സിഡ്നിയില് മലയാളിയായ യുവതി മകളുമായി ട്രെയിനിനു മുന്നില് ചാടി; പാലക്കാട്ടുകാരിയായ അര്ച്ചന മരണത്തിനു കീഴടങ്ങി; നാലു വയസുകാരിയുടെ നില ഗുരുതരം
മികച്ച ജോലിയുമായി വിദേശത്തേക്ക് ജീവിതം പറിച്ചു നടുന്ന മലയാളി ദമ്പതിമാര്ക്ക് എങ്ങനെയാണ് ജീവിതം മടുക്കുന്നത്. അതോ നിസാര കാര്യങ്ങള്ക്ക് അവര് തമ്മിലടിക്കുകയാണോ. കഴിഞ്ഞവര്ഷമാണ് ലണ്ടനില് ഭര്ത്താവ് ഭാര്യയെയും ഇരട്ടക്കുട്ടികളെയും കൊന്ന് ജീവനൊടുക്കിയത്. ഇപ്പോള് സിഡിനിയിലെ ഹാരീസ് പാര്ക്ക് റെയില്വേ സ്റ്റേഷനില് കുട്ടിയുമായി ട്രെയിനു മുന്നില് ചാടിയ മലയാളിയായ യുവതി മരിച്ചു. മരണത്തില് നിന്നു രക്ഷപ്പെട്ട നാലു വയസുള്ള മകളുടെ നില ഗുരുതരമായി തുടരുന്നു. ബുധനാഴ്ചയാണ് ഹാരീസ് പാര്ക്ക് റെയില്വേ സ്റ്റേഷനില് അര്ച്ചന കുന്നത്ത് എന്ന പാലക്കാട്ടുകാരി നാലു വയസുള്ള മകള് ശ്രേയയുമായി ട്രെയിനിനു മുന്നില് ചാടുന്നത്.
സംഭവം നടന്നയുടന് സ്ഥലത്തെത്തിയ എമര്ജന്സി സര്വീസ് ഇരുവരേയും ആശുപത്രിയില് ഉടന് തന്നെയെത്തിച്ചു. എന്നാല് അര്ച്ചന സംഭവസ്ഥലത്തു വച്ചു തന്നെ മരിച്ചു. ഗുരുതരമായി പരിക്കേറ്റ ശ്രേയ വെസ്റ്റ്മീഡ് ചില്ഡ്രന്സ് ആശുപത്രിയില് ചികിത്സയിലാണ്. ബുധനാഴ്ച ഉച്ചകഴിഞ്ഞ് 2.10നാണ് യാത്രക്കാര് നോക്കിനില്ക്കേ ദാരുണമായ സംഭവം അരങ്ങേറുന്നത്. മകളെയും ഒക്കത്തിരുത്തി റെയില്വേ സ്റ്റേഷനിലെത്തിയ യുവതി ട്രെയിന് വന്നയുടന് പാളത്തിലേക്ക് മകളുമായി ചാടുകയായിരുന്നു. സംഭവം കണ്ടുകൊണ്ടിരുന്നവര് ഉടന് തന്നെ കുട്ടിയെ ട്രെയിനിന്റെ അടിയില് നിന്ന് വലിച്ചെടുത്തു. 2.15ന് സ്ഥലത്തെത്തിയ എമര്ജന്സി സര്വീസ് ആംബുലന്സില് ഇവരെ വെസ്റ്റ്മീഡ് ആശുപത്രിയിലാക്കി.
ടാറ്റാ കണ്സള്ട്ടന്സി സര്വീസസില് ഉദ്യോഗസ്ഥരായി ഓസ്ട്രേലിയയില് എത്തിയതായിരുന്നു അര്ച്ചനയും ഭര്ത്താവ് സുജിത് വൈകാക്കരയും. ടാറ്റാ കണ്സള്ട്ടന്സിയില് അസിസ്റ്റന്റ് സോഫ്റ്റ് വെയര് എന്ജിനീയറായിരുന്നു അര്ച്ചന. എന്നാല് അര്ച്ചനയെ ആത്മഹത്യയിലേക്ക് നയിച്ചതിന്റെ കാരണങ്ങള് ഇതുവരെ വ്യക്തമായിട്ടില്ല. അര്ച്ചന മരിക്കുന്നതിന്റെ അഞ്ചു ദിവസം മുമ്പാണ് ദമ്പതികള് അവരുടെ അഞ്ചാം വിവാഹവാര്ഷികം ആഘോഷിച്ചതെന്ന് സഹപ്രവര്ത്തകര് ഓര്മിക്കുന്നു. വളരെ സന്തോഷത്തില് ജീവിച്ച കുടുംബത്തിന് എന്താണ് സംഭവിച്ചതെന്നാണ് എല്ലാവരുടെയും ചോദ്യം. അതിന് മാത്രം ഒരിക്കലും ഉത്തരം കിട്ടാറില്ല. പണ്ട് ജീവിതം മടുത്തിട്ട് ആത്മഹത്യ ചെയ്യുന്നവര് ഇന്ന് സ്നേഹക്കൂടുതലും അതുപോലുള്ള വിചിത്രമായ ആവശ്യങ്ങളുടെ പേരില് മരിക്കുന്നത് കാണാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha