എന്താണ് ഇത്രയും ദിവസമായി ഉക്രൈനെ പിടിച്ചു നിര്‍ത്തിയ ഘടകം. ആ ചോദ്യത്തിന് പിന്നാലെയാണ് ലോകശക്തികളും മാധ്യമങ്ങളും ജനങ്ങളും. കാര്യം ഇപ്പോഴാണ് വ്യക്തമായത്. ആ വിശുദ്ധ ജാവലിനാണ് നീപ്പര്‍ നദിയില്‍ റഷ്യയില്‍ സൈന്യം തൊട്ടിട്ടു പോലും ഉക്രൈനെ പിടിച്ചുനിര്‍ത്തുന്നത്. എന്താണ് നീപ്പര്‍ നദിയുടെ പ്രത്യേകത. എന്താണ് ആ വിശുദ്ധ കവചം. നീപ്പര്‍ നദിയുടെ തീരനഗരങ്ങള്‍ തന്ത്രപ്രധാന മേഖലയാണ്. ദിവസങ്ങള്‍ പിന്നിട്ടിട്ടും വീര്യം ചോരാതെ റഷ്യന്‍ സൈനികര്‍ക്കെതിരെ പോരാടാന്‍ ഉക്രെയിന് കരുത്തു പകര്‍ന്നത് എഫ്.ജി.എം  148 ജാവ്‌ലിന്‍ എന്ന ടാങ്ക് വേധ മിസൈലാണ്. വിശുദ്ധ ജാവലിനെന്നറിയപ്പെടുന്ന ഈ മിസൈല്‍ കഴിഞ്ഞ വര്‍ഷം ജനുവരിയിലാണ് ഉക്രെയിനില്‍ എത്തിയത്.

200 ദശലക്ഷം ഡോളറിന്റെ 300 ജാവലിന്‍ മിസൈല്‍ അമേരിക്കയാണ് ഉക്രെയിന് നല്‍കിയത്.റഷ്യ ആക്രമണം രൂക്ഷമാക്കിയതോടെ ശനിയാഴ്ച 350 ദശലക്ഷം ഡോളറിന്റെ സഹായം കൂടി അമേരിക്ക അനുവദിച്ചു. ഇതില്‍ ജാവലിന്‍ മിസൈലുകളും ഉണ്ട്. മുന്‍ പ്രസിഡന്റ് ഡൊണാള്‍ഡ് ട്രംപാണ് ജാവലിന്‍ ഉക്രെയിന് നല്‍കാന്‍ തീരുമാനിച്ചത്. 20 വര്‍ഷം മുന്‍പു തന്നെ ജാവലിന്‍ അമേരിക്കന്‍ സൈന്യത്തിന്റെയും നാറ്റോ രാജ്യങ്ങളുടേയും സൈനിക സ്വത്തായിരുന്നു. തങ്ങള്‍ക്ക് കരുത്തേകിയ ജാവലിന് ദൈവീക പരിവേഷമാണ് ഉക്രെയിന്‍കാര്‍ നല്‍കുന്നത് അതിനാലാണ് ഇതിനെ വിശുദ്ധ ജാവലിന്‍ എന്ന് വിളിക്കുന്നത്.വീണ്ടെടുക്കലിന്റെ വിശുദ്ധയായ മഗ്ദലന മറിയം ജാവ്‌ലിന്‍ മിസൈല്‍ പിടിച്ചുനില്‍ക്കുന്ന ചിത്രങ്ങളും സ്റ്റിക്കറുകളും ഉക്രെയിനിലെമ്പാടും പ്രചരിക്കുന്നുണ്ട്.

ഉക്രെയിന്‍ ജനതയ്ക്കായി സഹായം തേടി കാനഡ ആസ്ഥാനമാക്കി പ്രവര്‍ത്തിക്കുന്ന വെബ്സൈറ്റുകളില്‍ ഒന്നിന്റെ പേര് സെന്റ് ജാവലിന്‍ ഡോട്ട് കോം എന്നാണ്.ഉയര്‍ന്നയിനത്തില്‍പ്പെട്ട ടാങ്ക് പ്രതിരോധ ആയുധസംവിധാനം ഇതിന്റെ പ്രതയേകതയാണ് 60 ലക്ഷം രൂപയാണ് ഇതിന്റെ വില.മിക്ക റഷ്യന്‍ കവചിത വാഹനങ്ങളെക്കാളും പ്രഹരശേഷിയുള്ളതാണ് ജാവലിന്‍ മിസൈല്‍. ഉക്രൈന്റെ തീരനഗരങ്ങളില്‍ ആധിപത്യമുറപ്പിച്ച് റഷ്യന്‍ സൈന്യം . ഉക്രൈനിലെ പ്രധാന നദികളിലൊന്നായ നീപ്പര്‍ നദിയുടെ കിഴക്കന്‍ പകുതി പൂര്‍ണമായി പിടിച്ച് ഉക്രൈനെ തന്നെ പിളര്‍ക്കാന്‍ നീങ്ങുകയാണ് റഷ്യ. അതിര്‍ത്തി തുറമുഖങ്ങള്‍ പിടിച്ച് ഉക്രൈന്റെ കരിങ്കടലിലേക്കും അസോവ് കടലിലേക്കുമുള്ള അതിര്‍ത്തികള്‍ അടച്ച് കൈക്കലാക്കലും കൂടി ലക്ഷ്യമിട്ടാണ് റഷ്യയുടെ നീക്കം.

