വാക്സിന് എടുക്കാന് കാഴ്ച ശക്തിയില്ലാത്ത പിതാവിനെയും ചുമന്ന് മകന് നടന്നത് ആറ് മണിക്കൂറോളം... ഡോക്ടര് പങ്കുവച്ച ചിത്രം വൈറലാകുന്നു
കോവിഡ് രൂക്ഷമായിക്കൊണ്ടിരിക്കുന്ന സാഹചര്യത്തില് വാക്സിന് എല്ലാവര്ക്കും ലഭ്യമാകുന്നുണ്ടെങ്കിലും വാക്സില് എടുക്കാനായി നിരവധി പ്രശ്നങ്ങള് അഭിമുഖീകരിക്കുന്ന ആളുകളും ലോകത്ത് ഉണ്ട്. ഇപ്പോള് സാമൂഹിക മാദ്ധ്യമങ്ങളില് വൈറലായികൊണ്ടിരിക്കുന്നത് അത്തരത്തിലുള്ള ഒരു ചിത്രമാണ്.
വാക്സിന് എടുക്കുന്നതിനായി വൃദ്ധനായ പിതാവിനെ ചുമന്നുകൊണ്ട് ആറുമണിക്കൂറോളം നടക്കുന്ന ഒരു ചെറുപ്പകാരന്റെ ചിത്രമാണത്.രോഗ വ്യാപനം ശക്തമായ രാജ്യങ്ങളിലൊന്നായ ബ്രസീലില് കൊവിഡ് വാക്സിനേഷന് കാമ്പെയ്നിന്റെ തുടക്കത്തില് എടുത്തതാണ് ചിത്രം.
ബ്രസീലിലെ ആമസോണ് വന മേഖലയില് ജീവിക്കുന്ന ടാവി എന്ന 24കാരനാണ് 67കാരനായ വാഹു എന്ന പിതാവിനെ ചുമന്ന് കൊണ്ട് വാക്സിന് സെന്ററിലേക്ക് പോയത്. എറിക് ജെന്നിംഗ്സ് സിമോസ് എന്ന ഡോക്ടറാണ് ഈ ചിത്രം സാമൂഹിക മാദ്ധ്യമങ്ങളില് പങ്കുവച്ചത്.
വാഹു അന്ധനാണെന്നും മൂത്രാശയ പ്രശ്നങ്ങള് ഉള്പ്പെടെയുള്ള വ്യക്തിയാണെന്നും എറിക് ജെന്നിംഗ്സ് വ്യക്തമാക്കി. 'സോ ഈ ' എന്ന തദ്ദേശ സമൂഹത്തില് നിന്നുള്ളവരാണ് ഈ അച്ഛനും മകനും. ഏകദേശം 325 പേരാണ് ഈ പ്രദേശത്ത് ജീവിക്കുന്നത്.
നിരവധി പേരാണ് ഇതിനോടകം ചിത്രം സാമൂഹിക മാദ്ധ്യമങ്ങളില് പങ്കുവച്ചത്. വാക്സിന് സ്വീകരിക്കാന് ഇരുവരും കാണിച്ച ഉത്തരവാദിത്തവും അച്ഛനും മകനും തമ്മിലുള്ള സ്നേഹവുമാണ് ഈ ചിത്രം പ്രചരിച്ചതോടെ ചര്ച്ചയാവുന്നത്.
https://www.facebook.com/Malayalivartha
