തായ്വാനില്‍ യുദ്ധം ഉടനുണ്ടാകും എന്നാണ് യുദ്ധ വിഗ്ദര്‍ അടിവരെയിട്ടു പറയുന്നത്. ഇത്രയും നാള്‍ അമേരിക്കയെ ഭയന്നാണ് ചൈന തായ്വാനെ ആക്രമിക്കാത്തത് എങ്കില്‍ ഇപ്പോള്‍ അമേരിക്കയെ നേരിട്ട് ചൈന തന്നെ വെല്ലു വിളിച്ചിരിക്കുകയാണ്. ഇതു തന്നെയാണ് യുദ്ധ സാധ്യത വര്‍ദ്ധിപ്പിക്കുന്നത്.

അമേരിക്കയ്ക്ക് ശക്തമായ മുന്നറിയിപ്പാണ് ചൈന നല്‍കുന്നത്. തായ്‌വാനെ ആക്രമിക്കുന്നതിന് തടസ്സം നില്‍ക്കുന്ന സാഹചര്യത്തിലാണ് ചൈനയുടെ അമേരിക്കയ്ക്കുള്ള ഈ മുന്നറിയിപ്പ്. 'തായ് വാനില്‍ തീ കൊണ്ട് കളിക്കരുത്, തീ കൊണ്ട് കളിക്കുന്നവര്‍ ഒടുവില്‍ ചുട്ടെരിക്കപ്പെടുമെന്നാണ്' ചൈനീസ് പ്രസിഡന്റ് ഷി ജിന്‍പിങ് അമേരിക്കന്‍ പ്രസിഡന്റ് ജോ ബൈഡനു നല്‍കിയ മുന്നറിയിപ്പ്. ഇരുവരുടെയും ഫോണ്‍ സംഭാഷണത്തിനിടെയായിരുന്നു മുന്നറിയിപ്പെന്നാണ് വിവരം. തായ്‌വാനില്‍ തീ കൊണ്ട് കളിക്കരുത്,തീ കൊണ്ട് കളിക്കുന്നവര്‍ ഒടുവില്‍ ചുട്ടെരിക്കപ്പെടും. യുഎസ് അത് പൂര്‍ണ്ണമായും മനസിലാക്കുമെന്ന് ഞാന്‍ പ്രതീക്ഷിക്കുന്നു എന്നായിരുന്നു ഷീ ജിന്‍പിങ്ങിന്റെ ഭീഷണി.

തായ്‌വാന്‍ വിഷയത്തില്‍ ചൈനീസ് സര്‍ക്കാരിന്റെയും ജനങ്ങളുടെയും നിലപാട് സ്ഥിരതയുള്ളതാണ്. ചൈനയുടെ ദേശീയപരമാധികാരവും പ്രാദേശിക അഖണ്ഡതയും ദൃഢമായി സംരക്ഷിക്കുക എന്നത്, 1.4 ബില്യണിലധികം വരുന്ന ചൈനീസ് ജനതയുടെ ഉറച്ച ആഗ്രഹമാണെന്ന് ഷീ ജിന്‍പിങ് പറഞ്ഞു.

ഡെമോക്രാറ്റിക് പാര്‍ട്ടിയുടെ സഖ്യകക്ഷിയും ജനപ്രതിനിധി സഭയുടെ സ്പീക്കറുമായ നാന്‍സി പെലോസിയുടെ തായ്വാന്‍ സന്ദര്‍ശനമാണ് പ്രശ്‌നങ്ങള്‍ക്ക് കാരണമായതെന്നാണ് വിവരം. തായ്‌വാനില്‍ യുഎസ് ഉദ്യോഗസ്ഥര്‍ പതിവായി സന്ദര്‍ശനം നടത്തുണ്ടെങ്കിലും നാന്‍സി പെലോസിയുടെ യാത്രയെ ചൈന വലിയ പ്രകോപനമായാണ് കണക്കാക്കുന്നത്.