ഇറാനില് സ്ത്രീകള്ക്ക് നേരെ കൊടുംക്രൂരത;മഹ്സ അമിനിയുടെ മരണം റിപ്പോര്ട്ട് ചെയ്ത മാധ്യമപ്രവര്ത്തകര്ക്ക് തടവ് ശിക്ഷ വിധിച്ചു, ഹിജാബ് ധരിക്കാത്തതിന് മത പോലീസ് കൊന്നതാണ് മഹ്സയെ,വീണ്ടും പ്രതിഷേധം ആളിക്കത്തുന്നു,ഭരണകൂടത്തിനെതിരെ സ്ത്രീകളുടെ മുറവിളി
മഹ്സ അമിനിയുടെ കൊലപാതകം റിപ്പോര്ട്ട് ചെയ്ത രണ്ട് വനിതാ മാദ്ധ്യമപ്രവര്ത്തകര്ക്ക് ജയില്ശിക്ഷ വിധിച്ച് ഇറാനിയന് കോടതി. പോലീസ് കസ്റ്റഡിയിലിരിക്കെ കൊല്ലപ്പെട്ട 22കാരി മഹ്സാ അമിനിക്ക് വേണ്ടി രാജ്യവ്യാപകമായ നടത്തിയ പ്രകടനങ്ങള് റിപ്പോര്ട്ട് ചെയ്ത നിലൂഫര് ഹമീദിയ, ഇലാഹെ മുഹമ്മദിയ എന്നീ മാദ്ധ്യമപ്രവര്ത്തകരെ ഇറാനിയന് പോലീസ് കസ്റ്റഡിയിലെടുത്തിരുന്നു. തുടര്ന്ന് നടന്ന വിചാരണകള്ക്ക് ശേഷം ഹമീദിയെ 13 വര്ഷവും മുഹമ്മദിയെ 12 വര്ഷവും തടവിന് ശിക്ഷിച്ചു. ഇതില് വലിയ പ്രതിഷേധം ഉയരുന്നു. ഹിജാബില് ഇറാന് മത പോലീസ് നടത്തുന്ന ക്രൂരതയ്ക്കിതെ സ്ത്രീകള് ശബ്ദം ഉയര്ത്തുകയാണ്. ഭരണകൂടത്തേയും നിയമ വ്യവസ്ഥകളേയും വെല്ലുവിളിക്കുകയാണ്.
എന്നിരുന്നാലും ഇരുവരും ആറ് വര്ഷം വീതം ശിക്ഷ അനുഭവിച്ചാല് മതിയാകും. രാജ്യത്തിന്റെ സുരക്ഷയ്ക്കെതിരായ കുറ്റകൃത്യങ്ങള്ക്ക് കൂട്ടുനിന്നതിന് അഞ്ച് വര്ഷത്തെ തടവും ഇറാന് ഇസ്ലാമിക് റിപ്പബ്ലിക്കിനെതിരെ പ്രചാരണം നടത്തിയതിന് ഒരു വര്ഷത്തെ തടവുമാണ് അനുഭവിക്കേണ്ടത്. കൂടാതെ രാഷ്ട്രീയ സംഘടനകളുടെ ഭാഗമാകുന്നതിനും സോഷ്യല് മീഡിയയില് സജീവമാകുന്നതിനും മാദ്ധ്യമങ്ങളില് പ്രവര്ത്തിക്കുന്നതിനും ഹമീദിക്ക് രണ്ട് വര്ഷത്തെ വിലക്കും ഏര്പ്പെടുത്തി. കുര്ദിഷ്ഇറാനിയന് വനിതയായ മഹ്സാ അമിനിയെ ശിരോവസ്ത്രം ശരിയായി ധരിച്ചില്ലെന്നാരോപിച്ച് 2022 സെപ്റ്റംബറില് ഇറാനിലെ സദാചാര പോലീസ് കസ്റ്റഡിയിലെടുത്തതിന് പിന്നാലെയാണ് കൊല്ലപ്പെടുന്നത്. ഇതോടെ മാസങ്ങള് നീണ്ട പ്രക്ഷോഭങ്ങള്ക്ക് ഇറാന് സാക്ഷിയായി. ഹിജാബ് വലിച്ചെറിഞ്ഞും കത്തിച്ചും ആയിരക്കണക്കിന് പേരായിരുന്നു തെരുവിലിറങ്ങിയത്. ഇവര്ക്കെതിരെ കര്ശനമായ നടപടിയും ഇറാനിയന് ഭരണകൂടവും പോലീസും സ്വീകരിച്ചിരുന്നു.
ഇതിനിടെ ഇറാനില് ഹിജാബ് ധരിക്കാത്തതിന്റെ പേരില് പൊലീസ് പീഡിപ്പിച്ചതിനെ തുടര്ന്നു മെട്രോ ട്രെയിനില് കുഴഞ്ഞുവീണ അര്മിത ഗൊരാവന്ദ് (16) എന്ന പെണ്കുട്ടിക്ക് മസ്തിഷ്കമരണം സംഭവിച്ച സംഭവത്തില് വന് പ്രതിഷേധം. പൊലീസ് പീഡനം നിഷേധിച്ചെങ്കിലും ഇറാന് മസ്തിഷ്കമരണം സ്ഥിരീകരിച്ചു. ജീവന്രക്ഷാ ഉപകരണങ്ങളുടെ സഹായത്തോടെയാണ് അര്മിത ആശുപത്രിയില് തുടരുന്നതെന്ന് ഇറാന് ഔദ്യോഗിക വാര്ത്താ ഏജന്സി വ്യക്തമാക്കി. അതേസമയം പൊലീസ് അര്മിതയെ മര്ദിച്ചതായാണ് ദൃക്സാക്ഷികള്പറയുന്നത്.
ഈ മാസം ഒന്നിനാണ് അര്മിത ഗൊരാവന്ദ് മെട്രോയില് കൂട്ടുകാരികള്ക്കൊപ്പം സഞ്ചരിക്കുന്നതിനിടയില് ബോധരഹിതയായി വീണത്. പൗരാവകാശ സംഘടനയായ ഹെന്ഗാവ് ആണ് സദാചാര പൊലീസ് പെണ്കുട്ടിയെ പീഡിപ്പിച്ചതായി ആരോപിച്ചത്. 2022 സെപ്റ്റംബറില് കുര്ദ് യുവതി മഹ്സ അമിനി (22) കസ്റ്റഡിയില് മരിച്ചതിനെ തുടര്ന്നു വനിതകളുടെ നേതൃത്വത്തില് മാസങ്ങളോളം കനത്ത പ്രക്ഷോഭമാണു രാജ്യത്തുടനീളം നടന്നത്. അമിനിയും മസ്തിഷ്ക മരണത്തെ തുടര്ന്ന് 3 ദിവസം ആശുപത്രിയിലായിരുന്നു. ഹിജാബ് ധരിച്ചില്ലെങ്കില് കൊടുക്രൂതയാണ് ഇറാന് പോലീസ് പുറത്തെടുക്കുന്നത്. എന്നാല് ഹിജ്ബ് വലിച്ചെറിഞ്ഞും കത്തിച്ചും വലിയ പ്രതിഷേധമാണ് അവിടെ നടക്കുന്നത്.
https://www.facebook.com/Malayalivartha
