ആ മാരകകാരിയെ, ലോകത്തെ മുഴുവന്‍ വിഴുങ്ങാനിറങ്ങിയ കൊറോണ വൈറസിലൂടെ ചൈന  വീണ്ടും ലോകത്തെ പേടിപ്പിക്കുകയാണ്.  
ചൈന തുറന്നുവിടുകയാണോ. ലോകം ആശങ്കയില്‍ ആണ്. ചൈനയില്‍ പല നഗരങ്ങളും അടച്ചുപൂട്ടുമ്പോള്‍ നെഞ്ച് കത്തുന്നത് ലോകനഗരങ്ങള്‍ക്കാണ്. കാരണം മാരകവൈറസ് പലയിടത്തും വീണ്ടും ശക്തി പ്രാപിക്കുകയാണ്. ഏതായാലും ചൈനയില്‍ കൊവിഡ് വ്യാപനം രൂക്ഷമാവുകയാണ്.

പതിമൂന്ന് നഗരങ്ങള്‍ ലോക്ക്ഡൗണിലേക്ക് നീങ്ങുകയാണ്. രണ്ട് വര്‍ഷത്തിനിടെ ചൈനയിലെ ഏറ്റവും ഉയര്‍ന്ന കൊവിഡ് പ്രതിദിന കണക്കാണ് കഴിഞ്ഞ ദിവസം രേഖപ്പെടുത്തിയത്. മൂവായിരത്തിലധികം പേര്‍ക്കാണ് വൈറസ് ബാധ സ്ഥിരീകരിച്ചത്.2019 ഡിസംബറില്‍ ചൈനയിലെ വുഹാനിലായിരുന്നു അദ്യ കൊവിഡ് കേസ് റിപ്പോര്‍ട്ട് ചെയ്തത്. 2020 ഏപ്രില്‍ ആയപ്പോഴേക്കും രാജ്യത്ത് 85,000ത്തോളം പേര്‍ക്ക് രോഗം സ്ഥിരീകരിച്ചു. അതിനുശേഷം രോഗികളുടെ എണ്ണത്തില്‍ കുറവുണ്ടായി.എന്നാല്‍ കഴിഞ്ഞ മൂന്നാഴ്ചയ്ക്കുള്ളില്‍ രോഗവ്യാപനം വീണ്ടും രൂക്ഷമായി. ഫെബ്രുവരി 18 മുതല്‍ പ്രതിദിന കേസുകള്‍ മൂന്നക്കം കടന്നു. കഴിഞ്ഞ പത്ത് ദിവസങ്ങളായി രാജ്യത്ത് പ്രതിദിനം ശരാശരി 700 പുതിയ കേസുകള്‍ റിപ്പോര്‍ട്ട് ചെയ്തു. എന്നിരുന്നാലും മരണസംഖ്യയില്‍ വര്‍ദ്ധനവുണ്ടായിട്ടില്ല.ചൈനയില്‍ ഡെല്‍റ്റ, ഒമിക്രോണ്‍ വകഭേദങ്ങളാണ് വ്യാപിക്കുന്നത്. പുതിയ വകഭേദങ്ങള്‍ ഉടലെടുക്കുമോ എന്ന ആശങ്ക ഗവേഷകര്‍ക്കിടെയിലുണ്ട്. കൊവിഡിന്റെ നാലാം തരംഗമാണോയിതെന്നും ആശങ്കയുണ്ട്. വുഹാനിലെ ആദ്യവ്യാപനത്തിനു ശേഷം ചൈനയില്‍ വീണ്ടും കോവിഡ് പിടിമുറുക്കുമ്പോള്‍ ലോകവും മുള്‍മുനയിലാണ്. കേസുകള്‍ വര്‍ധിച്ചതിനെത്തുടര്‍ന്ന് ഹോങ്കോങ് അതിര്‍ത്തിയിലുള്ള ഐടി വ്യവസായ നഗരമായ ഷെന്‍സെനില്‍ ലോക്ഡൗണ്‍ പ്രഖ്യാപിച്ചു. 1.7 കോടി ജനസംഖ്യയുള്ള നഗരമാണിത്. വ്യപാരസ്ഥാപനങ്ങളും ഫാക്ടറികളും അടച്ചുപൂട്ടിയും ബസ്, ട്രെയിന്‍ ഗതാഗതം നിര്‍ത്തിവച്ചും ശക്തമായ ലോക്ഡൗണ്‍ ആണ് പ്രഖ്യാപിച്ചിരിക്കുന്നത്.  നഗരത്തിലെ ഐഫോണ്‍ നിര്‍മാണ പ്ലാന്റ് പ്രവര്‍ത്തനം നിര്‍ത്തി. ഹോങ്കോങ് അതിര്‍ത്തി അടച്ചു. നഗരത്തിലെ ഓരോരുത്തരും 3 വട്ടം പരിശോധനയ്ക്കു വിധേയമാകണം. ഈ പരിശോധനയ്ക്കു വേണ്ടി മാത്രമേ വീട്ടില്‍ നിന്നു പുറത്തിറങ്ങാന്‍ അനുമതിയുള്ളൂ. ഷാങ്ഹായ്, ചാങ്ചുന്‍ നഗരങ്ങളിലും ഭാഗിക ലോക്ഡൗണ്‍ ഉണ്ട്. വിവിധ പ്രവിശ്യകളില്‍ പടരുന്നത് ഒമിക്രോണിന്റെ ബിഎ.2 വകഭേദമാണെന്നാണ് റിപ്പോര്‍ട്ട്. ദക്ഷിണ കൊറിയയില്‍ തിങ്കളാഴ്ച 3,09,790 പേര്‍ക്കാണ് കോവിഡ് സ്ഥിരീകരിച്ചത്.

തുടര്‍ച്ചയായ മൂന്നാം ദിവസമാണ് 3 ലക്ഷത്തില്‍ അധികം കേസുകള്‍ റിപ്പോര്‍ട്ട് ചെയ്യുന്നത്. ഇപ്പോഴത്തെ വ്യാപനത്തിനു കാരണം ഒമിക്രോണ്‍ വകഭേദമാണെന്നാണു വിലയിരുത്തല്‍. യുകെയിലും യൂറോപ്പിലെ നെതര്‍ലന്‍ഡ്സ്, ജര്‍മനി, സ്വീഡന്‍, സ്വിറ്റ്സര്‍ലന്‍ഡ്, ഇറ്റലി എന്നിവിടങ്ങളിലും കേസുകള്‍ കഴിഞ്ഞ ഒരാഴ്ചയായി കൂടുകയാണ്. യുകെ, നെതര്‍ലന്‍ഡ്സ്, അയര്‍ലന്‍ഡ് എന്നിവിടങ്ങളില്‍ കോവിഡ് ബാധിതര്‍ക്കൊപ്പം ആശുപത്രിയിലാകുന്നവരുടെ എണ്ണവും വര്‍ധിക്കുന്നു.