ഒറ്റരാത്രി കൊണ്ട് നടത്തിയ വ്യോമാക്രമണത്തിൽ ഹമാസിന്റെ മുതിർന്ന സെെനിക കമാൻഡർ മുറാദ് അബു മുറാദ് കൊല്ലപ്പെട്ടതായി ഇസ്രായേൽ വ്യോമസേന അറിയിച്ചു. ഗാസ മുനമ്പിൽ ഹമാസിന്റെ വ്യോമ പ്രവർത്തനം നിയന്ത്രിക്കുന്ന ആസ്ഥാനത്തെ ലക്ഷ്യമിട്ടായിരുന്നു ആക്രമണം. ശനിയാഴ്ച നടന്ന കൂട്ടക്കൊലയിൽ തീവ്രവാദികളെ നയിച്ചതിൽ മുറാദ് അബു മുറാദാണ് ഉത്തരവാദിയെന്ന് ഇസ്രായേലി വ്യോമസേന പറഞ്ഞു.

എക്‌സിലെ ഒരു പോസ്റ്റിലൂടെയായിരുന്നു ഇസ്രായേൽ വ്യോമസേനയുടെ പ്രസ്താവന. വ്യോമസേനയുടെ യുദ്ധവിമാനങ്ങൾ തീവ്രവാദ സംഘടനയായ ഹമാസിന്റെ പ്രവർത്തന ആസ്ഥാനത്ത് ആക്രമണം നടത്തി, അവിടെ നിന്നാണ് സംഘടനയുടെ വ്യോമ പ്രവർത്തനങ്ങൾ നിയന്ത്രിക്കുന്നത്. ആക്രമണത്തിനിടെ, മുറാദ് കൊല്ലപ്പെടുകയായിരുന്നു. ഒക്‌ടോബർ 7 ന് ഇസ്രയേലിലേക്കുള്ള നുഴഞ്ഞു കയറ്റത്തിന് നേതൃത്വം നൽകിയ ഹമാസിന്റെ കമാൻഡോ സേനയുടെ ഡസൻ കണക്കിന് സൈറ്റുകൾ ആക്രമിച്ചതായി ഇസ്രായേൽ വ്യോമസേന പറഞ്ഞു.

ഇസ്രായേൽ പ്രതിരോധ സേനയും ഇസ്രായേൽ വ്യോമസേനയും "ഹമാസ് ഭീകര സംഘടനയ്‌ക്കെതിരെ ഇസ്രായേൽ രാഷ്ട്രത്തെ പ്രതിരോധിക്കുന്നതിന് ആവശ്യമായി" പ്രവർത്തിക്കുന്നത് തുടരുമെന്ന് അറിയിച്ചു. കഴിഞ്ഞ രാത്രി, IAF യുദ്ധവിമാനങ്ങൾ ഗാസ മുനമ്പിൽ ഉടനീളം വ്യാപകമായ സ്‌ട്രൈക്കുകൾ നടത്തി. ഇതിൽ ഡസൻ കണക്കിന് ഹമാസ് തീവ്രവാദ ലക്ഷ്യങ്ങളും ഒപ്പം "നുഖ്ബ" തീവ്രവാദികളും ഉൾപ്പെടുന്നുവെന്ന് X-ൽ പങ്കിട്ട ഒരു പോസ്റ്റിൽ, ഇസ്രായേലി വ്യോമസേന പ്രസ്താവിച്ചു.

മറ്റൊരു പോസ്റ്റിൽ അൽപ്പസമയം മുമ്പ്, IDF സൈനികർ ലെബനനിൽ നിന്ന് ഇസ്രായേൽ പ്രദേശത്തേക്ക് നുഴഞ്ഞുകയറാൻ ശ്രമിച്ച ഒരു തീവ്രവാദ സെല്ലിനെ തിരിച്ചറിഞ്ഞുവെന്നും, നിരവധി ഭീകരരെ വധിച്ചുവെന്നും ഇസ്രായേലി ഫയർഫോഴ്‌സും വ്യക്തമാക്കി. തെക്കൻ ഇസ്രയേലിൽ ഒക്ടോബർ ഏഴിന് ഹമാസ് നടത്തിയ മിന്നലാക്രമണത്തിൽ നിരവധി ഇസ്രയേലുകാർ കൊല്ലപ്പെട്ടിരുന്നു. 

