ക്രിസ്മസ് അനുവാദമില്ലാതെ ആഘോഷിച്ചാല് അഞ്ച് വര്ഷം തടവ്
ക്രിസ്മസ് അനുവാദമില്ലാതെ ആഘോഷിച്ചാല് അത് ക്രിമിനല് കുറ്റമായി കണക്കാക്കാന് ദക്ഷിണ ചൈനാ കടലിലെ ദ്വീപുരാഷ്ട്രമായ ബ്രൂണെ ഉത്തരവിറക്കി. ബ്രൂണെ സുല്ത്താന് ഹസ്സന് ബോല്കിയയാണ് അനുവാദമില്ലാതെ ക്രിസ്മസ് ആഘോഷിക്കുന്നത് ക്രിമിനല് കുറ്റമായി കണക്കാക്കുമെന്ന് അറിയിച്ചത്. കഴിഞ്ഞ വര്ഷമാണ് ആദ്യമായി ബ്രൂണെ ക്രിസ്മസ് ആഘോഷത്തിനു വിലക്കേര്പ്പെടുത്തിയത്. 4,20,000 ജനസംഖ്യയുള്ള രാജ്യത്ത് 65 ശതമാനത്തോളം പേര് മുസ്ലീംകളാണ്
മുസ്ലിം ഭൂരിപക്ഷ രാജ്യമായ ബ്രൂണെയിലെ ക്രിസ്മസ് ആഘോഷം രാജ്യത്തെ മുസ്ലിം ജനവിഭാഗവുമായി പ്രശ്നങ്ങളുണ്ടാകുമെന്നതിനാലാണ് നിരോധനം. ക്രിസ്ത്യാനികള്ക്കും മറ്റുള്ളവര്ക്കും ക്രിസ്മസ് ആഘോഷിക്കാം. എന്നാല് അതു സ്വകാര്യമായി വേണം. മാത്രമല്ല, അധികാരികളെ അതു അറിയിച്ചുമിരിക്കണം. ക്രിസ്മസിന്റെ ബാഹ്യലക്ഷണങ്ങള് മറ്റൊരു വിശ്വാസത്തെ പ്രതിനിധീകരിക്കുന്നു. ഇതു ഇസ്ലാമിന്റെ ചില വ്യാഖ്യാനങ്ങളില് നിഷിദ്ധമാണ്. ഇതിനാല് പ്രാദേശിക ഇസ്ലാമിക മതനേതാക്കള് വിലക്കിനെ പ്രോല്സാഹിപ്പിക്കുന്നുണ്ട്.
ക്രിസ്മസ് ആഘോഷിക്കുന്നവര്ക്ക് അലങ്കാരങ്ങള് വീടിനു വെളിയില് കാണിക്കാനാകില്ല. സാന്താക്ലോസ് തൊപ്പിയും ആശംസകള് അടങ്ങിയ ബാനറുകളും പൊതുമധ്യത്തില് വയ്ക്കാനാകില്ല. നിബന്ധനകള് നടപ്പാക്കുന്നുണ്ടെന്ന് ഉറപ്പുവരുത്തണമെന്ന് മതകാര്യ മന്ത്രാലയ ഉദ്യോഗസ്ഥര് പ്രാദേശിക വിഭാഗങ്ങളെ അറിയിച്ചിട്ടുണ്ട്. കുറ്റം തെളിഞ്ഞാല് 20,000 യുഎസ് ഡോളറോ അഞ്ചു വര്ഷം തടവോ രണ്ടുമോ അനുഭവിക്കേണ്ടി വരും.
മെഴുകുതിരി തെളിയിക്കുന്നത്, ക്രിസ്മസ് ട്രീ ഒരുക്കുന്നത് കാരള് പാടുന്നത്, ക്രിസ്മസ് ആശംസകള് കൈമാറുന്നത്, അലങ്കാരങ്ങള് ഒരുക്കുന്നതു തുടങ്ങി ക്രിസ്മസുമായി ബന്ധപ്പെട്ട് ബാഹ്യമായി ഏതെങ്കിലും ലക്ഷണങ്ങള് കാണുന്നത് ഇസ്ലാം വിശ്വാസത്തിന് എതിരാണെന്ന് പ്രാദേശിക ഇമാമുമാര് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
