ചൈനയെ വെട്ടി ഇന്ത്യ മോദിയുടെ സ്വപ്നം പൂവണിയുന്നു..ഐഫോണ്‍ കയറ്റുമതി 100 കോടി കടന്നു
ചൈനയ്ക്ക് പകരം ഇന്ത്യയെ ലോകത്തിന്റെ തന്നെ ഫാക്ടറിയാക്കി മാറ്റാനുള്ള മോദിയുടെ നീക്കം വിജയത്തിലേക്ക്. ഇന്ത്യയില്‍ ഉല്‍പാദിപ്പിക്കുന്ന ആപ്പിള്‍ ഐ ഫോണിന്റെ കയറ്റുമതി ഏപ്രില്‍ മുതലുള്ള അഞ്ച് മാസങ്ങളില്‍ 100 കോടിയില്‍ അധികമായി. ഇതോടെ ഇന്ത്യ ഇലക്ട്രോണിക്‌സ് ഉല്‍പാദനരംഗത്ത് ഒരു ശക്തിയായി വളര്‍ന്നുവരാനുള്ള ശ്രമത്തില്‍ പുരോഗതി കൈവരിക്കുകയാണ്. ഇക്കാര്യത്തില്‍ കേരളത്തില്‍ നിന്നുള്ള ഇലക്ട്രോണിക്‌സ് വകുപ്പ് സഹമന്ത്രി രാജീവ് ചന്ദ്രശേഖറിന്റെ പരിശ്രമങ്ങളും സഹായകമായിട്ടുണ്ട്.
യൂറോപ്പ്, മധ്യേഷ്യ എന്നിവിടങ്ങളിലേക്കുള്ള ഇന്ത്യയില്‍ നിര്‍മ്മിച്ച ഐ ഫോണുകളുടെ കയറ്റുമതി 2023 മാര്‍ച്ചില്‍ അവസാനിക്കുന്ന സാമ്പത്തിക വര്‍ഷത്തില്‍ 250കോടി ഡോളര്‍ ആയി ഉയരും. ഇത് 2022 മാര്‍ച്ച് വരെയുള്ള സാമ്പത്തിക വര്‍ഷത്തില്‍ നേടിയ 130 കോടി ഡോളറിന്റെ ഇരട്ടിയാകും.
ഇപ്പോള്‍ ഐഫോണ്‍ ഉല്‍പാദനത്തിന്റെ ചെറിയൊരു പങ്ക് മാത്രമേ ഇന്ത്യയില്‍ നടക്കുന്നുള്ളൂ. ഇന്ത്യയെ ചൈനയ്ക്ക് പകരമുള്ള ലോകത്തിന്റെ ഫാക്ടറിയാക്കി മാറ്റാനുള്ള ശ്രമത്തിലാണ് പ്രധാനമന്ത്രി നരേന്ദ്രമോദി. ആപ്പിള്‍ ഐ ഫോണുകള്‍ നിര്‍മ്മിച്ചിരുന്നത് ചൈനയിലാണ്. എന്നാല്‍ ചൈനീസ് പ്രസിഡന്റ് ഷീ ജിന്‍പിങ്ങിന്റെ യുഎസ് വിരുദ്ധ നിലപാട് കാരണമാണ് ആപ്പിള്‍ മറ്റ് ഉല്‍പാദനകേന്ദ്രങ്ങള്‍ വേണമെന്ന് ആലോചിച്ചത്. ഈ അവസരം മോദിയുടെ നേതഡത്വത്തിലുള്ള സര്‍ക്കാര്‍ ഉപയോഗപ്പെടുത്തുകയായിരുന്നു. മാത്രമല്ല, സേവനത്തില്‍ മാത്രം ശ്രദ്ധ കേന്ദ്രീകരിച്ചിരുന്ന ഇന്ത്യയെ ഉല്‍പാദനമേഖലയിലേക്ക് കൂടി കൊണ്ടുപോകാനുള്ള ശ്രമത്തിലാണ് മോദി സ!ര്‍ക്കാര്‍. ഇത് തൊഴിലവസരങ്ങള്‍ വര്‍ധിപ്പിക്കുന്നതില്‍ വലിയ സംഭാവന ചെയ്യുമെന്ന് കേന്ദ്രസര്‍ക്കാര്‍ കരുതുന്നു.
'ആപ്പിള്‍ ഐ ഫോണ്‍ ഉല്‍പാദനത്തിന്റെ തോതും കയറ്റുമതിയും ഇന്ത്യയില്‍ ആരോഗ്യകരമായി വളരുകയാണ്. ആപ്പിളിന്റെ ചൈന പ്ലസ് വണ്‍ തന്ത്രത്തില്‍ (ചൈനയ്ക്ക് പുറമെ മറ്റ് ഉല്‍പാദനകേന്ദ്രങ്ങള്‍ സൃഷ്ടിക്കല്‍) ഇന്ത്യ കൂടി സുപ്രധാന പങ്ക് കൈവരിക്കുകയാണ്.' ടെക് ഗവേഷണ കമ്പനിയായ ഐഡിസിയിലെ അനലിസ്റ്റ് നവ്‌കേന്ദര്‍ സിങ്ങ് പറയുന്നു. ഇന്ത്യയില്‍ ഉല്‍പാദനം നടത്തുന്ന കമ്പനികള്‍ക്ക് സാമ്പത്തിക ഉത്തേജനം നല്‍കാനുള്ള ഇന്ത്യയുടെ പദ്ധതി വിജയിക്കുന്നുവെന്നതിന്റെ സൂചന കൂടിയാണിത്.
