റഷ്യ യുക്രെയ്ന്‍ യുദ്ധം ഇരുപതാം ദിവസത്തിലേക്ക് കടക്കുമ്പോഴും റഷ്യന്‍ ആക്രമണം ശമനമില്ലാതെ തുടരുന്നതിനിടെ നാറ്റോയില്‍ തങ്ങള്‍ അംഗമാവില്ലെന്ന് യു്രൈകന്‍ പ്രസിഡന്റ് വൊളോഡിമര്‍ സെലെന്‍സ്‌കി അറിയിച്ചു.

സൈനിക മേധാവികളുടെ യോഗത്തിലാണ് സെലെന്‍സ്‌കി നിലപാട് വ്യക്തമാക്കിയത്. യുക്രെയ്ന്‍ നാറ്റോയില്‍ അംഗമാകരുതെന്നായിരുന്നു റഷ്യയുടെ പ്രധാന ആവശ്യം.
യുദ്ധം അവസാനിപ്പിക്കാനായി റഷ്യ യുക്രെയിന്‍ നാലംവട്ട ചര്‍ച്ച പുരോഗമിക്കുന്നതിനിടെയാണ് സെലന്‍സ്‌കിയുടെ നിര്‍ണായക പ്രസ്താവന വന്നിരിക്കുന്നത്.
യുക്രെയിന്‍ നാറ്റോ അംഗമല്ല. നമ്മളത് മനസ്സിലാക്കണം. വാതിലുകള്‍ തുറന്നിട്ടുണ്ടെന്ന് നമ്മള്‍ വര്‍ഷങ്ങളായി കേള്‍ക്കുന്നു. പക്ഷേ ചേരാന്‍ പറ്റില്ലെന്നും നമ്മള്‍ കേട്ടു.അതൊരു സത്യമാണ്, തിരിച്ചറിയപ്പെടേണ്ടതാണ്.'സെലന്‍സ്‌കി പറഞ്ഞു.

യുദ്ധത്തിന് മുന്‍പും തുടങ്ങിയതിന് ശേഷവും നാറ്റോയില്‍ ചേരണമെന്ന ആവശ്യം സെലന്‍സ്‌കി ശക്തമാക്കിയിരുന്നു. ഇതിനായി അപേക്ഷയും നല്‍കി. റഷ്യന്‍ ആക്രമണത്തില്‍ നാറ്റോ ഇടപെടണമെന്നും അദ്ദേഹം ആവശ്യപ്പെട്ടിരുന്നു. എന്നാല്‍ സഖ്യമെന്ന നിലയില്‍ യുദ്ധത്തില്‍ നേരിട്ട് പങ്കെടുക്കാനില്ലെന്നായിരുന്നു നാറ്റോയുടെ നിലപാട്.



യുക്രെയി ഒരിക്കലും നാറ്റോയുടെ ഭാഗമായിരുന്നില്ലെന്നും അങ്ങനെ ആകാന്‍ കഴിയില്ലെന്നും വ്യക്തമാക്കി യുക്രെയിന്‍ പ്രസിഡണ്ട് വൊളോഡിമിര്‍ സെലെന്‍സ്‌കി. യുക്രെയിന്‍ നാറ്റോ സഖ്യത്തിലെ അംഗമല്ല, വാതിലുകള്‍ മലര്‍ത്തി തുറന്നിട്ടിരിക്കുകയാണെന്ന് വര്‍ഷങ്ങളായി കേള്‍ക്കുന്നുണ്ടെങ്കിലും അതില്‍ ചേരാനാകില്ല. യുക്രെയിന്‍ അംഗീകരിക്കേണ്ട ഒരു യാഥാര്‍ത്ഥ്യമാണിത് എന്നായിരുന്നു സെലെന്‍സ്‌കി പറഞ്ഞത്. കൃത്യമായ ഒരു ഉറപ്പൊന്നും നല്‍കുന്നില്ലെങ്കിലും ഈ പ്രസ്താവന റഷ്യന്‍ യുക്രെയിന്‍ സമാധാന ചര്‍ച്ചകള്‍ക്ക് പുതുജീവന്‍ വെപ്പിക്കും എന്നൊരു ധാരണ പരന്നിട്ടുണ്ട്.

യുക്രെയിന്‍ അധിനിവേശം ആരംഭിക്കുന്നതിനു മുന്‍പ് തന്നെ റഷ്യ തുടര്‍ച്ചയായി ആവശ്യപ്പെട്ടിരുന്ന കാര്യമാണ് യുക്രെയിന്‍ നാറ്റോ സഖ്യത്തില്‍ അംഗമാകരുത് എന്നത്. യുക്രെയിനും അമേരിക്കയും നാറ്റോയും ഈ വിളികള്‍ക്ക് ചെവികൊടുക്കാതെ വന്നപ്പോഴായിരുന്നു പുടിന്‍ ആക്രമണം ആരംഭിച്ചത്. എന്നാല്‍, യുദ്ധം നീണ്ടതാടെ റഷ്യ അവരുടെ നിലപാടില്‍ അല്പം മയം വരുത്തിയിരുന്നു.

യുക്രെയിന്‍ നിഷ്പക്ഷത പാലിക്കണമെന്നതും ക്രീമിയയെ റഷ്യയുടെ ഭാഗമായി അംഗീകരിക്കണം എന്നതുമായിരുന്നു അത്. അതുപോലെ, റഷ്യന്‍ പിന്തുണയുള്ള വിമതര്‍ക്ക് പ്രാമുഖ്യമുള്ള ഡോണ്‍ബാസ്സ് മേഖലയെ സ്വതന്ത്ര രാഷ്ട്രമായി അംഗീകരിക്കണം എന്നും റഷ്യ ആവശ്യപ്പെടുന്നു

എന്നാല്‍, യുക്രെയിന്‍ ആവശ്യപ്പെടുന്നത് ഉടനടിയുള്ള വെടിനിര്‍ത്തലാണ്. കഴിഞ്ഞയാഴ്ച്ച നടന്ന ചര്‍ച്ചകളിലൊന്നും റഷ്യ നാറ്റോ വിഷയം പ്രതിപാദിച്ചിരുന്നില്ല. അതിനിടയില്‍ യുക്രെയിനു മേല്‍ നോഫ്‌ളയിങ് സോണ്‍ പ്രഖ്യാപിക്കണമെന്ന് സെലെന്‍സ്‌കി വീണ്ടും പാശ്ചാത്യ സഖ്യത്തോട് ആവശ്യപ്പെട്ടു. കനേഡിയന്‍ പാര്‍ലമെന്റിനെ അഭിസംബോധന ചെയ്തുകൊണ്ട് വീഡിയോ കോണ്‍ഫറാന്‍സ് വഴി സംസാരിക്കുമ്പോഴായിരുന്നു ഈ ആവശ്യം അദ്ദേഹം വീണ്ടും ഉപയോഗിച്ചത്.