തെക്കേ അമേരിക്കന് രാജ്യങ്ങളില് വേനല്മഴയില് വ്യാപക നാശനഷ്ടം: ഒന്നരലക്ഷത്തോളം പേരെ കുടിയൊഴിപ്പിച്ചു
തെക്കേ അമേരിക്കന് രാജ്യങ്ങളില് രണ്ടാഴ്ചയായി തുടരുന്ന കനത്ത വേനല്മഴയില് വ്യാപക നാശനഷ്ടം. അഞ്ചു പതിറ്റാണ്ടിനിടെയുള്ള ഏറ്റവും വലിയ പ്രളയത്തിനാണ് ലാറ്റിനമേരിക്കന് രാജ്യങ്ങള് സാക്ഷ്യം വഹിക്കുന്നത്. പാരഗ്വെ, അര്ജന്റീന, ബ്രസീല്, ഉറുഗ്വെ എന്നീ രാജ്യങ്ങളെയാണ് പ്രളയം ഏറ്റവും കൂടുതല് ബാധിച്ചത്. ഒന്നരലക്ഷത്തോളം പേരെ ഇതിനകം കുടിയൊഴിപ്പിച്ചിട്ടുണ്ട്. ആയിരക്കണക്കിന് വീടുകള്ക്കാണ് നാശനഷ്ട്ടം സംഭവിച്ചത്. പരാഗ്വെയാണ് ഏറ്റവും നാശനഷ്ടം അനുഭവിക്കുന്നത്. തലസ്ഥാന നഗരത്തിലെ നദി കരകവിഞ്ഞൊഴുകുമെന്ന ആശങ്കയിലാണ് രാജ്യമിപ്പോള്. ഇവിടെ മാത്രം 1,30,000 പേരെ മാറ്റിപ്പാര്പ്പിച്ചു. താല്ക്കലിക ഷെഡ്ഡുകളിലാണ് ജനങ്ങള് താമസിക്കുന്നത്. അടിയന്തര സാഹചര്യം നേരിടുന്നതിന് പ്രസിഡന്റ് ഹൊറകിയോ കാര്ട്ടെസ് 35 ലക്ഷം ഡോളര് ഫണ്ട് അനുവദിച്ചു. മഴയ്ക്കൊപ്പം ശക്തമായ കാറ്റും വന്നതോടെ വൈദ്യൂതിബന്ധവും പലയിടത്തും വിച്ഛേദിക്കപ്പെട്ടു. മരങ്ങള് ഒടിഞ്ഞുവീണ് നാലു പേര് മരിച്ചതായും റിപ്പോര്ട്ടുണ്ട്.
ഉത്തര അര്ജന്റീനയാണ് മഴക്കെടുതയിയില് ഏറ്റവും ദുരിതം അനുഭവിക്കുന്ന മറ്റൊരു രാജ്യം. ഇവിടെ രണ്ടു പേര് മരിക്കുകയും 20,000 ഓളം പേര് ഭവനരഹിതരാകുകയും ചെയ്തു. എന്റര് റിയോസ്, കൊറിയന്റെസ്, ചകോ എന്നിവിടങ്ങളിലാണ് ഏറ്റവും നാശം രേഖപ്പെടുത്തിയത്. ബ്രസീലില് തെക്കന് മേഖലയിലെ റിയോ ഗ്രാന്ഡെ ഡോ സുളിലാണ് ഏറ്റവും കൂടുതല് നാശം രേഖപ്പെടുത്തിയത്. 1800 കുടുംബങ്ങളെ ഇവിടെ മാറ്റിപ്പാര്പ്പിച്ചു. ഉറുഗ്വെയിലും ആയിരക്കണക്കിന് ആളുകള് ഭവനരഹിതരായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha