റഷ്യന് ബുദ്ധി കേന്ദ്രങ്ങളെ തകര്ത്തത് ബൈഡന്റെ മാസ്റ്റര് പ്ലാന്; അമേരിക്കയ്ക്ക് കുറിവച്ച് റഷ്യ; പുതിയ വെല്ലുവിളിയുമായി പുടിന്
09 MAY 2022 10:05 PM IST
മലയാളി വാര്ത്ത
റഷ്യയുടെ സ്റ്റേറ്റ് ഡ്യൂമ ചെയര്മാനായ വയചെസ്ലാവ് വൊളോഡിന് ആണ് യുഎസ് പ്രസിഡന്റ് ജോ ബൈഡനെ താക്കീത് ചെയ്തിരിക്കുന്നത്. ഞായറാഴ്ച ഒരു ടെലഗ്രാം പോസ്റ്റിലാണ് ഇദ്ദേഹം മൂന്നാം ലോകമഹായുദ്ധമെന്ന വെല്ലുവിളി ജോ ബൈഡനെതിരെ ഉയര്ത്തിയിരിക്കുന്നത്. റഷ്യന് സമ്പദ്ഘടനയെ തകര്ക്കാനും ദുര്ബ്ബലമാക്കാനുമാണ് ഇത്തരം വ്യാപകമായ ഉപരോധം ഏര്പ്പെടുത്തിയിരിക്കുന്നത്. യുദ്ധകുറ്റവാളിയായി മുദ്രകുത്തി വ്ളാഡിമിര് പുടിനെ സ്ഥാനഭ്രഷ്ടനാക്കാനാണ് അമേരിക്കയുടെ ലക്ഷ്യം.
ജനാധിപത്യ തത്വങ്ങളും സദാചാരവും വഹിക്കുന്നുവെന്ന് അവകാശപ്പെടുന്ന അമേരിക്ക ഒരിക്കലും ഇങ്ങിനെ അവകാശപ്പെടാന് പാടില്ലെന്നും വൊളോഡിന് പറഞ്ഞു. 'റഷ്യയുടെ മേധാവിയെക്കുറിച്ച് ഇത്തരം അപവാദങ്ങള് പറഞ്ഞാല് അനുവദിക്കാന് സാധിക്കില്ല. റഷ്യന് പൗരന്മാരെയാണ് ഇദ്ദേഹം കളിയാക്കിയത്' വൊളോഡിന് പറഞ്ഞു.
'യൂറോപ്പിന്റെ കിഴക്കന് ഭാഗത്തേക്ക് സാമ്രാജ്യം വികസിപ്പിക്കില്ലെന്ന വാഗ്ദാനം ലംഘിച്ചാണ് നാറ്റോ തങ്ങളുടെ സാമ്രാജ്യം ഉക്രൈനെ കൂട്ടിച്ചേര്ത്ത് വികസിപ്പിച്ചത്. ഇതാണ് റഷ്യയുടെ തിരിച്ചടിക്ക് കാരണമായത്. ഇത്തരം പ്രശ്നങ്ങള് പരിഹരിച്ചില്ലെങ്കില് ലോകമാകെ ഒരു വലിയ യുദ്ധത്തെ നേരിട്ടേ മതിയാവൂ' വൊളോഡിന് താക്കീത് ചെയ്തു. മിന്സ്ക് കരാര് എട്ടുവര്ഷമായി ഉക്രൈന് നടപ്പാക്കാന് വിസമ്മതിച്ചു. ആഗോള സുരക്ഷ പ്രശ്നങ്ങളില് റഷ്യയുടെ നിര്ദേശങ്ങള് അമേരിക്കയ്ക്കും നേറ്റോയ്ക്കും സ്വീകാര്യമായിരുന്നില്ല. യൂറോപ്പില് ഒരുയുദ്ധം ഒഴിവാക്കാന് ഇതേ വഴിയുണള്ളൂ. ' വൊളോഡിന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
