വിമാനത്തില് പാമ്പ് കയറിക്കൂടി..! യാത്രമധ്യേ പാമ്പിനെ കണ്ട യാത്രക്കാര് പരിഭ്രാന്തരായി പരക്കം പാഞ്ഞു, വിമാനം വഴിതിരിച്ചുവിട്ടു....
എയര് ഏഷ്യാ വിമാനത്തില് പാമ്പിനെ കണ്ടെത്തി. മലേഷ്യയിലെ ക്വലാലംപുരില് നിന്ന് തവൗവിലേക്കുള്ള യാത്രമധ്യേയാണ് പാമ്പിനെ കണ്ടെത്തിയത്.യാത്രക്കാരാണ് പാമ്പിനെ ആദ്യം കണ്ടത്. പാമ്പുണ്ടെന്നറിഞ്ഞതോടെ യാത്രക്കാര് പരിഭ്രാന്തരായി. തുടര്ന്ന് പൈലറ്റ് വിമാനം വഴിതിരിച്ചുവിട്ട് കുച്ചിങ് വിമാനത്താവളത്തില് ഇറക്കുകയായിരുന്നു.
തുടർന്ന് ജീവനക്കാര് പരിശോധന നടത്തി പാമ്പിനെ പിടികൂടുകയായിരുന്നു. വിമാനത്തിനുള്ളിലെ പാമ്ബിന്റെ ദൃശ്യങ്ങള് യാത്രക്കാര് പകര്ത്തുകയും സാമൂഹ്യമാധ്യമങ്ങളില് പ്രചരിപ്പിക്കുകയും ചെയ്തു. മുകള്ഭാഗത്ത് ലഗ്ഗേജുകള് വെക്കുന്നതിന് ഉള്ളിലായിരുന്നു പാമ്ബിനെ കണ്ടെത്തിയത്.
പാമ്പ് എങ്ങനെയാണ് വിമാനത്തില് കയറിക്കൂടിയതെന്ന് വ്യക്തമല്ല. ബാഗില് കയറിയ പാമ്പ് വിമാനത്തില് വച്ച് പുറത്തിറങ്ങിയതാകാമെന്നാണ് നിഗമനം. എന്തായാലും പാമ്പിനെ പിടികൂടിയതോടെയാണ് തവൗവിലേക്കുള്ള യാത്ര തുടര്ന്നത്.
https://www.facebook.com/Malayalivartha
