സിറിയയില് സൈന്യം നടത്തിയ വ്യോമാക്രമണത്തില് വിമത നേതാവ് കൊല്ലപ്പെട്ടതായി റിപ്പോര്ട്ട്
സിറിയയില് സൈന്യം നടത്തിയ വ്യോമാക്രമണത്തില് വിമത സംഘടനയായ ജെയ്ഷെ അല്ഇസ്ലാമിന്റെ സ്ഥാപക നേതാവ് സഹ്രൂണ് അല്ലൗഷ് (44) കൊല്ലപ്പെട്ടതായി റിപ്പോര്ട്ട്. സൗദിയുടെ പിന്തുണയുള്ള ഈ സംഘടന ദമാസ്കസിലെ കിഴക്കന് ഘോട്ട മേഖലയില് പ്രബലമാണ്. വിമതര് സമ്മേളിച്ചിരുന്ന സ്ഥലത്താണ് റോക്കറ്റ് പതിച്ചതെന്ന് സിറിയന് സൈന്യം വ്യക്തമാക്കി. അല്ലൗഷിനൊപ്പം ഡെപ്യൂട്ടി നേതാവടക്കം നിരവധി പേര് കൊല്ലപ്പെട്ടതായി സൗദിയിലെ അല് അറബിയ ടിവി റിപ്പോര്ട്ട് ചെയ്യുന്നു.
സര്ക്കാരുമായി സമാധാന ചര്ച്ചകള്ക്കുള്ള കരട്രേഖ രൂപീകരിക്കുന്നതിന് അടുത്തകാലത്ത് റിയാദില് സംഘടിച്ച വിമത സംഘങ്ങളില് ജെയ്ഷെ അല് ഇസ്ലമുമുണ്ടായിരുന്നു. സിറിയയില് സമാധാനത്തിനുള്ള പാത തുറക്കുന്നതിനുള്ള പ്രമേയത്തിന് ഐക്യരാഷ്ട്രസഭ അംഗീകാരം നല്കിയതിനു പിന്നാലെയാണ് ഈ ആക്രമണമെന്നതും ശ്രദ്ധേയമാണ്. വിമത വിഭാഗങ്ങളെയെല്ലാം തീവ്രവാദികളായി കണക്കാക്കി സിറിയന് സര്ക്കാരും സഖ്യകക്ഷിയായ റഷ്യയും ആക്രമണം തുടരുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha