യുക്രെയ്നിലെ സപ്പോര്ഷ്യ ആണവനിലയം ആക്രമിച്ച് റഷ്യ.... ഷെല് ആക്രമണത്തില് ആണവനിലയത്തില് തീപിടിത്തം, റഷ്യന് സേന എല്ലാ ഭാഗത്ത് നിന്നും വെടിയുതിര്ക്കുകയാണെന്ന് യുക്രൈന് വിദേശകാര്യ മന്ത്രി
യൂറോപ്പിലെ ഏറ്റവും വലിയ ആണവനിലയമായ യുക്രെയ്നിലെ സപ്പോര്ഷ്യ ആണവനിലയം ആക്രമിച്ച് റഷ്യ. ഷെല് ആക്രമണത്തില് ആണവനിലയത്തില് തീപിടിത്തമുണ്ടായി.
സംഭവത്തെ തുടര്ന്ന് അണുവികിരണത്തോത് ഉയര്ന്നു. തീയണയ്ക്കാന് ഫയര് എന്ജിനുകളെ റഷ്യ അനുവദിച്ചിട്ടുണ്ട്. പരിശീലന കേന്ദ്രത്തിലും ലാബോര്ട്ടറിയിലുമാണ് തീപിടിത്തമുണ്ടായത്. ചെര്ണോബ് ആണവദുരന്തം 'ആവര്ത്തിക്കാന്' മോസ്കോ ശ്രമിക്കുന്നതായി യുക്രെയ്ന് പ്രസിഡന്റ് വോളോദിമിര് സെലന്സ്കി ആരോപിച്ചു. റഷ്യയല്ലാതെ ഒരു രാജ്യവും ആണവനിലയങ്ങള്ക്കു നേരെ ആക്രമണം നടത്തില്ല.
മനുഷ്യരാശിയുടെ ചരിത്രത്തിലെ ആദ്യത്തെ സംഭവമാണ്. ഭീകര രാഷ്ട്രം ഇപ്പോള് ആണവ ഭീകരതയിലേക്ക് തിരിഞ്ഞിരിക്കുകയാണെന്നും സെലന്സ്കി. പൊട്ടിത്തെറി ഉണ്ടായാല് അത് എല്ലാത്തിന്റേയും അവസാനമാണ്.
യൂറോപ്പിന്റെ അവസാനം. യൂറോപ്പ് ഉടനടി നടപടി സ്വീകരിച്ചാല് മാത്രമേ റഷ്യന് സൈന്യത്തെ തടയാന് കഴിയുവെന്നും സെലന്സ്കി പറഞ്ഞു.
ആണവനിലയത്തിനു നേര്ക്കുണ്ടായ ആക്രമണം സംബന്ധിച്ച് യുഎസ് പ്രസിഡന്റ് ജോ ബൈഡന് ഉള്പ്പെടെയുള്ള അന്താരാഷ്ട്ര നേതാക്കളുമായി സംസാരിച്ചതായും അദ്ദേഹം പറഞ്ഞു.
"
https://www.facebook.com/Malayalivartha
