ലോകത്തിലെ ഏറ്റവും പ്രായം കുറഞ്ഞ അമ്മയ്ക്ക് പ്രായം അഞ്ചു വയസ്… ഒരുപക്ഷേ വിശ്വസിക്കാന്‍ കഴിയില്ല. അതെ.. വെറും അഞ്ചാം വയസില്‍ പ്രസവിച്ച പെണ്‍കുട്ടിയാണ് ലോകത്തെ ഏറ്റവും പ്രായം കുറഞ്ഞ അമ്മ.. ഒന്നാലോചിച്ച് നോക്കൂ.. കളിച്ച് ചിരിച്ച് നടക്കേണ്ട കുട്ടിക്കാലം.. ലൈംഗികത എന്താണെന്നോ ഒരാള്‍ പ്രസവത്തിലൂടെയാണ് ഈ ഭൂമിയിലേക്ക് വരുന്നതെന്നോ അറിയാത്ത പ്രായം.

പെറുവിലെ ടിക്രാപോയില്‍ 1933ലാണ് ലിന മെദിന ജനിക്കുന്നത്. ലിനയുടെ അഞ്ചാം വയസില്‍ അവളുടെ വയര്‍ അസാധാരണമായി വീര്‍ക്കാന്‍ തുടങ്ങി. മാതാപിതാക്കള്‍ അവളെ ഡോക്ടറെ കാണിച്ചു. അവള്‍ക്ക് വയറ്റില്‍ ട്യൂമറാണെന്ന വിലയിരുത്തലിലാണ് ഡോക്ടര്‍മാര്‍ എത്തിയത്. എന്നാല്‍ ഏഴ് മാസം കഴിഞ്ഞപ്പോള്‍ ശസ്ത്രലോകത്തെ ഞെട്ടിപ്പിച്ച് കൊണ്ട് ആ സത്യം ഏവരും മനസിലാക്കി. അവള്‍ ഗര്‍ഭിണിയാണെന്ന്.

തുടര്‍ന്ന് 1939 മെയ് 14ന് അവളൊരു ആണ്‍കുഞ്ഞിന് ജന്മം നല്‍കി. ശസ്ത്രക്രിയ വഴി കുഞ്ഞിനെ പുറത്തെടുത്തു. അഞ്ചുവയസും ഏഴ് മാസവും 21 ദിവസവുമായിരുന്നു അന്ന് ലിനയുടെ പ്രായം. മൂന്നുകിലോയ്ക്കടുത്തായിരുന്നു കുഞ്ഞിന്റെ ഭാരം.ന്നാൽ എന്തുകൊണ്ട് ലിനയ്‌ക്കിത് സംഭവിച്ചു.. എങ്ങനെ അവൾ ഗർഭിണിയായി എന്നതാണ് സ്വാഭാവികമായും ഉയരുന്ന ചോദ്യം. ഇതറിയാൻ പ്രികോഷ്യസ് പ്യൂബേർട്ടി എന്ന രോഗാവസ്ഥയെക്കുറിച്ച് അറിയേണ്ടതുണ്ട്.

എട്ട്-ഒമ്പത് വയസിനുള്ളില്‍ കുട്ടികളില്‍ കാണുന്ന രോഗാവസ്ഥയാണിത്. ഒരു വയസുള്ള പെണ്‍കുഞ്ഞ് ഋതുമതിയായി എന്നൊക്കെ കേട്ടിട്ടില്ലേ, ഇന്ത്യയില്‍ ഇത്തരം സംഭവങ്ങള്‍ റിപ്പോര്‍ട്ട് ചെയ്തിട്ടുമുണ്ട്. പ്രികോഷ്യസ് പ്യൂബേര്‍ട്ടി സ്ഥിരീകരിക്കുന്നവര്‍ക്ക് ശരീര വളര്‍ച്ച പെട്ടെന്നാകാം സംഭവിക്കുന്നത്. പ്രത്യുല്‍പാദന ശേഷി ഇത്തരക്കാര്‍ക്ക് ചെറിയ വയസില്‍ തന്നെ കൈവരിക്കാനാകുമെന്നതാണ് രോഗത്തിന്റെ സവിശേഷത.

എല്ലുകളുടെയും പേശികളുടെയും ദ്രുതഗതിയിലുള്ള വളർച്ച, ശരീരത്തിന്റെ ആകൃതിയിലും വലിപ്പത്തിലുമുള്ള മാറ്റങ്ങൾ, പ്രത്യുൽപാദനത്തിനുള്ള ശരീരത്തിന്റെ കഴിവിന്റെ വികാസം എന്നിവ പ്രായപൂർത്തിയാകുന്നതിൽ ഉൾപ്പെടുന്നു.അകാല യൗവനത്തിന്റെ കാരണം പലപ്പോഴും കണ്ടെത്താൻ കഴിയില്ല. അപൂർവ്വമായി, അണുബാധകൾ, ഹോർമോൺ തകരാറുകൾ, മുഴകൾ, മസ്തിഷ്ക തകരാറുകൾ അല്ലെങ്കിൽ പരിക്കുകൾ എന്നിവ പോലുള്ള ചില അവസ്ഥകൾ അകാല യൗവനത്തിന് കാരണമായേക്കാം.ഇതാണ് ലീനയ്ക്കും സംഭവിച്ചത്..

ഇക്കാര്യത്തിന് ഔദ്യോഗികമായി സ്ഥിരീകരിച്ച ഒരു ഉത്തരമുണ്ടായിട്ടില്ല. എങ്കിലും ലിനയെ ഗര്‍ഭിണിയാക്കിയത് സ്വന്തം പിതാവ് തന്നെയായിരുന്നുവെന്നാണ് അന്നത്തെ മാധ്യമറിപ്പോര്‍ട്ടുകള്‍ സൂചിപ്പിക്കുന്നത്. ഇതിന്റെ പേരില്‍ അയാള്‍ അറസ്റ്റിലാകുകയും കുറച്ചുനാള്‍ വിചാരണ നേരിടുകയും ചെയ്തിരുന്നു.

എന്നാല്‍ തെളിവില്ലാതിരുന്നതിനാല്‍ ഇയാളെ വെറുതെവിട്ടു.
സ്വന്തം പിതാവിന്റെ ലൈംഗിക വൈകൃതങ്ങള്‍ക്ക് ഇരയായ, പ്രികോഷ്യസ് പ്യൂബേര്‍ട്ടി ബാധിതയായ ലിന, പിന്നീട് ഗര്‍ഭിണിയാവുകയായിരുന്നുവെന്നാണ് പലരും ഇക്കാര്യത്തെ വിലയിരുത്തിയത്.