റഷ്യ ഖാര്‍കീവില്‍ വന്‍ ആക്രമണത്തിന് വന്‍ പദ്ധതിയിടുന്നതായി സൂചന. റഷ്യ തന്നെയാണ് വിവരം കൈമാറിയതെന്ന് വിദേശകാര്യ വക്താവ് അരിന്ദം ബാഗ്ചി അറിയിച്ചു.ഈ സാഹചര്യത്തില്‍ ഇന്ത്യക്കാര്‍ ഉടന്‍ ഖാര്‍കീവില്‍ നിന്ന് ഒഴിയണമെന്നും ട്രെയിനിന് വേണ്ടി കാത്തിരിക്കാതെ കാല്‍നടയായി പരമാവധി ദൂരത്തേക്കു മാറണമെന്നും അദ്ദേഹം വ്യക്തമാക്കി.

കിഴക്കന്‍ യുെ്രെകന്‍ നിലവില്‍ പ്രശ്‌നബാധിത മേഖലയാണ്. സംഘര്‍ഷ സാധ്യതയുള്ള സ്ഥലങ്ങളില്‍ നിന്നും ആളുകള്‍ സുരക്ഷിത സ്ഥാനങ്ങളിലേക്ക് മാറണം. പെസോചിന്‍, ബബയെ, ബെസിഡോല്‍ക എന്നിവിടങ്ങളിലേക്കു മാറണമെന്നാണ് നിര്‍ദേശം. പെസോചിനിലേക്ക് 11 കി.മി, ബബായിലേക്ക് 12 കി.മി, ബെസിഡോല്‍കയിലേക്ക്16 കി.മി. എന്നിങ്ങനെയാണ് ദൂരം.

രക്ഷാദൗത്യവുമായി ബന്ധപ്പെട്ട് റഷ്യയുമായി ചര്‍ച്ച നടത്തുന്നുണ്ട്. സുരക്ഷിത പാത ഒരുക്കണമെന്നാണ് ആവശ്യപ്പെട്ടത്. യുെ്രെകനുമായി സംസാരിക്കുന്നുണ്ടെന്നും അദ്ദേഹം പറഞ്ഞു. കിയവില്‍ നിന്നും ഇന്ത്യക്കാരെ പൂര്‍ണമായും ഒഴിപ്പിച്ചിട്ടുണ്ട്. പാസ്‌പോര്‍ട്ട് നഷ്ടപ്പെട്ട വിദ്യാര്‍ഥികള്‍ക്കായി ബദല്‍ സംവിധാനമൊരുക്കുമെന്നും വിദ്യാര്‍ഥികളുടെ പ്രയാസങ്ങള്‍ മനസിലാകുന്നുണ്ടെന്നും ബാഗ്ചി കൂട്ടിച്ചേര്‍ത്തു.

20000 ഇന്ത്യക്കാരാണ് യുെ്രെകനില്‍ ഉണ്ടായിരുന്നത്. എല്ലാവരെയും തിരികെയെത്തിക്കും. 17000 ഇന്ത്യക്കാര്‍ ഇതുവരെ യുെ്രെകന്‍ വിട്ടു. 3,352 പേരാണ് നാട്ടിലേക്ക് തിരിച്ചെത്തിയത്. ബുക്കാറസ്റ്റില്‍നിന്നുള്ള ആദ്യ വിമാനം സി17 ഇന്നു രാത്രിയോടെ ഡല്‍ഹിയിലെത്തും. കഴിഞ്ഞ 24 മണിക്കൂറിനിടെ ആറു വിമാനങ്ങള്‍ ഇന്ത്യക്കാരുമായി എത്തി. ഇതുവരെ 15 വിമാനങ്ങളാണ് യുെ്രെകനില്‍ നിന്ന് എത്തിയതെന്നും ബാഗ്ചി പറഞ്ഞു.