ഗാസ കേന്ദ്രമാക്കി പ്രവര്‍ത്തിക്കുകയും ഗാസയെ നിയന്ത്രിക്കുകും ചെയ്യുന്ന ഹമാസ് പോരാളികള്‍ ഒക്ടോബര്‍ മാസം ഏഴാം തീയതി ഇസ്രായേലിലേക്ക് മിന്നല്‍ ആക്രമണം നടത്തിയതിനെ തുടര്‍ന്നുണ്ടായ ആക്രമണത്തില്‍ ഇസ്രായേല്‍ സൈന്യം ഹമാസുകളെ നിലം പരിശാക്കിയ വാര്‍ത്തകള്‍ നമ്മള്‍ കേട്ടതാണ്. ഹമാസ് തീവ്രവാദികളെയും നേതാക്കളെയും കുടുക്കാനുള്ള യുദ്ധത്തില്‍ നിരപരാധികളായ സിവിലിയന്മാര്‍ക്കും ജീവഹാനി സംഭവിച്ചിട്ടുണ്ട് . 1200ലധികം ഇസ്രായേലികള്‍ കൊല്ലപ്പെടുകയും നൂറുകണക്കിന് ആളുകളെ ബന്ദികളാക്കുകയും ചെയ്തതിന് തിരിച്ചടിയായി ഇസ്രായേല്‍ ഗാസയില്‍ അതിശക്തമായ വ്യോമക്രമണവും പിന്നാലെ കരയാക്രമണവും നടത്തിവരികയാണ് . രണ്ട് മാസത്തിലേറെയായി തുടരുന്ന ഈ പോരാട്ടത്തില്‍ ഗാസ തകര്‍ന്നു തരിപ്പണമായി, ഇതുവരെ 19,000 പലസ്തീനികള്‍ കൊല്ലപ്പെട്ടിട്ടുണ്ടെന്നാണ് കണക്കുകള്‍. മരിച്ചവരില്‍ ഭൂരിഭാഗവും സ്ത്രീകളും കുട്ടികളുമാണെന്നുള്ളത് യാഥാര്‍ത്ഥ്യവുമാ ണ് .

ഹമാസിന് ഈ അക്രമണങ്ങള്‍ക്ക് സഹായം ചെയ്തു കൊടുക്കുന്നത് ഇറാന്‍ ആണെന്ന് ആദ്യം മുതല്‍ തന്നെ വ്യക്തമാ ണ് . ഇപ്പോള്‍ ഇസ്രായേല്‍ സൈനികരെ ഹണിട്രാപ്പുചെയ്ത് രഹസ്യ വിവരങ്ങള്‍ ശേഖരിക്കാന്‍ ഇറാന്‍ പെണ്‍കുട്ടികളെ ഉപയോഗിച്ചതായി തെളിവുകള്‍ റിപ്പോര്‍ട്ട് ചെയ്യപ്പെടുന്നുണ്ട്. വടക്കന്‍ നഗരമായ മഷാദില്‍ ഹീബ്രു ഭാഷയറിയാവുന്ന ഒരു കൂട്ടം ഇറാന്‍ സ്ത്രീകളെ ഈ ജോലിക്കായി നിയോഗിച്ചിട്ടുണ്ടെന്നാണ് ലണ്ടന്‍ ആസ്ഥാനമായുള്ള വാര്‍ത്താ ഏജന്‍സിയായ ഇറാന്‍ ഇന്റര്‍നാഷണല്‍ തങ്ങളുടെ റിപ്പോര്‍ട്ടില്‍ പറയുന്നത് . ഈ സ്ത്രീകള്‍ ഇസ്രായേല്‍ സൈനികര്‍ക്ക് നഗ്‌ന ചിത്രങ്ങള്‍ അയച്ച് ഹണിട്രാപ്പ് ചെയ്യാന്‍ ശ്രമിച്ചുവെന്നുള്ള വാര്‍ത്തകളും പുറത്തു വരുന്നുണ്ട്.

ഈ ഇറാനിയന്‍ വനിതകള്‍ക്ക് പരിശീലനം നല്‍കിയത് ഇറാനിലെ റവല്യൂഷണറി ഗാര്‍ഡ്‌സ് കോര്‍പ്‌സ് ആണെന്നാണ് റിപ്പോര്‍ട്ടുകള്‍. ഇവര്‍ക്ക് ഹീബ്രു ഭാഷയില്‍ മികച്ച പരിശീലനം നല്‍കിയിരുന്നു. സമൂഹമാധ്യമങ്ങള്‍ വഴി ഇസ്രായേല്‍ സൈനികരുമായി എങ്ങനെ ബന്ധപ്പെടണമെന്നും അവരില്‍ നിന്ന് വിവരങ്ങള്‍ ശേഖരിക്കേണ്ടത് എങ്ങനെയാണെന്നും നിര്‍ദ്ദേശങ്ങളും നല്‍കിയിട്ടുണ്ട്. ഇസ്രായേലി സൈനികരെ വലിയിലാക്കാന്‍ വേണ്ടി അവര്‍ അശ്ലീല വീഡിയോകളും ചിത്രങ്ങളും അയച്ചിരുന്നതായും റിപ്പോര്‍ട്ടുകളുണ്ട്.

