ഉഗ്രപോരാട്ടം നടക്കുന്ന ഉക്രെയിനില് റഷ്യ പ്രഖ്യാപിച്ചിരിക്കുന്ന താല്ക്കാലിക വെടിനിറുത്തല് വന് ആക്രമത്തിനുള്ള ഇടവേളയെന്ന് ആശങ്ക... വിദേശ പൗരന്മാരെ ഉക്രെയിനിനു പുറത്തെത്തിക്കാനുള്ള വെടിനിറുത്തല് എന്നു പറയുമ്പോഴും ഇതിനു പിന്നാലെ അണുവായുധ പ്രയോഗം ഉള്പ്പെടെ കടുംകൈ റഷ്യ നടത്തുമോ എന്ന ഭീതിയില് ലോകം
ഉഗ്രപോരാട്ടം നടക്കുന്ന ഉക്രെയിനില് റഷ്യ പ്രഖ്യാപിച്ചിരിക്കുന്ന താല്ക്കാലിക വെടിനിറുത്തല് വന് ആക്രമത്തിനുള്ള ഇടവേളയെന്ന് ആശങ്ക ഉയരുന്നു. വിദേശ പൗരന്മാരെ ഉക്രെയിനിനു പുറത്തെത്തിക്കാനുള്ള വെടിനിറുത്തല് എന്നു പറയുമ്പോഴും ഇതിനു പിന്നാലെ അണുവായുധ പ്രയോഗം ഉള്പ്പെടെ കടുംകൈ റഷ്യ നടത്തുമോ എന്ന ഭീതിയിലാണ് ലോകമെങ്ങും.
യുക്രെയ്നില് താല്കാലിക വെടിനിര്ത്തല് പ്രഖ്യാപിച്ച സാഹചര്യത്തില് വിവിധയിടങ്ങളില് കുടുങ്ങിക്കിടക്കുന്നവരെ ഒഴിപ്പിക്കാന് ഇടനാഴികള് തയ്യാറാക്കുമെന്ന് പ്രതിരോധമന്ത്രാലയം അറിയിച്ചിട്ടുണ്ട്. കേവലം അഞ്ചര മണിക്കൂര് ദൈര്ഘ്യമുള്ള വെടിനിര്ത്തലിനിടെ വിവിധ രാജ്യങ്ങളില് നിന്നുള്ള ലക്ഷക്കണക്കിന് ജനങ്ങളെയാണ് യുക്രെയിനില് നിന്ന് വിവിധ രാജ്യങ്ങള്ക്ക് വിമോചിപ്പിച്ചുകൊണ്ടുപോകേണ്ടത്.
വെടിനിറത്തില് സമയം പിന്നിട്ടശേഷം തന്ത്രപ്രധാന പട്ടങ്ങളിലും ആണവനിലയങ്ങളിലും ഉള്പ്പെടെ റഷ്യ മാരക ബോംബുകള് വര്ഷച്ചേക്കുമെന്നാണ് നിലവിലെ സൂചന. മരിയുപോള്, വൊള്നോവാഹ എന്നിവിടങ്ങള് വഴി അടിയന്തിര രക്ഷാപ്രവത്തനം നടത്തി ഇന്ത്യ ഉള്പ്പെടെ വിവിധ രാജ്യങ്ങളില് നിന്നുള്ള പൗരന്മാരെ പുറത്തു കടത്താന് ഊര്ജിത സന്നാഹങ്ങള് നടപ്പാക്കിവരികയാണ്.
റഷ്യ വെടിനിറുത്തല് പ്രഖ്യാപിച്ച ശേഷവും ഉക്രെയിന് അവരുടെ നിലപാട് വ്യക്തമാക്കിയിട്ടില്ല. മാത്രവുമല്ല ഉക്രെയിനിലെ ഒട്ടേറെ നഗരങ്ങളില് റഷ്യന്സൈന്യം വൈദ്യുതി, കുടിവെള്ളം ഉള്പ്പെടെ അവശ്യസംവിധാനങ്ങള് തകര്ത്തിരിക്കുകയാണ്. കൊടുംതണുപ്പില് പാര്പ്പിടവും വസ്ത്രവുമില്ലാതെ അനേകായിരം ഉക്രെയിന് പൗരന്നമാരാണ് നിരുത്തുകളില് കഴിയുന്നത്.
റോഡുകള് വ്യോമാക്രമണത്തില് തകര്ക്കപ്പെട്ടതോടെ വിവിധ രാജ്യങ്ങളിലെ പൗരന്മാരെ പോളണ്ട്, റുമേനിയ തുടങ്ങിയ രാജ്യങ്ങളുടെ അതിര്ത്തികളില് എത്തിക്കുകയെന്നത് ഏറെ ദുഷ്കരമായ ദൗത്യമാണ്. ഉക്രെയിനില് റഷ്യയുടെ കടന്നേറ്റം രണ്ടാഴ്ച പിന്നിടുമ്പോള് അഞ്ചു ലക്ഷത്തിലേറെ ഉക്രെയിന് പൗരന്മാരാണ് വിവിധയിടങ്ങളില് പരിക്കേറ്റും വീടു നഷ്ടപ്പെട്ടും നരകയാതന നരകയാതനയില് കഴിയുന്നത്.
വെടിനിറുത്തല് ഇടവേളയ്ക്കു പിന്നാലെ റഷ്യ ഉക്രെയിനെ അതിശക്തമായി കടന്നാക്രമിക്കുന്ന സാഹചര്യമുണ്ടായാല് അമേരിക്കയുടെ ബ്രിട്ടന്റെയും നിലപാട് പ്രധാനമായിരിക്കുന്നു. നാറ്റോ സഖ്യചേരി റഷ്യക്കെതിരെ ഒന്നടങ്കം തിരിയുന്ന സാഹചര്യമുണ്ടായാല് കിഴക്കന് യൂറോപ്പില് നിന്നും യുദ്ധം ആഗോളതലത്തിലേക്ക് കടക്കുമോ എന്നതാണ് ആശങ്ക.
റഷ്യ ഉക്രെയിനുമേല് ആണവായുധം പ്രയോഗിക്കാനാണ് നീക്കമെന്ന് ഒരാഴ്ചയായ സംശയമുയരുന്നു. വെടിനിറുത്തല് എത്ര സമയത്തേക്കെന്ന് റഷ്യ വ്യക്തമാകാത്ത സാഹചര്യത്തില് സര്വസന്നാഹങ്ങളുമായി റഷ്യക്കെതിരെ പ്രതിരോധം തീര്ക്കുകയാണ് ഉക്രെയിന്. വരുംദിവസങ്ങളില് ഉക്രെയിന് വിവിധ രാജ്യങ്ങളുടെ പിന്തുണ ലഭിച്ചേക്കുമെന്ന് ആശങ്കയിലാണ് റഷ്യ തല്ക്കാലം യുദ്ധത്തിന് ഇടവേള നല്കിയിരിക്കുന്നതെന്നും നിരീക്ഷണമുണ്ട്.
https://www.facebook.com/Malayalivartha
