ഹിമാലയത്തില് മഞ്ഞുരുകല് പതിന്മടങ്ങ് വര്ധിക്കുന്നു; മഞ്ഞുപാളികള് ഉരുകുന്നത് ആഗോള സമുദ്ര നിരപ്പ് 0.92 മില്ലിമീറ്റര് മുതല് 1.38 മില്ലിമീറ്റര് വരെ ഉയരുന്നതിന് കാരണമായി, പുതിയ പഠനം പുറത്ത്
കാലാവസ്ഥാ വ്യതിയാനം മൂലം ഹിമാലയത്തില് മഞ്ഞുരുകല് പതിന്മടങ്ങ് വര്ധിക്കുന്നതായി പുതിയ കണ്ടെത്തല്. ബ്രിട്ടനിലെ ലീഡ്സ് സര്വകലാശാല നടത്തിയ പഠനത്തിലാണ് ഹിമാലയത്തിലെ മഞ്ഞുപാളികള് അതിവേഗത്തില് ഉരുകുന്നതായി കണ്ടെത്തിയിരിക്കുന്നത്.
കൂടാതെ കഴിഞ്ഞ നൂറ്റാണ്ടിനെ അപേക്ഷിച്ച് മഞ്ഞുരുകലില് പത്തുമടങ്ങോളം വര്ധനവുണ്ടായിട്ടുളളതായി പഠനത്തിന് നേതൃത്വം നല്കിയ ഡോ.ജൊനാഥന് കാരിവിക് വ്യക്തമാക്കുകയുണ്ടായി. കാലാവസ്ഥാവ്യതിയാനമാണ് മഞ്ഞുപാളികള് ഇല്ലാതാകുന്നതിനുളള പ്രധാനകാരണമായി പറയുന്നത്. മഞ്ഞുപാളികള് ഉരുകുന്നത് ആഗോള സമുദ്ര നിരപ്പ് 0.92 മില്ലിമീറ്റര് മുതല് 1.38 മില്ലിമീറ്റര് വരെ ഉയരുന്നതിന് കാരണമായി മാറിയിട്ടുമുണ്ട്.
അതോടൊപ്പം തന്നെ ഹിമാലയത്തിലെ മഞ്ഞുപാളികള് ഉരുകുന്നത് ബ്രഹ്മപുത്ര, ഗംഗ, സിന്ധു എന്നീ നദികളിലേക്കാണ് ഒഴുകിയെത്തുന്നത്. ഇതുവരെ കാണാത്ത മാറ്റങ്ങള്ക്കാണ് ഇവിടുത്തെ ജനങ്ങള് സാക്ഷ്യം വഹിക്കുന്നതെന്ന് പഠനത്തിന്റെ സഹരചയിതാവ് ഡോ.സൈമണ് കുക്ക് ചൂണ്ടിക്കാണിച്ചു. പ്രകൃതിയിലുണ്ടാകുന്ന മാറ്റങ്ങള്ക്ക് വേഗത കൂടിയിട്ടുണ്ടെന്നും അവ മുഴുവന് രാജ്യങ്ങളിലും പ്രദേശങ്ങളിലും വന് പ്രത്യാഘാതങ്ങള് സൃഷ്ടിക്കുമെന്നും കുക്ക് വ്യക്തമാക്കുന്നു.
https://www.facebook.com/Malayalivartha