ഇസ്രായേലി സൈനികരെ കുടുക്കാന്‍ ഇറാനിയിന്‍ സ്ത്രീകള്‍ വ്യാജ പേരുകളിലുള്ള സമൂഹമാധ്യമ പ്രൊഫൈലുകളാണ് ഉപയോഗിക്കുന്നത്. അതേസമയം അവര്‍ സൈനികര്‍ക്ക് അയച്ചുകൊടുക്കുന്ന ചിത്രങ്ങളും വീഡിയോകളും യാഥാര്‍ത്ഥ്യം തന്നെയായിരുന്നു. ഇത്തരത്തില്‍ അയക്കപ്പെട്ട ചില ചിത്രങ്ങളിലും വീഡിയോകളിലും ഇറാനിയന്‍ സ്ത്രീകള്‍ തൊപ്പികള്‍ ധരിച്ച് കനത്ത മേക്കപ്പ് ധരിച്ചതായാണ് കാണപ്പെട്ടത്. ചില ചിത്രങ്ങളില്‍ സ്ത്രീകള്‍ നാമ മാത്രമായ വസ്ത്രങ്ങളാണ് ധരിച്ചിരുന്നത്. അതേസമയം അയച്ചുകൊടുത്ത ചിത്രങ്ങളില്‍ ചിലതില്‍ ഇറാനിയന്‍ സ്ത്രീകള്‍ പൂര്‍ണ്ണ നഗ്‌നരമായി കാണപ്പെട്ടെന്നും റിപ്പോര്‍ട്ടുകളുണ്ട്. ഏകദേശം 22 വ്യത്യസ്ത പ്രൊഫൈലുകളില്‍ നിന്നാണ് ഇസ്രായേല്‍ സൈനികരെ സ്വധീനിക്കാന്‍ ശ്രമം നടന്നത്. ഇതില്‍ രണ്ട് സ്ത്രീകളെ തിരിച്ചറിഞ്ഞിട്ടുണ്ടെന്നാണ് വിവരം. രണ്ട് സ്ത്രീകളും മഷാദ് നഗരത്തില്‍ നിന്നുള്ളവരാണെന്നും അവരുടെ പേര് സമീറ ബാഗ്ബാനി തര്‍ഷിജി, ഹനിയ ഗഫാരിയന്‍ എന്നിങ്ങനെയാണെന്നും സൂചനകള്‍ പുറത്തു വരുന്നുണ്ട്.

ഹണിട്രാപ്പിലൂടെ സ്ത്രീകള്‍ക്ക് നിരവധി വിവരങ്ങള്‍ ഇസ്രായേല്‍ സൈനികരുടെ പക്കല്‍ നിന്ന് ലഭിച്ചുവെന്നും അവ ഹമാസിന് കൈമാറിയതായും ഈ വാര്‍ത്ത പുറത്തുകൊണ്ടുവന്ന വാര്‍ത്താ ഏജന്‍സി വ്യക്തമാക്കുന്നു. ഇതില്‍ നിന്നും ഇസ്രായേല്‍ സൈനികരില്‍ നിന്ന് വിവരങ്ങള്‍ ചോര്‍ത്താന്‍ ഹമാസ് തീവ്രവാദികള്‍ ഹണിട്രാപ്പ് ഉപയോഗിക്കുന്നുണ്ടെന്നുള്ള സൂചനകളാണ് ലഭിക്കുന്നതെന്നും വാര്‍ത്ത ഏജന്‍സി വ്യക്തമാക്കുന്നു. ഇതാദ്യമല്ല ഇത്തരമൊരു ഹണിട്രാപ്പ് പുറത്തുവരുന്നതെന്നുള്ള റിപ്പോര്‍ട്ടുകളും പുറത്തു വരുന്നുണ്ട്. ഹണിട്രാപ്പിലൂടെ ഹമാസ് തങ്ങളുടെ സൈനികരില്‍ നിന്ന് വിവരങ്ങള്‍ ചോര്‍ത്തുന്നതായി കഴിഞ്ഞ മാസം ഇസ്രായേല്‍ പ്രതിരോധ സേന സൂചിപ്പിച്ചിരുന്നു. ഇതുമായി ബന്ധപ്പെട്ട സോഷ്യല്‍ മീഡിയ പ്രൊഫൈലുകള്‍ ഇസ്രായേല്‍ പ്രതിരോധ സേന നശിപ്പിക്കുകയും ചെയ്തിരുന്നു. ഹണിട്രാപ്പിന് നേതൃത്വം നല്‍കുന്നത് ഇറാനാണെന്നും സൈനികരെ വശീകരിക്കാന്‍ സ്ത്രീകളുടെ വോയ്‌സ് റെക്കോര്‍ഡിംഗുകളും വീഡിയോ കോളുകളും ഉപയോഗിക്കുന്നുണ്ടെന്നും ഐഡിഎഫ് പറഞ്ഞിരുന്നു. ഈ പ്രൊഫൈലുകള്‍ ബ്ലോക്ക് ചെയ്യാന്‍ സോഷ്യല്‍ മീഡിയ സൈറ്റുകളുമായി ബന്ധപ്പെട്ടിട്ടുണ്ടെന്ന് ഇസ്രായേല്‍ വ്യക്തമാക്കുകയും ചെയ്തിരുന്നു.