ഇസ്രായേല്‍ വ്യോമാക്രമണത്തില്‍ ഹമാസ് സുരക്ഷാ സേന നേതാവ് ജിഹാദ് മെഹ്‌സിനും ഹമാസ് പോളിറ്റ് ബ്യൂറോയിലെ ഏക വനിതാ അംഗം ജമീലാ അല്‍ ശന്‍ത്വിയും കൊല്ലപ്പെട്ടതായി റിപ്പോര്‍ട്ട്. ഹമാസ് സഹസ്ഥാപകന്‍ അബ്ദുല്‍ അസീസ് അല്‍ റാത്തിസിയുടെ ഭാര്യയാണ് ജമീലാ അല്‍ ശന്‍ത്വി. എന്നാല്‍ ഇതുവരെ ഹമാസിന്റെ ഔദ്യോഗിക സ്ഥിരീകരണമുണ്ടായിട്ടില്ല. ഗസ്സയിലെ ഇസ്രായേലിന്റെ ആക്രമണത്തില്‍ ഒമ്പത് പേര്‍ കൊല്ലപ്പെട്ടു. കൊല്ലപ്പെട്ടവരില്‍ ഏഴു പേര്‍ കുട്ടികളാണ്.

റഫ അതിര്‍ത്തി നാളെ തുറക്കുമെന്ന റിപ്പോര്‍ട്ട് വരുന്നുണ്ട്. റഫ അതിര്‍ത്തി തുറക്കുകയാണെങ്കില്‍ 20 ട്രെക്കുകള്‍ മാത്രമേ അനുവദിക്കുകയുള്ളു. പൂര്‍ണമായി നിരീക്ഷിച്ചതിന് ശേഷമാണ് ട്രെക്കുകള്‍ കടത്തി വിടുക. കൊണ്ടുവരുന്ന ഭക്ഷ്യ വസ്തുക്കളും മരുന്നകളും ഒരു നിലക്കും ഹമാസുമായി ബന്ധപ്പെട്ട കേന്ദ്രങ്ങളിലേക്ക് കൈമാറാന്‍ പാടില്ലെന്നതുള്‍പ്പടെ ചില വ്യവസ്ഥകള്‍ ഇസ്രായേല്‍ മുന്നോട്ട് വെച്ചു. 150 ലധികം ട്രക്കുകളാണ് റഫ അതിര്‍ത്തിക്ക് പുറത്തുള്ളത്.