ഞങ്ങള് എല്ലാ നഗരങ്ങളിലും ബോംബിടുകയും സാധാരണക്കാര്ക്ക് നേരെ വരെ ആക്രമണം നടത്തുകയുമാണ്! യുക്രെയ്നിലെ റഷ്യന് സൈനികന് മരണത്തിന് തൊട്ടുമുമ്ബ് അമ്മയ്ക്ക് അയച്ച സന്ദേശം പുറത്ത്
റഷ്യന് സൈന്യം യുക്രെയ്നില് നടത്തുന്ന മനുഷ്യത്വരഹിതമായ ആക്രമണങ്ങളുടെ നേര്ചിത്രമായി കൊല്ലപ്പെട്ട റഷ്യന് സൈനികന് അമ്മയ്ക്ക് അയച്ച സന്ദേശം. ഐക്യരാഷ്ട്രസഭ ജനറല് അസംബ്ലി സെഷനില് യുക്രെയ്ന് അംബാസഡര് സെര്ജി കിസ്ലിത്സ ഈ സന്ദേശം വായിക്കുകയായിരുന്നു. തനിക്ക് ഭയമുണ്ടെന്നും തന്റെ സൈന്യം സിവിലിയന്മാരെ പോലും ലക്ഷ്യമിടുന്നുവെന്നും സൈനികന് പറഞ്ഞതായി സെര്ജി കിസ്ലിത്സ ചൂണ്ടികാട്ടുകയുണ്ടായി.
കൊല്ലപ്പെട്ട റഷ്യന് സൈനികന്റെ ഫോണില് നിന്നുള്ള സന്ദേശങ്ങളാണ് സെര്ജി കിസ്ലിത്സ യു.എന് അസംബ്ലിയില് വായിച്ച് കേള്പ്പിച്ചത്.
'അമ്മേ, ഞാന് യുക്രെയ്നിലാണ്. ഇവിടെ ഒരു യുദ്ധം നടക്കുകയാണ്. ഞങ്ങള് എല്ലാ നഗരങ്ങളിലും ബോംബിടുകയും സാധാരണക്കാര്ക്ക് നേരെ വരെ ആക്രമണം നടത്തുകയുമാണ്. അവര് ഞങ്ങളെ സ്വാഗതം ചെയ്യുമെന്നാണ് പറഞ്ഞിരുന്നത്. എന്നാല്, ഞങ്ങളെ കടന്ന് പോകാന് അനുവദിക്കാത്ത വിധം വാഹനങ്ങളുടെ ചക്രങ്ങള്ക്കിടയിലേക്ക് വീഴുകയും ഞങ്ങളെ ഫാഷിസ്റ്റുകളെന്ന് വിളിക്കുകയുമാണ്. ഇത് വളരെ പ്രയാസകരമായ അവസ്ഥയാണ്' - സൈനികന് തന്റെ അമ്മയോട് പറഞ്ഞതായി യുക്രെയ്ന് അംബാസിഡര് പറഞ്ഞു.
സൈനികന് കൊല്ലപ്പെടുന്നതിന് ഏതാനും നിമിഷങ്ങള്ക്ക് മുന്നേ അയച്ച സന്ദേശമാണിതെന്നും ഇതില് നിന്ന് തന്നെ ദുരന്തത്തിന്റെ വ്യാപ്തി വ്യക്തമാണെന്നും സൈനികന്റെ സന്ദേശങ്ങളുടെ ചിത്രം ഉയര്ത്തിപ്പിടിച്ചുകൊണ്ട് യുക്രെയ്ന് അംബാസഡര് പറഞ്ഞു.
https://www.facebook.com/Malayalivartha