റൊമാനിയന്‍ തീരം വരെയുള്ള സമുദ്രാതിര്‍ത്തി പിടിച്ച് നാവികശക്തി കൂട്ടല്‍ റഷ്യയുടെ കാലങ്ങളായുള്ള സ്വപ്നമാണ് നിറവേറുന്നത് നീപ്പര്‍ നദിയുടെ തീരനഗരങ്ങള്‍ തന്ത്രപ്രധാന മേഖലയാണ്. നീപര്‍ നദിയുടെ ഡെല്‍ട്ടയിലാണ് തലസ്ഥാനമായ കീയവിലേക്കുള്ള പാതയിലെ പ്രധാന തുറമുഖമായ കേഴ്‌സന്‍. അത് റഷ്യ പിടിച്ചു കഴിഞ്ഞു. നീപ്പര്‍ നദിയുടെ ഡെല്‍റ്റ മേഖല ഉക്രൈന്റെ ഭക്ഷ്യ അറയാണ്. കടല്‍ക്കരയില്‍ ഉക്രൈനിലേക്കുള്ള ഗേറ്റ് വേയായ ക്രീമിയ നേരത്തെ റഷ്യ പിടിച്ചടക്കിയതാണ്. ഇനി തുറമുഖ നഗരമായ ഒഡേസ കൂടി പിടിച്ചാല്‍ അതുവഴി മള്‍ഡോവ വരെ നീളുന്ന കരിങ്കടല്‍ അതിര്‍ത്തി മേഖല റഷ്യയുടെ കൈയിലാകും. ഒഡേസയില്‍ റഷ്യ ആക്രമണം തുടങ്ങിക്കഴിഞ്ഞു. തുറമുഖ പ്രാധാന്യമുള്ള മരിയുപോള്‍, മെലിറ്റോപോള്‍, ബെര്‍ഡിയാന്‍സ്‌ക് ഒക്കെ വീഴുന്നതോടെ റഷ്യയ്ക്ക് തെക്ക് വേറെ തടസ്സങ്ങളില്ല. ഡോണ്‍ബാസ് മേഖലയില്‍ നിന്ന് ഏറ്റവുമടുത്ത വന്‍ തീര നഗരമായ സപ്രോഷ്യ കൂടിയായാല്‍ റഷ്യന്‍ അനുകൂലികള്‍ നിറഞ്ഞ ഡോണ്‍ബാസില്‍ നിന്ന് നീപ്പറിലേക്ക് വഴി തുറന്നു. ഉക്രൈന്റെ കരിങ്കടല്‍, അസോവ കടല്‍ അതിര്‍ത്തികള്‍ ഇല്ലാതാക്കുകയാണ് റഷ്യ ഇപ്പോള്‍ ചെയ്യുന്നത്. ഒഡേസ കൂടി വീണാല്‍ കരിങ്കടല്‍ യുക്രൈന് മുന്നില്‍ അടഞ്ഞ് കടല്‍ത്തീരമില്ലാത്ത രാജ്യമാകും യുക്രൈന്‍. യുക്രൈന്‍ മാത്രമല്ല, നാറ്റോയ്ക്കും ചിന്തിക്കാവുന്നതിനപ്പുരമാണ് റൊമാനിയന്‍ തീരം വരെ കരിങ്കടലിലും അസോവിലും റഷ്യന്‍ ആധിപത്യം. ഇത് മുന്‍കൂട്ടിക്കണ്ട് കരിങ്കടലില്‍ റഷ്യന്‍ പടക്കപ്പലുകള്‍ക്ക് പ്രവേശനം നിഷേധിക്കണമെന്ന് തുര്‍ക്കിയോട് യുക്രൈന്‍ ആവശ്യപ്പെട്ടിട്ടുണ്ട്.