ഖേഴ്സണ്, സെപറോഷിയ, ഡോണ്സ്റ്റീക്, ലുഹാന്സ്ക് മേഖലകളെ റഷ്യയുടെ ഭാഗമായി പ്രഖ്യാപിച്ച് റഷ്യ; ഇവിടങ്ങളിലെ ആക്രമണം റഷ്യയെ ആക്രമിച്ചതായി കണക്കാക്കും
റഷ്യന് സ്വാധീന മേഖലകളെ ഫെഡറേഷന്റെ ഭാഗമാക്കി; റഫറണ്ടം പ്രകാരം യുക്രെയ്നിലെ ഖേഴ്സണ്, സെപറോഷിയ, ഡോണ്സ്റ്റീക്, ലുഹാന്സ്ക് മേഖലകളെ ഔദ്യോഗികമായി കൂട്ടിച്ചേര്ത്തെന്ന് റഷ്യ
റഷ്യായുക്രെയ്ന് പോരാട്ടം തുടരുന്നതിനിടെ സ്വാധീന മേഖലകള് ഫെഡറേഷന്റെ ഭാഗമാണെന്ന് ഔദ്യോഗിക പ്രഖ്യാപനം നടത്തി റഷ്യ. റഷ്യന് പിന്തുണയുള്ള പ്രവിശ്യകളിലെ ഭരണകൂടങ്ങള് ഇനി മുതല് ക്രംലിന്റെ തീരുമാനങ്ങളനുസരിച്ച് പ്രവര്ത്തിക്കുമെന്നും റഷ്യന് ഭരണകൂടം പ്രഖ്യാപിച്ചു.
യുക്രെയ്നെതിരെ ആക്രമണം ആരംഭിക്കും മുന്നേ അനുകൂല ഭരണകൂട സംവിധാനം ഒരുക്കിയ മേഖലകളിലാണ് റഷ്യ റഫറണ്ടം നടത്തിയത്. ഡോണ്സ്റ്റീക്, ലുഹാന്സ്ക് മേഖലകളും പുതുതായി ആക്രമിച്ച് കയറിയ ഖേഴ്സണും സെപറോഷിയയും അടക്കം റഷ്യന് ഫെഡറേഷന്റെ ഭാഗമാണെന്നാണ് അറിയിപ്പ്.
റഷ്യയുടെ ഏകപക്ഷീയമായ ഒരു തീരുമാനവും പടിഞ്ഞാറന് യൂറോപ്യന് രാജ്യങ്ങളോ തങ്ങളോ അംഗീകരിക്കില്ലെന്ന് അമേരിക്കന് സ്റ്റേറ്റ് സെക്രട്ടറി ആന്റണി ബ്ലിങ്കന് അറി യിച്ചു. അന്താരാഷ്ട്ര നിയമങ്ങളുടെ നഗ്നമായ ലംഘനമാണ് പുടിന് നടത്തുന്നതെന്ന് നാറ്റോ ജനറല് സെക്രട്ടറി ജെന്സ് സ്റ്റോള്ട്ടന്ബര്ഗും വിമര്ശിച്ചു.
റഷ്യയ്ക്ക് നേരെ കൂടുതല് അന്താരാഷ്ട്ര ഉപരോധം വേണമെന്ന ആവശ്യമാണ് അമേരിക്കയും ഫ്രാന്സും അടക്കമുള്ള രാജ്യങ്ങള് ഐക്യരാഷ്ട്ര പൊതു സഭയില് വച്ചിട്ടുള്ളത്. ചൈനയും റഷ്യയും വീറ്റോപവര് ഉപയോഗിച്ചാണ് സഭയിലെ പ്രമേയത്തെ എതിര്ക്കുന്നത്. റഷ്യ നടത്തിയ റഫറണ്ടവുമായി ബന്ധപ്പെട്ട മേഖലയിലെ വിഷയങ്ങള് ഇന്നലെ ഐക്യരാഷ്ട്രസഭ ചര്ച്ച ചെയ്തതിന് പിന്നാലെയാണ് റഷ്യ റഫറണ്ടം നടപ്പാക്കിയത്.
https://www.facebook.com/Malayalivartha
