ശ്രീലങ്കയില് വന് വിലക്കയറ്റം.... അവശ്യവസ്തുക്കളുടെ വില കുത്തനെ ഉയര്ന്നു, ഒരു കിലോ അരിയ്ക്ക് 448 ലങ്കന് രൂപ, ഒരു ലിറ്റര് പാലിന് 263 രൂപ, ദിവസം ഏഴര മണിക്കൂര് സമയത്തെ പവര്കട്ട്, ജനം തെരുവിലിറങ്ങി പ്രതിഷേധിക്കുന്നു...
വിലക്കയറ്റം രൂക്ഷമായതില് പ്രതിഷേധിച്ച് ശ്രീലങ്കയില് ജനം തെരുവിലിറങ്ങി. അവശ്യവസ്തുക്കള് ഇറക്കുമതി ചെയ്യാന് കഴിയാതെ ക്ഷാമം രൂക്ഷമായിരുന്നു. പ്രതിസന്ധിക്ക് പരിഹാരം കാണാന് ശ്രീലങ്കന് രൂപയുടെ മൂല്യം സര്ക്കാര് 36 ശതമാനം കുറച്ചിരുന്നു.
ഇതോടെ അവശ്യവസ്തുക്കളുടെ വില കുത്തനേ ഉയര്ന്നു. അരി ഒരു കിലോയ്ക്ക് 448 ലങ്കന് രൂപയായി. ഒരു ലിറ്റര് പാലിന് 263 രൂപ നല്കണം. പെട്രോളിന് ലിറ്ററിന് 283 രൂപയും. പെട്രോളിനും ഡീസലിനും 40 ശതമാനം വിലകൂടി.
ഇതോടെ, ജനം പ്രസിഡന്റ് ഗോട്ടോഭയ രാജപക്സെ രാജിവയ്ക്കണമെന്ന് ആവശ്യപ്പെട്ട തെരുവിലിറങ്ങി. ശ്രീലങ്കന് തലസ്ഥാനമായ കൊളംബോയിലാണ് പ്രസിഡന്റിനെതിരെ പ്രതിഷേധം രൂക്ഷമായത്. പ്രതിപക്ഷപാര്ട്ടിയായ യുണൈറ്റഡ് പീപ്പിള്സ് ഫോഴ്സിന്റെ നേതൃത്വത്തിലാണ് പ്രതിഷേധക്കാര് അണിനിരന്നത്.
പെട്രോള് വാങ്ങാന് ജനം മണിക്കൂറുകള് കാത്ത്കിടക്കുകയാണ്. ഗതാഗത സംവിധാനവും താറുമാറായ സ്ഥിതിയിലാണ്. പ്രവര്ത്തന മൂലധനമില്ലാത്തതിനാല് വൈദ്യുതനിലയങ്ങളും അടച്ചു. ഇതോടെ ദിവസം ഏഴര മണിക്കൂര് സമയത്തെ പവര്കട്ടാണ് ഏര്പ്പെടുത്തിയത്.
ധനമന്ത്രി ബേസില് രാജപക്സ ഡല്ഹിയിലെത്തി പ്രധാനമന്ത്രി നരേന്ദ്രമോദിയെ കണ്ടിരുന്നു. ഈ വര്ഷം ഇത് വരെ 140 കോടി ഡോളര് സഹായമാണ് ഇന്ത്യ ശ്രീലങ്കയ്ക്ക് നല്കിയത്.
"
https://www.facebook.com/Malayalivartha
