തായ്‌ലന്റ് രാജാവിന്റെ ചത്തുപോയ നായയെ സാമൂഹ മാധ്യമത്തില്‍ പരിഹസിച്ചയാള്‍ അറസ്റ്റില്‍. രാജാവിന്റെ പ്രീയപ്പെട്ട നായ ചത്ത് ഏതാനും ദിവസങ്ങള്‍ക്കിപ്പുറമാണ് സോഷ്യല്‍ മീഡിയയില്‍ പരിഹാസം പ്രത്യക്ഷപ്പെട്ടത്. ഭരണകൂടത്തെ അപകീര്‍ത്തിപ്പെടുത്തിയെന്ന കുറ്റമാണ് യുവാവിന് എതിരെ ചുമത്തിയിട്ടുള്ളത്.
തായ്‌ലന്റ് രാജാവ് ഭൂമിബോല്‍ അതുല്യാതേജ് തന്റെ പ്രീയപ്പെട്ട നായയ്ക്ക് ടോങ്ക്‌ടേങ് എന്നാണ് പേരിട്ടിരുന്നത്. 2002ല്‍ നായയോടുള്ള അടുപ്പം വിവരിക്കുന്ന ഒരു പുസ്തകവും അദ്ദേഹം എഴുതിയിരുന്നു. പുസ്തകത്തില്‍ രാജാവിനോട് നായ കാണിച്ചിരുന്ന സ്‌നേഹവും അനുസരണയുമെല്ലാം വാനോളം പുകഴ്തിയിരുന്നു. നായയുടെ മരണം കഴിഞ്ഞ ബുധനാഴ്ചയാണ് ഭരണകൂടം ഔദ്യോഗികമായി പുറത്തുവിട്ടത്. മരണം വിവരിക്കുന്ന പ്രസ്താവനയില്‍ ഡിസംബര്‍ 25, 2015ല്‍ 11.10 എ.എമ്മിന് ടോങ്ക്‌ടേങ് സമാധാനപരമാര മരണം കൈവരിച്ചുവെന്നാണ് വിവരിച്ചിരുന്നത്.
രാജവാഴ്ച തുടരുന്ന തായ്‌ലന്റില്‍ രാജാവിന് എതിരായ ചെറിയ പരാമര്‍ശങ്ങള്‍ക്ക് പോലും വലിയ ശിക്ഷയാണ് നല്‍കിവരുന്നത്. സമാന കുറ്റങ്ങള്‍ക്ക് 15 വര്‍ഷം തടവാണ് രാജ്യത്തെ ഏറ്റവും ചെറിയ ശിക്ഷ. ഏതാനും ദിവസങ്ങള്‍ക്ക് മുമ്പ് രാജാവിനെ പരിഹസിച്ചുള്ള ഫേസ്ബുക്ക് പോസ്റ്റ് ലൈക്ക് അടിച്ച യുവാവിനെ ഭരണകൂടം 32 വര്‍ഷം കഠിന തടവിന് വിധിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha