റഷ്യ കയ്യടക്കിയ എല്ലാ നഗരങ്ങളും തിരിച്ചുപിടിച്ചു ക്രിമിയയിലേയ്ക്ക് കുതിച്ച് യുക്രൈന്; സിനിമാക്കഥകളെ വെല്ലുന്ന അത്ഭുത മുന്നേറ്റം
ഖെര്സണിലൂടെയും മരിയുപോളിലൂടെയും വിജയഘോഷയാത്ര നടത്തുന്ന യുക്രെയിന് സൈന്യത്തിന്റെ നടപടികള് പൂര്ത്തിയാകുക അവസാനം റഷ്യന് സൈനികനും ക്രീമിയയില് നിന്നും ഓടി മറയുമ്പോഴായിരിക്കും എന്നാണ് യൂറോപ്പിലെ അമേരിക്കന് സൈന്യത്തിന്റെ മുന് കമാന്ഡര് ആയ ബെന് ഹോഡ്ജസ് റഷ്യ യുക്രൈന് യുദ്ധത്തെക്കുറിച്ച് പറഞ്ഞത്. 'യുദ്ധം ആരംഭിച്ചത് ക്രീമിയയില്, അത് അവസാനിക്കുന്നത് ക്രീമിയയുടെ മോചനത്തോടെത്തന്നെ'' കഴിഞ്ഞ ആഗസ്റ്റില് യുക്രെയിന് പ്രസിഡണ്ട് വൊളോഡിമര് സെലെന്സ്കി പറഞ്ഞപ്പോള് ലോകം അതിനെ വെറുമൊരു പ്രസംഗം മാത്രമായിയായിരുന്നു കണക്കാക്കിയത്. എന്നാല് യുദ്ധ കെടുതികള് അനുഭവിക്കുന്ന ഒരു ജനതയ്ക്കും, യുദ്ധപോരാട്ടത്തില് ഏര്പ്പെട്ടിരിക്കുന്ന സൈനികര്ക്കും ആവേശം പകരാന് ഒരു രാഷ്ട്രത്തലവന് നടത്തിയ ആ പ്രഖ്യാപനം ഇന്ന് യാഥാര്ത്യമാകാന് പോകുകയാണ്.
നിലവില് യുക്രെയിന്റെ പ്രധന ദൗത്യം തെക്കന് മേഖലയിലെ ഖെര്സണ് തിരിച്ചു പിടിക്കുക എന്നതാണെന്ന് ഹോഡ്ജസ് പറയുന്നു. പിന്നീട് ഡോണ്ബാസിലൂടെ മാരിയുപോളിലേക്കും.സെന്റര് ഫോര് യൂറോപ്യന് പോളിസി അനലിസിസില് ഒരു സമ്മേളനത്തില് സംസാരിക്കവേ ആണ് അദ്ദേഹം ഇക്കാര്യം വെളിപ്പെടുത്തിയത്. മരിയുപോള് പിടിച്ചെടുത്താല് പിന്നെ ക്രീമിയയില് കാണുക യുക്രെയിന്റെ റോക്കറ്റ് ആക്രമണമായിരിക്കും എന്നും അദ്ദേഹം പറഞ്ഞു. ഒരുപക്ഷെ, റഷ്യന് മുന് നിരയെ രണ്ടായി പിളര്ത്തുക എന്നതായിരിക്കും യുക്രെയിന്റെ അടുത്ത തന്ത്രം എന്ന് കിങ്സ് കോളേജിലെ വാര് സ്റ്റഡീസ് മേധാവി ഡോ. മൈക്ക് മാര്ട്ടിന് പറയുന്നു. യുദ്ധത്തില് ഒന്നും പ്രവചിക്കുവാന് സാധിക്കില്ല. അതുകൊണ്ടു തന്നെ തന്റെ മുന്നിരയെ രക്ഷിക്കാന് പുടിന് ഒരുപക്ഷെ ആണവായുധങ്ങള് ഉള്പ്പടെ സകല ആയുധങ്ങളും ഉപയോഗിച്ചേക്കാം എന്നും അദ്ദേഹം പറയുന്നു.
ഈ ആഴ്ച്ച ഇവിടെ വളരെ പ്രാധാന്യമുള്ള പല നേട്ടങ്ങളും കൈവരിക്കാന് യുക്രെയിന് സൈന്യത്തിന് കഴിയുകയും ചെയ്തു. ഇതുവരെ റഷ്യന് സൈന്യത്തിന് പിടിച്ചെടുക്കാന് കഴിഞ്ഞ ഏക മേഖല തലസ്ഥാനമായ ഖെര്സണ് പിടിച്ചെടുക്കുക എന്നതാണ് ഇപ്പോള് യുക്രെയിന് ഉന്നം വയ്ക്കുന്നത്. കേഖല റഷ്യയോട് കൂട്ടിച്ചേര്ത്തു എന്ന പുടിന്റെ വീരവാദം അതോടെ പൊളിയും എന്നു മാത്രമല്ല, ക്രീമിയയിലേക്ക് യുദ്ധമുഖം തുറക്കാന് യുക്രെയിനെ ഇത് സഹായിക്കുകയും ചെയ്യും. ഖേര്സണ് പൂര്ണ്ണമായും തിരിച്ചെടുക്കുക എന്നത് ആഴ്ച്ചകള് നീണ്ടു നില്ക്കുന്ന ശ്രമമായിരിക്കും, എന്നാലും യുക്രെയിന് വിജയ സാധ്യത ഉണ്ടെന്നു തന്നെയാണ് ഹോഡ്ജസ് പറയുന്നത്.
ഏതാനും ആഴ്ച്ച്കള്ക്ക് മുന്പ് വരെ സ്ഥിതി ഇതായിരുന്നില്ല സ്ഥിതി. ഖാര്കീവില് ദീര്ഘദൂര റോക്കറ്റുകള് ഉപയോഗിച്ച് യുക്രെയിന് പോരാടുമ്പോള് റഷ്യ തെക്കന് മേഖലയില് മുന്നേറിക്കൊണ്ടിരിക്കുകയായിരുന്നു. തങ്ങളുടെ മികച്ച സൈനികരെ ഖെര്സണിലേക്ക് റഷ്യ പുനര്വിന്യസിച്ചതോടെയായിരുന്നു കാര്യങ്ങള് മാറി മറിഞ്ഞത്. ഈ അവസരം മുതലെടുത്ത് യുക്രെയിന് ആഞ്ഞടിച്ചതോടെ ഖാര്കീവിലെ ഏകദേശം 3000 ചതുരശ്ര മൈല് വിസ്തീര്ണ്ണമുള്ള പ്രദേശം യുക്രെയിന് തിരിച്ചു പിടിക്കാനായി.
മന്ദഗതിയില് ആണെങ്കില് കൂടി ഇപ്പോഴും യുക്രെയിന് മുന്നേറ്റം തുടരുകയാണ്. ഡോണ്ട്സ്ക് മേഖലയിലെ ഒരു പ്രധാന ട്രാന്സ്പോര്ട്ട് ഹബ് ആയ ലൈമാന് പിടിച്ചെടുത്ത യുക്രെയിന് ഇപ്പോള് അവിടെ നിന്നും ക്രെമിന്ന ലക്ഷ്യമാക്കി നീങ്ങുകയാണ്. ലുഹാന്സ്ക് മേഖലയിലാണ് ക്രെമിന്ന നഗരം ഉള്ളത്. അതേ മേഖലയിലെ ബൊറോവയില് നിന്നും സ്വാറ്റോവിലേക്കും യുക്രെയിന് സൈന്യം മുന്നേറ്റം തുടരുകയാണ്.
https://www.facebook.com/Malayalivartha