ​ജോം​ഗ് ഇ​ല്ലി​ന്‍റെ ച​ര​മ​വാ​ര്‍​ഷ​ക​ത്തോ​ട് അ​നു​ബ​ന്ധിച്ച് പൗ​ര​ന്മാ​ര്‍​ക്ക് ചി​രി​ക്കു​ന്ന​തി​ന് വി​ല​ക്ക്. 10 ദി​വ​സ​ത്തേ​ക്ക് ചി​രി​ക്കു​ന്ന​തി​ന് വി​ല​ക്ക് ഏര്‍പ്പെടുത്തിയിരിക്കുന്നത് . ഡി​സം​ബ​ര്‍ 17 വ്യാ​ഴാ​ഴ്ച​യാ​ണ് കിം ​ജോം​ഗ് ഇ​ല്ലി​ന്‍റെ 10-ാം ച​ര​മ​വാ​ര്‍​ഷി​കം.

വി​ല​ക്ക് ലം​ഘി​ച്ചാൽ പൗ​ര​ന്മാ​ര്‍​ ഗു​രു​ത​ര​മാ​യ പ്ര​ത്യാ​ഘാ​ത​ങ്ങ​ള്‍ നേ​രി​ടേ​ണ്ടി വ​രും. മ​ദ്യ​പി​ക്കു​ന്ന​തി​നും, സാ​ധ​ന​ങ്ങ​ള്‍ വാ​ങ്ങു​ന്ന​തി​നും ഒ​ഴി​വു​സ​മ​യ​ങ്ങ​ളി​ല്‍ വി​നോ​ദ​ങ്ങ​ളി​ല്‍ ഏ​ര്‍​പ്പെ​ടു​ന്ന​തു​മ​ട​ക്കം നി​ര​വ​ധി നി​യ​ന്ത്ര​ണ​ങ്ങ​ളാ​ണ് രാ​ജ്യ​ത്ത് 10 ദി​വ​സ​ത്തേ​ക്ക് ഏ​ര്‍​പ്പെ​ടു​ത്തി​യി​രി​ക്കു​ന്ന​ത്.‌

അതേസമയം കഴിഞ്ഞ ദിവസം ഉത്തര കൊറിയ സ്ഥാപകൻ കിം ഇൽ സുങ്ങിന്റെ ഇളയ സഹോദരൻ കിം യോങ് ജു (101) അന്തരിച്ചിരുന്നു. കിം ഇൽ സുങ്ങിന്റെ ചെറുമകനായ കിം ജോങ് ഉൻ ഉത്തര കൊറിയയുടെ പരമാധികാരിയായി സ്ഥാനമേൽക്കും വരെ രാജ്യത്തെ രണ്ടാമനായി കരുതപ്പെട്ടിരുന്നത് കിം യോങ് ജു ആയിരുന്നു. വർക്കേഴ്സ് പാർട്ടിയുടെ നിലപാടുകളും നയങ്ങളും നടപ്പിലാക്കാൻ പരിശ്രമിച്ച നേതാവായിരുന്നു കിം യോങ് ജു എന്ന് കിം ജോങ് ഉൻ അനുശോചന സന്ദേശത്തിൽ പറഞ്ഞിരുന്നു.

1972 ൽ ദക്ഷിണ കൊറിയയുമായുള്ള സമാധാനക്കരാർ ഒപ്പുവച്ചത് കിം യോങ് ജു ആയിരുന്നു. എന്നാൽ, സുങ്ങിന്റെ മൂത്ത മകൻ കിം ജോങ് ഇൽ പാർട്ടിയുടെ നേതൃത്വം 1973 ൽ ഏറ്റെടുത്തതിനു പിന്നാലെ രാഷ്ട്രീയ രംഗത്ത് യോങ് ജു മെല്ലെ അപ്രത്യക്ഷനായി. 2015 ലാണ് അവസാനം പൊതുവേദിയിൽ വന്നത്.