ഇമ്രാന് റഷ്യയില് കാലുകുത്തിയപ്പൊഴേ യുദ്ധം തുടങ്ങി... യുഎസ് ഭീഷണിയില് ഇമ്രാന് ഭയക്കുന്നു
പാകിസ്ഥാന് പ്രധാനമന്ത്രി ധര്മ്മസങ്കടത്തിലാണ്. കാലെടുത്ത് കുത്തിയപ്പോഴേക്കും റഷ്യ ഉക്രെയ്ന് യുദ്ധത്തിലേക്ക് കടന്നതോടെ ഇമ്രാന്ഖാന്റെ സന്ദര്ശനം പാഴായി. ഇമ്രാന്ഖാന് റഷ്യയിലെത്തി അധികം വൈകാതെയാണ് ഉക്രെയ്നെ ആക്രമിക്കുന്നതായി റഷ്യന് പ്രസിഡന്റ് വഌഡിമിര് പുടിന് ടിവിയില് ലൈവായി പ്രഖ്യാപിച്ചത്.
'ഞാന് റഷ്യയിലെത്തിയത് എന്തൊരു സമയത്താണ്' യുദ്ധപ്രഖ്യാപനം അറിഞ്ഞ ഇമ്രാന് ഖാന് ആവേശഭരിതനായി നടത്തിയ ട്വീറ്റാണിത്. അധികം വൈകാതെ അമേരിക്ക ഇമ്രാന്ഖാനോട് ഉക്രെയ്ന്റഷ്യ യുദ്ധത്തിലെ നിലപാട് വ്യക്തമാക്കാന് ആവശ്യപ്പെട്ടു. അതോടെയാണ് റഷ്യന് സന്ദര്ശനം തല്ക്കാലം മതിയാക്കി മടങ്ങുകയാണെന്ന് ഇമ്രാന്ഖാന് വ്യക്തമാക്കിയത്.
ഇതോടെ ഇദ്ദേഹത്തിന്റെ റഷ്യന് സന്ദര്ശനം പാഴായതുപോലെയായി. ചരിത്രപരമായ സന്ദര്ശനം എന്ന് മാധ്യമങ്ങള് വാഴ്ത്തിയ ഇമ്രാന്ഖാന്റെ റഷ്യന് സന്ദര്ശനം അങ്ങിനെ ഒന്നും നടക്കാതെ അവസാനിച്ചു.
https://www.facebook.com/Malayalivartha