ഒറ്റ രാത്രികൊണ്ട് ഇസ്രായേൽ ഹമാസ് കേന്ദ്രങ്ങൾ ലക്ഷ്യമിട്ട് ശക്തമായ വ്യോമാക്രമണം നടത്തിയത്. ഇതിൽ നിരവധി ഹമാസ് ഭീകരർ കൊല്ലപ്പെട്ടതായുള്ള വാർത്തകൾ പുറത്തുവന്നിരുന്നു. എന്നാൽ മുറാദ് കൊല്ലപ്പെട്ടതായി സ്ഥിരീകരിച്ചത് ഇപ്പോഴാണ്. അതേ സമയം സംഭവത്തിൽ ഹമാസ് പ്രതികരിച്ചിട്ടില്ല. ഇസ്രായേല്‍-ഹമാസ് സംഘര്‍ഷം രൂക്ഷമായിക്കൊണ്ടിരിക്കുകയാണ്. ഇരുഭാഗത്തുമായി ആയിരക്കണക്കിനുകളാണ് കൊല്ലപ്പെട്ടത്. 

ഇസ്രായേലിൽ മരണസംഖ്യ 1300 കവിഞ്ഞു. വെള്ളിയാഴ്ചയും ആക്രമണം തുടർന്ന ഗസ്സയിൽ മരണസംഖ്യ 1,900 കവിഞ്ഞതായും 7600 പേർക്ക് പരിക്കേറ്റതായും ഗസ്സയിലെ ആരോഗ്യ മന്ത്രാലയം അറിയിച്ചു. എന്നാല്‍ തങ്ങളുടെ ലക്ഷ്യം വ്യക്തമാണെന്നും ഹമാസിനെ തകര്‍ക്കുമെന്നും ഇസ്രായേൽ ഡിഫൻസ് ഫോഴ്‌സ് വക്താവ് ജോനാഥൻ കോൺറിക്കസ് പറഞ്ഞു. ഹമാസിനെയും അതിന്‍റെ സൈനിക ശേഷിയെയും തകർക്കുകയും സാഹചര്യം അടിസ്ഥാനപരമായി മാറ്റുകയും ചെയ്യും എന്നതാണ് ഈ യുദ്ധത്തിന്‍റെ അവസാനം. അങ്ങനെ ഇസ്രായേലികള്‍ക്കോ സൈനികർക്കോ നാശം വരുത്താനുള്ള കഴിവ് ഹമാസിന് ഇനി ഉണ്ടാകില്ല. 

ഐ‌ഡി‌എഫ് 'സൈനിക പ്രവർത്തനങ്ങൾ വർധിപ്പിക്കാൻ' പോകുന്ന പ്രദേശത്ത് സാധാരണക്കാർ ഉണ്ടാകാതിരിക്കാൻ സൈന്യം ഇന്നലെ ഒഴിപ്പിക്കാൻ ഉത്തരവിട്ടതായി ജൊനാഥന്‍ പറഞ്ഞു. ഹമാസ് സാധാരണക്കാരെ അവരുടെ മനുഷ്യ കവചങ്ങളായി ഉപയോഗിക്കുന്നു. ദിവസങ്ങളായി ഗാസ മുനമ്പിന് ചുറ്റും ഇസ്രായേലി റിസർവ് ഫോഴ്‌സ് രൂപീകരിക്കുകയാണെന്നും അദ്ദേഹം കൂട്ടിച്ചേർത്തു.''അവർ ഗാസ മുനമ്പിന് ചുറ്റുമായി, തെക്ക്, മധ്യഭാഗത്ത്, വടക്ക് എന്നിവിടങ്ങളിൽ ഉണ്ട്, അവർക്ക് ലഭിക്കുന്ന ഏത് ലക്ഷ്യത്തിനും, ഏത് ജോലിക്കും അവർ സ്വയം തയ്യാറെടുക്കുകയാണ്, ”അദ്ദേഹം പറയുന്നു. ഹൈഫ നഗരത്തിനു നേരെയും ഐഡിഎഫിന്‍റെ യുഎവിക്കു നേരെയും ഉണ്ടായ രണ്ട് അജ്ഞാത ആക്രമണ ശ്രമങ്ങള്‍ പ്രതിരോധ സേന തടഞ്ഞുവെന്നും അധികൃതര്‍ വ്യക്തമാക്കി. യുഎന്നിലെ റഷ്യയുടെ അംബാസഡർ വെള്ളിയാഴ്ച ഗസ്സ മുനമ്പിലും ഇസ്രായേലിലും വെടിനിർത്തലിന് ആഹ്വാനം ചെയ്തു.