ആപ്പിള്‍ ഐ ഫോണ്‍ ഉല്‍പാദകരായ തയ് വാനില്‍ നിന്നുള്ള കരാറടിസ്ഥാനത്തില്‍ ഉല്‍പാദനം നടത്തുന്ന കമ്പനികളായ ഫോക്‌സ്‌കോണ്‍ ടെക്‌നോളജി ഗ്രൂപ്പ്, വിസ്ട്രന്‍ കോര്‍പ്, പെഗട്രൊണ്‍ കോര്‍പ് എന്നിവരാണ് ഇപ്പോള്‍ ദക്ഷിണേന്ത്യയിലുള്ള ഉല്‍പാദനപ്ലാന്റുകളില്‍ ഐ ഫോണു!കള്‍ നിര്‍മ്മിച്ചുവരുന്നത്. കഴിഞ്ഞ വര്‍ഷം ഇന്ത്യ നിര്‍മ്മിച്ചത് ഏകദേശം 30 ലക്ഷം ഐഫോണുകളാണ്. ചൈനയിലാകട്ടെ ഒരു വര്‍ഷം നിര്‍മ്മിക്കുന്നത് ഏകദേശം 23 കോടി ഐ ഫോണുകളാണ്.
മാത്രമല്ല ലോകത്തൊരിടത്തും നടപ്പിലാക്കാത്ത തരത്തിലുള്ള വ്യത്യസ്ഥമായ പല വികസന പദ്ധതികളും കേന്ദ്ര സര്‍ക്കാര്‍ ഗ്രാമങ്ങള്‍ ലക്ഷ്യമാക്കി നടപ്പിലാക്കിയിട്ടുണ്ട്. 100 ശതമാനം സൗരോ!ര്‍ജ്ജം കൊണ്ട് പ്രവര്‍ത്തിക്കുന്ന ഗുജറാത്തിലെ മെഹ്‌സാന ജില്ലയിലെ മോദേര ഗ്രാമം ഉദ്ഘാടനം ചെയ്ത് പ്രധാനമന്ത്രി മോദി. പ്രതിമാസം ആയിരം രൂപ വരെ വൈദ്യുതിബില്ലടച്ചിരുന്ന ഗ്രാമീണര്‍ക്ക് ഇനി ഒരു നയാപൈസ അടയ്‌ക്കേണ്ടതില്ല. പദ്ധതിയില്‍ പൂര്‍ണ്ണമായും ഉള്‍പ്പെടാത്ത ചിലര്‍ക്ക് ചെറിയൊരു ബില്ല് അടയ്‌ക്കേണ്ടി വരുമെന്ന് മാത്രം.
100 ശതമാനവും സൗര!ോര്‍ജ്ജത്താല്‍ പ്രവര്‍ത്തിക്കുന്ന ഇന്ത്യയാണ് മോദിയുടെ സ്വപ്നം. ഗുജറാത്ത് സര്‍ക്കാരും കേന്ദ്രസര്‍ക്കാരും ചേര്‍ന്നാണ് ഈ പദ്ധതി യാഥാര്‍ത്ഥ്യമാക്കിയത്. 1300 ഒരു കിലോവാട്ട് സോളാര്‍ പാനലുകളാണ് ഇതിന് ഉപയോഗിച്ചത്. മോദേര ഗ്രാമവാസികളുടെ വീടിന് മുകളിലാണ് ഇത്രയും സോളാര്‍ പാനലുകള്‍ ഉയര്‍ത്തിയത്. 15 മെഗാവാട്ട് ബാറ്ററി എനര്‍ജി സ്റ്റോറേജ് സംവിധാനം സുജ്ജന്‍പുരയില്‍ ഉയര്‍ത്തി. പകല്‍ നേരം ബാറ്ററികള്‍ ചാര്‍ജ്ജ് ചെയ്ത് ഊര്‍ജ്ജം സംഭരിക്കും. രാത്രി ഇവിടെ നിന്നും വൈദ്യുതി വിതരണം ചെയ്യും.
ഇന്ത്യയിലെ തന്നെ ആദ്യത്തെ ഗ്രിഡ് കണക്ടഡ് മെഗാവാട്ട് ബാറ്ററി സ്റ്റോറേജ് സംവിധാനമാണിത്. ആയിരം രൂപ വരെ മാസം വൈദ്യുതി ബില്ലടച്ചവര്‍ക്ക് ഇനി ഒന്നും അടയ്‌ക്കേണ്ടിവരില്ലെന്ന് മൊദേര സര്‍പാഞ്ച് ജതന്‍ബെന്‍ താക്കോര്‍ പറയുന്നു. എല്ലാ വീടുകളിലും പണം വാങ്ങാതെയാണ് സോളാന്‍ പാനലുകള്‍ വിതരണം ചെയ്തത്. കൂടുതല്‍ പവര്‍ കിട്ടിയാല്‍ അധിക തുക സമ്പാദിക്കുകയും ചെയ്യാം. സര്‍പാഞ്ച് പറയുന്നു.
https://www.facebook.com/Malayalivartha
