നാറ്റോ രാജ്യങ്ങളില് റഷ്യയുടെ പ്രതികാരം വന് അപകട മുന്നറിയിപ്പുമായി ജോ ബൈഡന്
നാറ്റോ രാജ്യങ്ങളായ പോളണ്ടിലേക്കും ബള്ഗേറിയയിലേക്കും ഉള്ള പ്രകൃതി വാതക വിതരണം റഷ്യ നിര്ത്തിവച്ചതില് പ്രതികരണവുമായി യുഎസ്. 'ഉപരോധത്തില് നിന്ന് പുറത്തുകടക്കാന് റഷ്യ നടത്തുന്ന ഭീഷണിപ്പെടുത്തലും ബ്ലാക്ക് മെയിലിങ്ങും അനുവദിക്കില്ല.' എന്നാണ് യുഎസ് പ്രസിഡന്റ് ജോ ബൈഡന്റെ മുന്നറിയിപ്പ്.
ബുധനാഴ്ചയായിരുന്നു പോളണ്ടിനും ബള്ഗേറിയയ്ക്കും പ്രകൃതി വാതകം വിതരണം ചെയ്യില്ല എന്ന് റഷ്യയുടെ സംസ്ഥാന നിയന്ത്രണത്തിലുള്ള ഊര്ജ്ജ കമ്പനി അറിയിച്ചത്. സാഹചര്യം അനുസരിച്ച് ഈ നടപടി മറ്റ് രാജ്യങ്ങളിലേക്ക് വ്യാപിപ്പിക്കും എന്നും റഷ്യ പറഞ്ഞു. വാതക വില റൂബിളില് നല്കണം എന്ന ആവശ്യം അം ഗീകരിക്കാത്തതിനെ തുടര്ന്നാണ് ബള്ഗേറിയക്കും പോളണ്ടിനും എതിരെ റഷ്യ നടപടി എടുത്തത് എന്നാണ് വിലയിരുത്തല്. ബള് ഗേറിയക്ക് വേണ്ട പ്രകൃതി വാതകത്തിന്റെ 90 ശതമാനവും പോളണ്ടിലേതിലെ 50 ശതമാനവും വിതരണം ചെയ്തിരുന്നത് റഷ്യ ആയിരുന്നു.
'കഴിഞ്ഞ ദിവസം റഷ്യ ഞങ്ങളുടെ രണ്ട് സഖ്യകക്ഷികളുടെ ഊര്ജ വിതരണം നിര്ത്തലാക്കുമെന്ന് ഭീഷണിപ്പെടുത്തി. ഞാന് വ്യക്തമായി പറയട്ടെ. അവരുടെ ആക്രമണത്തിന്റെ അനന്തരഫലങ്ങള് ഒഴിവാക്കാന് അവരുടെ എണ്ണ ഉപയോഗിക്കാന് ഞങ്ങള് അവരെ അനുവദിക്കില്ല,' ജോ ബൈഡന് ഒരു ട്വീറ്റില് പറഞ്ഞു. 'ഗ്യാസ് ബ്ലാക്ക് മെയിലിംഗിലൂടെ റഷ്യ ഭീഷണിപ്പെടുത്തുന്ന ഞങ്ങളുടെ യൂറോപ്യന് സഖ്യകക്ഷികളെ മറ്റ് വഴികളിലൂടെ അവരുടെ ഊര്ജ്ജ ആവശ്യങ്ങള് നിറവേറ്റാന് ഞങ്ങള് സഹായിക്കും ആക്രമണം ജയിക്കില്ല, ഭീഷണികള് ജയിക്കില്ല.' ബൈഡന് കൂട്ടിച്ചേര്ത്തു.
നേരത്തെ റഷ്യക്കെതിരെ ഉപരോധം നടപ്പിലാക്കിയ രാജ്യങ്ങളില് ഒന്നുകൂടിയായിരുന്നു പോളണ്ട്. പുതിയ ലിബറല് ഗവണ്മെന്റിന് കീഴിലുള്ള ബള്ഗേറിയ ആകട്ടെ റഷ്യയുമായുള്ള പഴയ ബന്ധങ്ങളില് പലതും വിച്ഛേദിക്കുകയും യുദ്ധത്തില് റഷ്യക്കെതിരായ ശിക്ഷാ നടപടികളെ പിന്തുണയ്ക്കുകയും ചെയ്തിരുന്നു. ബള്ഗേറിയയുടെ കരിങ്കടല് തീരത്തെ ഒരു പുതിയ നാറ്റോ ഔട്ട്പോസ്റ്റില് പാശ്ചാത്യ യുദ്ധവിമാനങ്ങള് സ്ഥാപിക്കാനും ബള്ഗേറിയ സഹായം നല്കിയിരുന്നു.
എന്നാല് ഗ്യാസ് വെട്ടിക്കുറച്ച നടപടി ഇരു രാജ്യങ്ങളെയും പെട്ടെന്ന് ഒരു വലിയ പ്രശ്നത്തിലേക്ക് നയിച്ചേക്കില്ല എന്നാണ് നിലവിലെ സാഹചര്യങ്ങള് സൂചിപ്പിക്കുന്നത്. അതേ സമയം യുക്രൈനെതിരായ യുദ്ധം രണ്ടാം മാസത്തിലേക്ക് കടക്കുമ്പോള് ഇറാനെയും ഉത്തരകൊറിയയെയും മറികടന്ന.് ലോകത്തിലെ ഏറ്റവും കൂടുതല് ഉപരോധമുള്ള രാജ്യമായി റഷ്യ മാറി. 60 ദിവസത്തിലേറെയായി ഉക്രെയ്നില് റഷ്യന് ആക്രമണം തുടരുകയാണ്. ഫെബ്രുവരി 24 ന് ആണ് റഷ്യ യുക്രൈയ്നെതിരെ യുദ്ധം പ്രഖ്യാപിച്ചിച്ചത്.
https://www.facebook.com/Malayalivartha
