തകരുന്നത് ലോകത്തിലെ ഉന്നത വിദ്യാഭ്യാസ രംഗം... യുക്രൈനില്‍ അശാന്തി പടരുമ്പോള്‍ തകര്‍ന്നത് വിവിധ രാജ്യങ്ങളിലെ ഉന്നത വിദ്യാഭ്യാസ മേഖല... കുട്ടികളെ ഇനി വിദേശത്ത് പഠിപ്പിക്കാന്‍ അയക്കില്ലെന്ന തീരുമാനത്തിലാണ് കൂടുതല്‍ കുടുംബങ്ങളും
യുക്രൈനില്‍ അശാന്തി പടരുമ്പോള്‍ തകര്‍ന്നത് വിവിധ രാജ്യങ്ങളിലെ ഉന്നത വിദ്യാഭ്യാസ മേഖല. ലക്ഷക്കണക്കിന് ഇന്ത്യന്‍ വിദ്യാര്‍ത്ഥികളാണ് യുക്രൈന്‍ ഉള്‍പ്പെടെയുള്ള ലോകരാജ്യങ്ങളില്‍ വിദ്യാഭ്യാസം നടത്തുന്നത്. ഇവരില്‍ നല്ലൊരു ശതമാനവും മെഡിക്കല്‍ വിദ്യാര്‍ത്ഥികളാണ്.
കുട്ടികളെ ഇനി വിദേശത്ത് പഠിപ്പിക്കാന്‍ അയക്കില്ലെന്ന തീരുമാനത്തിലാണ് കൂടുതല്‍ കുടുംബങ്ങളും.
ഏതാണ്ട് പതിനൊന്ന് ലക്ഷം ഇന്ത്യന്‍ വിദ്യാര്‍ത്ഥികളാണ് വിദേശത്ത് പഠിക്കുന്നത്. ചില വിദ്യാര്‍ത്ഥികള്‍ തെറ്റിദ്ധരിക്കപ്പെട്ട് ചില വ്യാജ സര്‍വകലാശാലകളില്‍ പ്രവേശനം നേടിയിട്ടുണ്ട്. ഇത്തരത്തില്‍ നിരവധി വ്യാജസര്‍വകലാശാലകള്‍ ലോകമെമ്പാടും പ്രവര്‍ത്തിക്കുന്നുണ്ട്. വ്യാജ സര്‍വകലാശാലകളുടെ വിവരങ്ങള്‍ ക്യത്യമായി കേന്ദ്ര സര്‍ക്കാര്‍ അറിയിക്കാറുണ്ടെങ്കിലും പല വിദ്യാര്‍ത്ഥികളും അറിയാറില്ല. യുദ്ധം പോലുള്ള മഹാമാരികള്‍ ഉണ്ടാകുമ്പോള്‍ ആശങ്ക നൂറിരട്ടിയാവും.
യുക്രൈന്‍ യുദ്ധം തുടങ്ങിയതോടെ കേരളത്തിലെ നിരവധി കുടുംബങ്ങള്‍ ആശങ്കയിലായി.. മക്കള്‍ എന്ന് തിരിച്ചുവരുമെന്ന ആശങ്കയിലാണ് കുടുംബങ്ങള്‍.
ബങ്കറുകളില്‍ ഒളിച്ചിരിക്കുകയാണ് കാര്‍ഖിവിലും കീവിലും മലയാളി വിദ്യാര്‍ത്ഥികള്‍. ഓരോ തവണയും ബോംബുകളും മിസൈലുകളും പതിക്കുന്ന ശബ്ദത്തില്‍ ഭയന്ന് വിറച്ചിരിക്കുകയാണ് അവര്‍. ഭക്ഷണത്തിനും വെള്ളത്തിനും മാത്രമല്ല, പെണ്‍കുട്ടികള്‍ക്ക് അത്യാവശ്യം വേണ്ട സാനിറ്ററി പാഡുകള്‍ പോലും കിട്ടാനില്ല. എല്ലായിടത്തും മോഷണം നടക്കുന്നു. എല്ലാവര്‍ക്കും തോക്കുകള്‍ കിട്ടാന്‍ തുടങ്ങിയതോടെ തീര്‍ത്തും അരക്ഷിതാവസ്ഥയിലാണ് ആളുകള്‍. ബോഗോമൊളറ്റ്‌സിലെ മലയാളി വിദ്യാര്‍ത്ഥിനി അനിഖയുടെ കത്ത് ഈ ഭീതിയുടെ ആഴം മനസിലാക്കിത്തരുന്നു.
യുക്രൈനിലെ സ്ഥിതി, പ്രത്യേകിച്ചും കീവിലും കാര്‍ഖിവിലെയും സ്ഥിതി ഒട്ടും തന്നെ മെച്ചപ്പെടുന്നില്ലെന്ന സങ്കടകരമായ വാര്‍ത്ത അറിയിക്കുന്നു. അതിനുള്ള കാരണങ്ങള്‍ അനി ഖ പറയുന്നത് ഇങ്ങനെയാണ്.
