ഇന്ത്യയുടെ സ്ട്രാറ്റജിക് ഓപ്പറേഷനോ? ഇന്ത്യയുടെ മിസൈല് പാകിസ്ഥാനില് പതിച്ച സംഭവം ട്വിസ്റ്റില്; ഒറ്റ നീക്കത്തിലൂടെ ഇന്ത്യ കൈവരിച്ചത് മൂന്ന് പ്രധാന നേട്ടങ്ങള്; അമ്പരന്നു പാകിസ്ഥാന്; ജീവഹാനി സംഭവിച്ചില്ലെങ്കിലും നിരവധി നാശനഷ്ടങ്ങളുണ്ടായതായി പാകിസ്ഥാന്
മാര്ച്ച് ഒന്പതിന് ഇന്ത്യയില് നിന്ന് പോര്മുന ഘടിപ്പിക്കാത്ത ഒരു മിസൈല് പാകിസ്ഥാനില് പതിച്ച സംഭവം വഴിത്തിരിവില്. ഹരിയാനയിലെ സിര്സ ഭാഗത്തുനിന്ന് പാകിസ്ഥാനിലെ പഞ്ചാബ് പ്രവിശ്യയിലേക്കായിരുന്നു മിസൈല് പറന്നുയര്ന്നത്. വൈകുന്നേരം ആറരയോടെ പാക്സ്ഥാനിലെ പഞ്ചാബിലുള്ള ഖനെവാള് ജില്ലയിലെ മിയാന് ചന്നു എന്ന പ്രദേശത്ത് മിസൈല് പതിച്ചതായി പാക് സൈന്യം വ്യക്തമാക്കിയിരുന്നു. മിസൈല് പതിച്ചത് ആളൊഴിഞ്ഞ സ്ഥലത്തായതിനാല് ജീവഹാനി സംഭവിച്ചില്ലെങ്കിലും നിരവധി നാശനഷ്ടങ്ങളുണ്ടായതായി പാകിസ്ഥാന് ആരോപിച്ചിരുന്നു.
സാങ്കേതിക തകരാര് കാരണം മിസൈല് തനിയെ ലോഞ്ച് ആകുകയായിരുന്നെന്നാണ് ഇത് സംബന്ധിച്ച് ഇന്ത്യ നല്കിയ ഔദ്യോഗിക വിശദീകരണം. സംഭവം സ്ഥിരീകരിച്ച ഇന്ത്യയുടെ പ്രതിരോധ മന്ത്രാലയം അറിയാത്ത സംഭവിച്ച തെറ്റാണെന്നും സംഭവത്തില് ഖേദം രേഖപ്പെട്ടുത്തുന്നതായും വ്യക്തമാക്കി പ്രസ്താവനയും പുറപ്പെടുവിച്ചിരുന്നു.
ഒരുപക്ഷേ മിസൈല് അബദ്ധത്തില് ലോഞ്ച് ആയതാകാന് വഴിയില്ലെന്നും ഇന്ത്യ ചില കാര്യങ്ങള് അറിയുന്നതിനും ചില വിവരങ്ങള് സ്ഥിരീകരിക്കുന്നതിനും വേണ്ടി നടത്തിയ പരീക്ഷണമായിരിക്കാനും സാദ്ധ്യതയുണ്ടെന്നും ചില ചര്ച്ചകള് സമൂഹമാദ്ധ്യമങ്ങളില് നടക്കുന്നുണ്ട്. ഇവരുടെ നിരീക്ഷണം അനുസരിച്ച് മിസൈല് വിക്ഷേപണത്തിലൂടെ ഇന്ത്യ കൈവരിച്ചത് മൂന്ന് പ്രധാന നേട്ടങ്ങളാണ്.
ഒന്നാമതായി പാകിസ്ഥാനുമായി നിലനില്ക്കുന്ന ബന്ധം കൂടുതല് വഷളാകാതെ തന്നെ ബ്രഹ്മോസ് എന്ന ഇന്ത്യയുടെ ക്രൂയിസ് മിസൈല് ശത്രുരാജ്യത്തിന്റെ മണ്ണില് വിക്ഷേപിച്ചു. ഇത്തരമൊരു മിസൈല് ആക്രമണം നടത്തിയാല് പാകിസ്ഥാന് അതിനോട് ഏത് രീതിയില് പ്രതികരിക്കുമെന്നും അവരുടെ ഡിഫന്സ് സിസ്റ്റത്തെകുറിച്ച് മനസിലാക്കാനും ഇന്ത്യയ്ക്ക് സാധിച്ചു.
രണ്ടാമതായി പാകിസ്ഥാന്റെ അതിര്ത്തികളിലും മറ്റുമായി സ്ഥാപിച്ചിട്ടുള്ള റഡാറുകളുടെ കൃത്യതയും ഇന്ത്യയില് നിന്നുള്ള മിസൈലുകളെ അവ കണ്ടുപിടിക്കുമോ എന്ന് മനസിലാക്കാനും ഇന്ത്യയുടെ പ്രതിരോധ വിഭാഗത്തിന് സാധിച്ചു. ഇന്ത്യയില് നിന്നുള്ള മിസൈല് പാകിസ്ഥാനിലെ ഒരു റഡാറും കണ്ടെത്തിയിരുന്നില്ല. മിസൈല് പതിച്ചതിന് ശേഷം മാത്രമാണ് പാകിസ്ഥാന് സൈന്യം പോലും ഇക്കാര്യം അറിയുന്നത്.
മൂന്നാമതും ഏറ്റവും പ്രധാനമായതുമായ കാര്യം പാകിസ്ഥാനിലെ എയര് ഡിഫന്സ് സിസ്റ്റത്തിന്റെ പരിമിതികള് എന്തൊക്കെയെന്ന് മനസിലാക്കാനും സാധിച്ചു. ഇത് ഇന്ത്യയ്ക്ക് ഒരു വെടിക്ക് രണ്ട് പക്ഷികളെ കിട്ടുന്നതിന് തുല്ല്യമാണ്. കാരണം പാകിസ്ഥാനില് വിന്യസിച്ചിട്ടുള്ള എയര് ഡിഫന്സ് സിസ്റ്റമായ എച്ച് ക്യു 9 ചൈന പാകിസ്ഥാന് നല്കിയതാണ്. ചൈനയിലും ഇതേ ഡിഫന്സ് സിസ്റ്റമാണ് ഉപയോഗിക്കുന്നതും. എച്ച ക്യൂ 9ന്റെ അടുത്തുകൂടെ പോയിട്ടും ഇന്ത്യയുടെ മിസൈല് അതിന് നശിപ്പിക്കാന് സാധിച്ചില്ലെന്നത് ഇന്ത്യയെ സംബന്ധിച്ച് മേല്ക്കൈ നല്കുന്ന കാര്യമാണ്.
https://www.facebook.com/Malayalivartha
