അമേരിക്കന്‍ പൗരന്മാര്‍ എത്രെയും വേഗം യുക്രൈന്‍ വിടണമെന്ന നിര്‍ദേശവുമായി യുഎസ് പ്രസിഡന്റ് ജോ ബൈഡന്‍.

യുക്രൈന്റെ വടക്കും കിഴക്കും തെക്കും പടിഞ്ഞാറും അതിര്‍ത്തികളില്‍ ലക്ഷത്തിലേറെ പട്ടാളക്കാരെയും അവര്‍ക്ക് വേണ്ട പടക്കോപ്പുകളും റഷ്യ വിന്യസിച്ച സാഹചര്യത്തില്‍ അമേരിക്ക മുന്‍കരുതല്‍ നിര്‍ദേശം നല്‍കി.

യുക്രൈനുമായുള്ള അതിര്‍ത്തിയില്‍ റഷ്യ 1,30,000 പട്ടാളക്കാരെ വിന്യസിച്ചിട്ടുണ്ടെന്നാണ് സൂചന. ലോകത്തിലെ വലിയ സൈന്യവുമായാണ് നമ്മള്‍ ഇടപാട് നടത്തുന്നത്. വളരെ വ്യത്യസ്തമായ സാഹചര്യമാണ്. കാര്യങ്ങള്‍ ഏതുനിമിഷവും കൈവിട്ടുപോകാം ബൈഡന്‍ പറഞ്ഞു.

റഷ്യന്‍ അധിനിവേശമുണ്ടായാല്‍ അമേരിക്കക്കാരെ രക്ഷിക്കാന്‍ പോലും ഒരു കാരണവശാലും യുക്രൈനിലേക്ക് യുഎസ് സൈനികരെ അയക്കില്ലെന്നും ബൈഡന്‍ .