ഓരോ തവണയും ബോംബുകളും മിസൈലുകളും അടുത്തടുത്തേക്ക് എത്തുന്നു. ആദ്യം ബോംബുകള്‍ വീഴുന്ന ശബ്ദം മാത്രമാണ് കേട്ടിരുന്നത്. ഇപ്പോള്‍ തൊട്ടടുത്ത കെട്ടിടങ്ങള്‍ വരെ കത്തുന്നതാണ് കാണുന്നത്. ഭക്ഷണവും വെള്ളവുമില്ല
സൂപ്പര്‍മാര്‍ക്കറ്റുകളില്‍ നീണ്ട ക്യൂ. എന്തെങ്കിലും കിട്ടാന്‍ മണിക്കൂറുകള്‍ കാത്തുനില്‍ക്കേണ്ട സ്ഥിതിയാണുള്ളത്. തൊട്ടടുത്ത സ്റ്റേറ്റില്‍ എത്തിയാല്‍ സുരക്ഷിതരാകുമെന്ന് അവര്‍ പറയുന്നു. എന്നാല്‍ ഡ്രോണുകള്‍ക്കും മിസൈലുകള്‍ക്കും ടാങ്കുകള്‍ക്കും വെടിക്കോപ്പ് നിറച്ച ട്രക്കുകള്‍ക്കും വെടിയുണ്ടകള്‍ക്കും ഇടയില്‍ എങ്ങിനെ അവിടെയെത്താന്‍ കഴിയുമെന്ന് പറയുന്നില്ല. കീവില്‍ നിന്ന് അതിര്‍ത്തിയിലേക്ക് പോകാനാവില്ല. പോയവരെ കാണാതാവുകയോ അവര്‍ തടവിലാക്കപ്പെടുകയോ ചെയ്യുന്നു
സ്ത്രീകള്‍ക്ക് ശുചിമുറികളില്ല. കടകള്‍ കാലിയാണ്, വില കുത്തനെ ഉയര്‍ന്നു എടിഎമ്മുകള്‍ കാലി. പണം കിട്ടാനില്ല. എല്ലായിടത്തും മോഷണം. പാസ്‌പോര്‍ട്ടുകള്‍ മോഷണം പോകുന്നു
എല്ലാവര്‍ക്കും തോക്കുകള്‍ കിട്ടുന്നു, എപ്പോള്‍ വേണമെങ്കിലും ആക്രമിക്കപ്പെട്ടേക്കാം.
ലിവൈവിലേക്കുള്ള റോഡുകള്‍ റഷ്യ ബോംബിട്ട് തകര്‍ത്തു. യുക്രൈന്‍ സൈന്യം ഇന്ത്യാക്കാരെ തടവിലാക്കി. വിമാനത്താവളങ്ങള്‍ അടച്ചിട്ടിരിക്കുകയാണ്. സാനിറ്ററി പാഡുകള്‍ കിട്ടാനില്ല. ഈ വിഷയങ്ങളില്‍ അടിയന്തിര ശ്രദ്ധയോടെ ഉടന്‍ തന്നെ ഇടപെടുമെന്ന് പ്രതീക്ഷിക്കുന്നുവെന്നും അനിഖ കത്തില്‍ പറയുന്നു. ഇതാണ് ഇന്ത്യന്‍ വിദ്യാര്‍ത്ഥികളുടെ അവസ്ഥ.
യുക്രൈന്‍ ആക്രമണത്തിന്റെ പശ്ചാത്തലത്തില്‍ ഇന്ത്യന്‍ കുട്ടികളുടെ വിദേശ പഠനം അവതാളത്തിലായിരിക്കുകയാണ്. ലക്ഷങ്ങള്‍ മുടക്കിയാണ് ഇതില്‍ പലരും യുക്രൈന്‍ പോലുള്ള രാജ്യങ്ങളില്‍ മെഡിസിന്‍ പഠിക്കാനെത്തിയത്. യുദ്ധം കഴിയുമ്പോള്‍ യുക്രൈനില്‍ എന്തെല്ലാം അവസാനിക്കുമെന്ന് ആര്‍ക്കറിയാം. ചുരുക്കത്തില്‍ മുടക്കിയ ലക്ഷങ്ങളാണ് ഇന്ത്യന്‍ വിദ്യാര്‍ത്ഥികള്‍ക്ക് നഷ്ടമാകുന്നത്. ഇന്നത്തെ യുക്രൈന്‍ നാളെ മറ്റ് രാജ്യങ്ങളിലും ആവര്‍ത്തിക്കപെടാം. ലോകത്തേറ്റവും സമാധാനമുള്ളത് ഇന്ത്യയിലാണ്. അത് മനസിലാക്കി വിദ്യാഭ്യാസത്തില്‍ തന്നെ ഒരു പൊളിച്ചെഴുത്ത് ആവശ്യപെടുകയാണ് രാജ്യം.
https://www.facebook.com/Malayalivartha
