പോര് മുറുകുന്നു...! 120 പടക്കപ്പലുകളും 30 യുദ്ധ വിമാനങ്ങളും സജ്ജം, റഷ്യയയെ പറപറപ്പിക്കാൻ നാറ്റോ, അടിയന്തരമായി യുദ്ധം അവസാനിപ്പിച്ചോണം, കിഴക്കന് യൂറോപ്പിലേക്ക് കൂടുതല് സൈന്യത്തെ അയക്കും, ഭാവിയില് വലിയ വില നല്കേണ്ടി വരും, റഷ്യക്കെതിരെ ഗർജ്ജിച്ച് നാറ്റോ
റഷ്യയ്ക്ക് കടുത്ത മുന്നറിയിപ്പുമായി രംഗത്തെത്തിയിരിക്കുകയാണ് നാറ്റോ. യുദ്ധം അടിയന്തരമായി അവസാനിപ്പിക്കണമെന്ന് റഷ്യയോട് ആവശ്യപ്പെട്ടിരിക്കുകയാണ്. അന്താരാഷ്ട്ര നിയമങ്ങള് റഷ്യ ലംഘിച്ചെന്നും 120 പടക്കപ്പലുകളും 30 യുദ്ധ വിമാനങ്ങളും സജ്ജമാണെന്നും നാറ്റോ സെക്രട്ടറി ജനറല് സ്റ്റോള്ട്ടന് ബര്ഗ് പറഞ്ഞു.
അടിയന്തര സാഹചര്യമുണ്ടായാല് ഇടപെടുമെന്നും കിഴക്കന് യൂറോപ്പിലേക്ക് കൂടുതല് സൈന്യത്തെ അയക്കുമെന്നുമാണ് നാറ്റോയുടെ മുന്നറിയിപ്പ്. റഷ്യ യൂറോപ്പിന്റെ സമാധാനം തകര്ത്തിരിക്കുകയാണ്. യുക്രൈനില് നിന്ന് മുഴുവന് സൈന്യത്തെയും പിന്വലിക്കണം. ഇല്ലെങ്കിൽ ഭാവിയില് വലിയ വില നല്കേണ്ടി വരുമെന്നും നാറ്റോ വ്യക്തമാക്കി.
ഇന്ന് രാത്രി റഷ്യ യുക്രൈനിനുമേല് ഒരു അപ്രതീക്ഷിത ആക്രമണം നടത്തുമെന്ന് യുക്രൈന് പ്രസിഡന്റ് വ്ളോഡിമര് സെലന്സ്കി പറഞ്ഞു. യുക്രൈന് ജനതയെ അഭിസംബോധന ചെയ്ത് നടത്തിയ പ്രസ്താവനയിലാണ് അദ്ദേഹം ഇക്കാര്യം അറിയിച്ചത്. തങ്ങളുടെ പ്രതിരോധം മറികടക്കാന് എല്ലാ തരത്തിലും ശത്രുക്കള് ശ്രമിക്കുമെന്നും ഈ രാത്രി പിടിച്ചു നില്ക്കാനായിരിക്കും തങ്ങളുടെ ശ്രമമെന്നും സെലന്സ്കി വ്യക്തമാക്കി.
അതേസമയം, യുഎന് സുരക്ഷകൌണ്സിലില് റഷ്യയ്ക്കെതിരായ യുഎന് പ്രമേയം വീറ്റോ ചെയ്ത് റഷ്യ. എന്നാൽ സുരക്ഷ സമിതിയിലെ പ്രമേയ വോട്ടെടുപ്പില് നിന്നും ഇന്ത്യ വിട്ടു നിന്നു. യുഎഇയും ചൈനയും വോട്ട് ചെയ്തില്ല.
ഉക്രൈനില് നിന്നും റഷ്യന് സൈന്യം പിന്മാറണം എന്നതായിരുന്നു പ്രമേയം. 15 രാജ്യങ്ങളുള്ള കൗണ്സിലില് 11 രാജ്യങ്ങള് പ്രമേയത്തിന് അനുകൂലിച്ച് വോട്ട് ചെയ്തു. യുഎന് പൊതുസഭയിലും യുഎസ് പ്രമേയം കൊണ്ടുവരുമെന്ന് യുഎസ് അറിയിച്ചു. യുഎന് രക്ഷാ സമിതിയിലെ സ്ഥിരാംഗമെന്ന നിലയില് റഷ്യ വീറ്റോ ചെയ്തതോടെ പ്രമേയം പാസായില്ല.
https://www.facebook.com/Malayalivartha