ആണ്കുഞ്ഞ് ജനിക്കാന് വേണ്ടി മന്ത്രവാദി ഗര്ഭിണിയോട് കാട്ടിയത്? യുവതിയുടെ എക്സ്റേ ഓണ്ലൈനില് പ്രത്യക്ഷപ്പെട്ടതിനെ തുടര്ന്ന് പോലീസ് അന്വേഷണം ആരംഭിച്ചു
കുഞ്ഞുങ്ങളെ ലഭിക്കുമെന്ന് പറഞ്ഞ് ഇപ്പോഴും പലസ്ഥലത്തും പല തരത്തിലുള്ള വ്യാജ മന്ത്രവാദങ്ങളും മറ്റും നടക്കുന്നുണ്ട്. അത്തരത്തിലൊരു സംഭവമാണ് പാക്കിസ്ഥാനിലെ ഒരു ഗ്രാമത്തില് നടന്നിരിക്കുന്നത്. ഗര്ഭിണിയായ യുവതിയുടെ തലയില് ആണി അടിച്ചു കയറ്റി മന്ത്രവാദി. വേദന സഹിക്കാന് കഴിയാതെ ആശുപത്രിയില് ചികിത്സതേടിയതോടെയാണ് സംഭവം പുറം ലോകം അറിഞ്ഞത്. ഗര്ഭിണിയായ യുവതി മൂന്ന് പെണ്മക്കളുടെ അമ്മകൂടിയാണ്. എന്നാല് ഇനി ജനിക്കുന്ന കുഞ്ഞ് പെണ്കുഞ്ഞായാല് ഭര്ത്താവ് ഉപേക്ഷിച്ചുപോകുമെന്ന് യുവതിയെ ഭീഷണിപ്പെടുത്തിയിരുന്നു.
അതുകൊണ്ടാണ് അയല്വാസിയില് നിന്ന് ഈ ആചാരത്തെ കുറിച്ച് കേട്ടറിഞ്ഞാണ് യുവതി വിശ്വാസ ചികിത്സകനെ സമീപിച്ചതെന്നാണ് പുറത്തുവരുന്ന വിവരം. വേദന സഹിക്കാനാകാതെ 5 സെന്റിമീറ്റര് നീളത്തിലുള്ള ആണി യുവതി പ്ലയര് ഉപയോഗിച്ച് പുറത്തെടുക്കാന് ശ്രമിച്ചിരുന്നു. അതിന് സാധിക്കാതെ വന്നതോടെയാണ് യുവതി ആശുപത്രിയിലെത്തിയത്. പെഷവാറിലെ ലേഡി റീഡിംഗ് ആശുപത്രിയിലാണ് യുവതി എത്തിയത്. തുടക്കത്തില്, താന് തന്നെ ഈ പ്രവൃത്തി നടത്തിയെന്ന് യുവതി ഡോക്ടര്മാരോട് പറഞ്ഞു, എന്നാല് പിന്നീട് ഒരു മന്ത്രവാദി ചെയ്തതാണെന്ന് സമ്മതിച്ചു. താനിക്ക് ആണ്കുഞ്ഞിനെ ലഭിക്കുമെന്ന് മന്ത്രവാദി ഉറപ്പ് നല്കിയതായും യുവതി പറഞ്ഞു. എന്നാല് എക്സ്റേ ചിത്രങ്ങള് ഓണ്ലൈനില് പ്രത്യക്ഷപ്പെട്ടതിനെ തുടര്ന്ന് പോലീസ് അന്വേഷണം ആരംഭിച്ചു.
ഒരു നിരപരാധിയായ സ്ത്രീയുടെ ജീവിതം കൊണ്ട് കളിക്കുകയും അവളുടെ തലയില് ആണി കയറ്റുകയും ചെയ്ത മന്ത്രവാദിയെ നിയമത്തിന് മുന്നില് കൊണ്ടുവരാന് പ്രത്യേക അന്വേഷണ സംഘം രൂപീകരിച്ചതായി പെഷവാര് പോലീസ് മേധാവി അബ്ബാസ് അഹ്സന് ചൊവ്വാഴ്ച പുറത്തിറക്കിയ ട്വീറ്റില് പറഞ്ഞു.
പോലീസ് ദിവസങ്ങളോളം യുവതി ചികിത്സ തേടിയ ആശുപത്രി ജീവനക്കാരെ അഭിമുഖം നടത്തുകയും തലയില് നിന്ന് ആണി നീക്കം ചെയ്ത ശേഷം ആശുപത്രി വിട്ട സ്ത്രീയെ കണ്ടെത്താന് ശ്രമിക്കുകയും ചെയ്തു. 'ഞങ്ങള് ഉടന് തന്നെ മന്ത്രവാദിയുടെ മേല് കൈ വയ്ക്കും,' മിസ്റ്റര് അഹ്സന് പറഞ്ഞു.യുവതിയെ ആദ്യം ആശുപത്രിയില് ഹാജരാക്കിയപ്പോള് സംഭവം പോലീസിനെ അറിയിക്കുന്നതില് ജീവനക്കാര് പരാജയപ്പെട്ടത് എന്തുകൊണ്ടാണെന്ന് തന്റെ ഉദ്യോഗസ്ഥര് പരിശോധിക്കുമെന്നും അഹ്സന് പറഞ്ഞു.
https://www.facebook.com/Malayalivartha
