ജിസാനില്‍ ഹൂതികളുടെ മിസൈലാക്രമണത്തില്‍ രണ്ട് പേര്‍ക്ക് പരിക്ക്. സുഡാനീസ്, ബംഗ്ലദേശ് പൗരന്മാര്‍ക്കാണ് പരിക്ക് പറ്റിയതെന്ന് സഖ്യസേന സ്ഥിരീകരിച്ചു.വ്യാവസായിക മേഖലയിലെ വിവിധ രാജ്യക്കാരായ സാധാരണക്കാരെ ലക്ഷ്യമിട്ടുള്ള ഹൂതികളുടെ മൂന്നാമത്തെ ശ്രമമാണിതെന്നും, പൗരന്മാരുടെയും താമസക്കാരുടെയും ജീവന് ഭീഷണിയാകുന്ന വിധത്തില്‍ വ്യവസ്ഥാപിതവും ആസൂത്രിതവുമായ അക്രമാണിതെന്നും സഖ്യസേന വ്യക്തമാക്കി.

പ്രദേശത്തെ കൂടുതല്‍ കേടുപാടുകള്‍ വിലയിരുത്തുന്നതിനുള്ള പ്രവര്‍ത്തനങ്ങള്‍ നടന്നുവരികയാണ്. യെമനിലെ അല്‍ ജൗഫ് ഗവര്‍ണറേറ്റില്‍ നിന്ന് സൗദിക്ക് നേരെ വിക്ഷേപിച്ച രണ്ട് ഡ്രോണുകള്‍ തടഞ്ഞ് നശിപ്പിച്ചതായും സഖ്യസേന അറിയിച്ചു.