ആരും ഇല്ലാത്ത വീടും പരിസരവും കാട് പിടിച്ചു; വീട്ടുവളപ്പില് പടര്ന്ന് പന്തലിച്ച് നില്ക്കുന്ന മരങ്ങള് ഭീഷണിയായി; അയല്ക്കാരുടെ പരാതിയില് പോലീസും അഗ്നിശമന സേനാംഗങ്ങളും ചേര്ന്ന് വീട് തുറന്നപ്പോള് കണ്ടത്?
രണ്ട് വര്ഷത്തിന് മുന്പ് മരിച്ചതായി കരുതപ്പെടുന്ന 70 വയസ്സുള്ള ഒരു വൃദ്ധയുടെ മൃതദേഹം ഇറ്റലി പൊലീസ് കണ്ടെത്തി. മരിനെല്ല ബെറെറ്റയെന്ന വൃദ്ധയാണ് മരിച്ചത്. ആരും ഇല്ലാത്ത വീടും പരിസരവും കാട് പിടിച്ച് മരങ്ങള് അയല്ക്കാര്ക്ക് അപകട ഭീഷണിയായി. വടക്കന് ഇറ്റലിയിലെ കോമോ തടാകത്തിന് സമീപമുള്ള പ്രെസ്റ്റിനോയിലെ വീടാണ് കാട് പിടിച്ച് കിടന്നത്.
വീട്ടുവളപ്പിലെ പടര്ന്ന് പന്തലിച്ച് നില്ക്കുന്ന മരങ്ങള് ശക്തമായ കാറ്റത്ത് അപകടം ഉണ്ടാക്കുമെന്ന ഭീതിയില് അയല്ക്കാര് പൊലീസില് വിവരം അറിയിച്ചു. ഇതിനെ തുടര്ന്ന് പൊലീസും അഗ്നിശമന സേനാംഗങ്ങളും ചേര്ന്ന് വീട്ടിലെത്തിയപ്പോഴാണ് ഈ ഭയാനകമായ കാഴ്ച കണ്ടത്.
സ്വീകരണമുറിയിലെ ഒരു കസേരയില് ഇരിക്കുന്ന നിലയിലാണ് ബെറെറ്റയുടെ മൃതദേഹം കണ്ടെത്തിയത്. ആരുമില്ലാതെ ഒറ്റപ്പെട്ട് കഴിയുന്ന അവര് മരിച്ചത് അയല്ക്കാര് അടക്കം ആരും അറിഞ്ഞില്ല. ബെറെറ്റയുടെ മരണത്തെക്കുറിച്ച് പൊലീസ് അന്വേഷണം ആരംഭിച്ചു.
സ്വാഭാവിക കാരണങ്ങളാല് മരണപ്പെട്ടതാണെന്നാണ് പ്രാധമിക നിഗമനമെന്ന് പോലീസ് പറഞ്ഞു. 2019 അവസാനത്തോടെ അവര് മരിച്ചിരിക്കാമെന്നാണ് പൊലീസ് ഭാഷ്യം.
https://www.facebook.com/Malayalivartha
