റഷ്യ യുക്രെയ്‌ന്റെ തലസ്ഥാനമായ കീവിന് നേരെ വീണ്ടും ആക്രമണം നടത്തിയതിനെ അപലപിച്ച് അമേരിക്ക. അത്യന്തം ക്രൂരവും നിന്ദ്യവുമായ ആക്രമണമാണ് റഷ്യ തുടരുന്നത്. ഇതിനെതിരെ ശക്തമായ പ്രതിഷേധവും പ്രതിരോധവും ലോകത്തിലെ എല്ലാ രാജ്യങ്ങളും നടത്തണമെന്നും അമേരിക്ക ആവശ്യപ്പെട്ടു. കീവിലെ ജനവാസ മേഖലയിലേയ്ക്ക് തുടര്‍ച്ചയായി രണ്ടാമത്തെ ആഴ്ചയാണ് റഷ്യ ആക്രമണം നടത്തിയി രിക്കുന്നത്. മിസൈല്‍ ആക്രമണത്തിന് പിന്നാലെ കാമികാസ് ഡ്രോണുകള്‍ ഉപയോഗിച്ചാണ് ഇന്നലെ ആക്രമിച്ചതെന്നും അമേരിക്ക ആരോപിച്ചു.

യുക്രെയ്ന്‍ ജനത അവരുടെ അവസാന ചെറുത്തുനില്‍പ്പും തുടരുകയാണ്. തങ്ങളും നാറ്റോയും യുക്രെയ്‌നൊപ്പമുണ്ട്. യുദ്ധം ശക്തന്മാര്‍ തമ്മിലാണ് ചെയ്യേണ്ടത്. സാധാരണ പൗരന്മാരെ കൊന്നൊടുക്കുന്നത് റഷ്യയുടെ പ്രാകൃത സ്വഭാവമാണ് കാണിക്കുന്നതെന്നും അമേരിക്ക കുറ്റപ്പെടുത്തി. യുക്രെയ്‌നെ ശക്തിപ്പെടുത്തുന്നത് തുടരുമെന്നും പ്രതിരോധം ശക്തമാക്കുമെന്നും അമേരിക്ക ആവര്‍ത്തിച്ചു.

ഇന്ന് പുലര്‍ച്ചെ പലതവണയാണ് കീവ് നഗരത്തില്‍ സ്‌ഫോടനങ്ങള്‍ ഉണ്ടായത്. മൂന്ന് സ്‌ഫോ ടനം നടന്നുവെന്നാണ് മേയര്‍ വിതാലി ക്ലിഷ്‌ചെന്‍കോ പറയുന്നത്. നിരവധി ജനവാസ അപ്പാര്‍ട്ട്‌മെന്റുകളാണ് തകര്‍ന്നിരിക്കുന്നത്. പല കെട്ടിടങ്ങളിലും അഗ്‌നിബാധ തുടരുകയാ ണെന്നും റിപ്പോര്‍ട്ടുണ്ട്.

40 ലക്ഷം കുട്ടികളെന്ന് ഐക്യരാഷ്ട്ര സഭ. സാമ്പത്തികമായി യുക്രെയ്ന്‍ മാത്രമല്ല യൂറോപ്പിലെ പലരാജ്യങ്ങളും ദുരിതത്തിലാണ്. സമൂഹത്തിലെ ഏറ്റവും ദുര്‍ബലരായ കുട്ടികളും സ്ത്രീകളും വൃദ്ധജനങ്ങളും പട്ടിണി യിലേക്ക് അതിവേഗം നീങ്ങുന്നുവെന്ന മുന്നറിയിപ്പാണ് ഐക്യരാഷ്ട്ര നല്‍കുന്നത്.

കുട്ടികളുടെ ഉന്നമനത്തിനായി പരിശ്രമിക്കുന്ന യൂണിസെഫിന്റെ റിപ്പോര്‍ട്ടില്‍ യുക്രെയ്‌നിലേയും റഷ്യയിലേയും കുട്ടികള്‍ തുല്യദു:ഖിതരാണെന്നാണ് കണക്കുകള്‍ സൂചിപ്പിക്കുന്നത്. യുക്രെയ്‌നെ റഷ്യ ആക്രമിക്കുകയും ഉപരോധം ആരംഭിക്കുകയും ചെയ്തതോടെയാണ് 40 ലക്ഷം കുട്ടികള്‍ പട്ടിണിയിലേക്കും പോഷകാഹാര കുറവിലേയ്ക്കും അതിവേഗം നീങ്ങുകയാണ്. ഇതിന് പുറമേ 28 ദശലക്ഷം കുട്ടികള്‍ ദാരിദ്ര്യ രേഖയ്ക്ക് താഴേയ്ക്ക് കഴിഞ്ഞ ഫെബ്രുവരിയ്ക്ക് ശേഷം വീണെന്നാണ് പഠനം സൂചിപ്പിക്കുന്നത്.

22 രാജ്യങ്ങളാണ് യൂറോപ്പില്‍ യൂണിസെഫിന്റെ കണക്കില്‍ കുട്ടികളെ പരിപാലിക്കുന്നതില്‍ വീഴ്ചവരുത്തിയിരിക്കുന്നത്. പല രാജ്യങ്ങളേയും പരോക്ഷമായിട്ടാണ് യുക്രെയ്ന്റഷ്യ യുദ്ധം ബാധിച്ചിരിക്കുന്നത്. റൊമാനിയയില്‍ മാത്രം ഒന്നര ലക്ഷം കുട്ടികളാണ് ദാരിദ്ര്യത്തിലേയ്ക്ക് കൂപ്പുകുത്തിയിരിക്കുന്നത്. കുട്ടികളാണ് ലോകത്തിലെ ഏത് ദുരന്തവും ആദ്യം അനുഭവിക്കു ന്നതെന്നും യൂണിസെഫ് അറിയിച്ചു.

മരണത്തെ സംബന്ധിച്ചും കണക്കുകളുണ്ട്.യുക്രെയ്ന്‍ യുദ്ധത്തില്‍ ഇതുവരെ 1000 ആണ്‍ കുട്ടികളും പെണ്‍കുട്ടികളും മരണപ്പെട്ടെന്നാണ് കണക്ക്. യൂറോപ്പില്‍ മാത്രം ഒരു ദിവസം 4500 നവജാത ശിശുക്കളാണ് ദാരിദ്ര്യം മൂലം മരണപ്പെടുന്നത്. സ്‌ക്കൂളുകളില്‍ വിടാനാകാതെ ഒന്നര ലക്ഷം കുട്ടികളാണ് വീടുകളില്‍ ഒറ്റപ്പെട്ടിരിക്കുന്നതെന്നും യൂണിസെഫ് ചൂണ്ടിക്കാട്ടുന്നു.